تخرجت وياليتني ماتخرجت

سحابة عاطله · #1 (**permalink**) 15-07-2008, 02:57 AM

السلام عليكم ورحمة الله وبركاته

كيفكم؟؟
انشالله تكونون بافضل حال
والله يرزقني وياكم بالوظيفه اميييييييييييييييييييييييييييييييين يارب

انا تخرجت من قسم تغذيه وعلوم اطعمه بتقدير جيد جدا مع مرتبة الشرف
وحاصلة على دورة لغة انجليزية ثلاث شهور
ودورة انشاء خطط المشاريع الصغيره د.خالد الزامل(مقدمه من سايتك)

المهم انا داخله القسم لاني سمعت ان مستقبله مره حلو واتوظف فنية اغذيه باي مستشفى ثم يتم ترقيتي بعد ثلاث سنوات الى اخصائية تغذية المهم اهلي كانوا موافقين
ولله الحمد تخرجت وياليتني ماتخرجت ولا دخلت القسم هذا لان حصل لي اني اتوظف في مستشفى حكومي كفنية اغذية وبراتب 5000ريال في الشهر لاكن اهلي رفضوا رفض تام اني اتوظف بمستشفى بسبب الاختلاط وان المجتمع مايرحم ونظرة الناس لي بتتغير
وغيرت نظرتي واتجهت للقطاع الخاص بس مالقيت اي وظيفة حتى مدرسة تدبير ماحصل يبون مدرسة تدبير تخصص اقتصاد منزلي عام
انا ضاقت فيني الوسيعه وماادري وش اسوي ؟؟
وياليت اي احد يقدر يساعدني بوظيفه تناسبني ومافيها اختلاط ياليت يساعدني ..
في بنك او مدرسه او معهد اوشركة نسائيه
اي وظيفه تعليميه كانت او اداريه.....
واي دورة تنصحوني اني اخذها في هالصيف اللي تساعدني وتطور من السيره الذاتيه حقتي وتساعدني في التوظيف بصراحه انا طموحه كنت بكمل دراسات عليا بقسمي في جامعة الملك سعود بس قلت ليش اتعب عمري وادرس وبالاخير ماراح اتوظف في تخصصي...........
عالعموم انا من سكان الرياض (شمال الرياض)وياليت اي احد عنده وظيفه لي يراسلني عالخاص
واسفة طولت عليكم
وجزاكم الله خير الجزاءوالله يرزقني ويرزقكم بالوظيفه العاجله الغير اجله اميييييييين

انشراح الفجر · #2 (**permalink**) 15-07-2008, 03:41 AM

[GLOW="CC0000"]
أختي الله يرزقك الحلال
والله فيه ناس شهادات عالية وللحين ماتوظفوا
لكن الله يفتح لك ابواب الرزق
[/GLOW]

mnsy · #3 (**permalink**) 15-07-2008, 03:46 AM

مرحبــا

غريبه جد ، أهلك كانوا موافقين بالأول وبعد التخرج أرفضو
أشوف العتب ع أهلك الله يخليهم
الله يوفقك يارب وتحصلي مرادكـ ،

تنتظر الوظيفه · #4 (**permalink**) 15-07-2008, 03:49 AM

الله يوفقك ... و الله يفتح لك ابواب الرزق
دمتي بحفظ الرحمن

Mo chuisle · #5 (**permalink**) 16-07-2008, 01:03 AM

الله يوفقك ... و الله يفتح لك ابواب الرزق
دمتي بحفظ الرحمن

خالد الشفاء · #6 (**permalink**) 16-07-2008, 01:07 AM

الله يرزقك ويرزقنا بالوووظيفه الطيبه ياارب

sami alharaby · #7 (**permalink**) 16-07-2008, 01:09 AM

الله يرزقك بالوظيفة .

سحابة عاطله · #8 (**permalink**) 16-07-2008, 10:22 PM

جزاكم الله الف خير ورزقني ورزقكم الوظيفه

AMOUR · #9 (**permalink**) 17-07-2008, 12:42 AM

شوفي قدمي في المصانع حق الاغذية
هي فيها اختلاط صحيح لكن عادة عدد الموظفات في خطوط الانتاج كبير جدا ويفوق عدد الرجال
يعني ما بتحسي بوجود الاختلاط اصلا ويمسكوك مركز لأن معك بكالريوس
لي زميلة مثلك تخصصها تغذية وتوظفت في مصنع لصناعة الحلويات
والله مرة ماشاء الله مبسوطة
صدقيني المصانع الغذائية خيارك الامثل
وبالتوفيق يارب

heavenmoon · #10 (**permalink**) 17-07-2008, 03:28 AM

[GRADE="FF1493 FF6347 32CD32 00BFFF FF1493"]
طيب ليه كل هذا التعب الله يهديكي ... و الزعل ... اشوف المسألة بسيطة

اكتبي اعلان في الجريدة مفاده //

اخاصئية تغذية .. تدعو اي سيدة ترغب في تنظيم البرنامج الغذائي .. بان تتوجه الى الاتصال بنا .. و لزيارتنا

وانتي استئجري لك مكتب .. او شقة او اي شي .. و اشتغلي بشهادتك .. و اعملي لحالك دعاية في المراكز الصحية ... الكليات .. الجامعات .. الخ

اشتغلي في تنسيق برامج غذائية لمرضى السكــر - مرضى الضغط - اصحاب الوزن الثقيل او الخفيف

لاتوقف كذا حيرانة ... و اذا كانت المسألة صعبة عليك .. اشنركي انتي و كذا وحدة في هذا المشروع .. من صاحباتك اللي من نفس تخصصك ... والله يوفقك يا رب .. و يسهل لك جميع امــــورك
[/GRADE]