السلام عليكم ورحمة الله وبركاته

الاخوة الافاضل

هذه مشكله غريبه شوي وانا هنا اطرح موضوع مع استفسارات وابحث عن عدة حلول
البدايه من تاريخ بداية تاريخ هالشهر لمدة اسبوعين وتم الاستغناء عن خدماتي قبل حوالي 3 ايام

تم توظيفي في وكالة طيران (حجز وقص تذاكر)

مسمى الوظيفه أمين صندوق
طبعا وقعت عقد على الموافقه والراتب كان 1500 (عارف انه استغلال لي كسعودي لاكن انا وافقت من أجل أخذ خبره )
المدير سعودي قال لي العقد الي وقعت عليه مدته 3 شهور فترة تدريب طبعا الراتب نصف راتب سعودي وهذا مخالف للقرارات السعوده
الشي الثاني يوجد4موظفين حجز اجانب كلهم مصريين واحد هندي
وهذا مخالف القرار الجديد للسعوده جميع المحاسبين وموظفي الحجز يجب ان يكونو سعوديين امين الصندوق مصري وانا اتدرب معه الان تم التخلي عني بلا سبب وصرف مستحقاتي عطوني على كل يوم 50 ريال وانا سبب موافقتي على الراتب المتدني هو الجد بالعمل والخبره لاكن للاسف لم يتم تقدير هذا الشيء من المدير السعودي الذي يحارب ابن بلده
علما انه طلب مني اكون ( امين صندوق + موظف حجز+محاسب) وهذا مخالف كيف تجي عدة انشطه تحت مسمى وظيفه واحده
كلهم بنفس الوقت وبنصف الراتب ومع ذالك ما اعترضت قلت عادي تدريب وخبره لمصلحتي الشخصيه يوما ما انتقل الى اي مكان عمل واستفيد من هالاشياء
بحثت عن اسمي في وزارة العمل ولم اجده لاكن يبدو ان العقد موجود لدى المدير هل يستطيع الاستفاده منه وهو مدته 3 شهور ؟
ايضا فترة التدريب قال انا بعد 3 شهور ارسل اسمك الى الموراد البشريه
عارف انها حركت نصب وفترة تلاعب علشان لما تجي الرقابه يشوفون العقد ان فيه سعوديين يتدربون علما ان كل السعوديين الذين لديه رواتبهم 3000 من اول يوم وظيفه
علما اني لاحظت احد المصريين للاسف لايعرف جيدا حجز طيران وتذاكر ويساعده صديقه بشكل دائم اما الاخر فكان يخطى احيانا ويتم خصم منه علما اني شاهدة اسماء الموظفين والرواتب حتى الاجانب أعلى مني راتب واحد المحاسبين مصمم برنامج خاص به للحسابات يعني خاص به مايعرف يتقن اغلب برامج المحاسبه الشهيره للشكرات والوكالات (المعنى أغلبهم جايين على ان دولتنا معهد تدريب لهم ) علما ان مؤهلي دبلوم الكليه التقنيه قسم التقنيه الاداريه
وش اسوي ؟
اشتكي لمكتب العمل وش اقول ؟
الاجانب المصريين بالعمل يعرفون انهم مخالفين ويعرفون ان القرار يبي سعوديين محاسبين الظاهر ان الغرامات مو قويه لذالك يطلعون اكثر منها لان وكالتنا تطلع بالشهر حوالى 100 الف لذالك الغرامات تعتبر احدى الفواتير
افيدونا بردود مثمره تصب بصلب الموضوع

أخي الكريم


يعوضك الله أن شاءالله خير منها

خلال فترة التجربه يحق لأي من الطرفين أنهاء العقد

خلال اول ثلاث شهور يحق لهم الاستغناء عن خدماتك ..

الله يعوض عليك ..

ياخوي لازم تروح لمكتب العمل وترفع عليهم شكوى من الى عن كل ما يخالفو به نظام العمل و العمال

هذا الغش و التلاعب ما نبي نسكت او نتستر عليه بأي شكل من الأشكال خلاص طفح الكيل