السلام عليبكم شباب الى عنده خبره ينورنى فكرة فتح محل كهرباء وسباكه وش رايكم فى المشروع وكيف ابدى ومن وين اجيب البضاعه ولو ابى استورد من الصين اشلون والمحل عشان افتحه كيف افتحه التصاريح الازمه وكم تأشيره يعطون


واخيرا الى من جده وحاب نتشارك ويكون جاد جدا انا والله جاد وماعندى مشكله

؟؟؟؟؟؟؟؟؟؟؟؟؟؟؟

الله يوفقك
يجيك من الاخوان من يفيدك

انا مثلك تراودني فكرة محل سباكه وكهرباء بس مدري من وين ابدى انا اشوف انه مشروع ناجح والطلب عليه كبير
بس ياليت احد الاعضاء اللي لهم خبر ه بهالمجال يفيدنا واذا فيه دراسه جدوى ليت احد الشباب يسدحها هنا ونكون له شاكرين.

السلام عليكم نتمنى لك التوفيق
اترك عنك شغل التجار ودراسات الجدوى والكلام ذا
اعمل هالطريقة وان شالله ما تخسر
اولا تعامل كأنك زبون خذ ورقة وقلم وروح لمحلات السباكة القطاعي وسعر كأنك تبي تشتري كميات وكأنك مقاول عشان راح يفرق السعر اذا كمية راح يرخص لك
وسجل بورقة وقلم وسجججججل لا تنسى
واسأله عن الصناعات والنوعيات
وامش للي بعده ومثله وكذا محل وشوف فروقات الاسعار
بعد ما تخلص بخشش اي عامل بكل محل واساله عن التفاصيل تجيبو هالمواد من الموزع ولا تستوردوها وش الصناعات المرغوبة ومين افضل موزع ومن هالاسئلة اذا موزع اساله من وين واي سوق
وروح على الموزع وفاتحه بالموضوع على انك بتفتح محل وتبي الاسعار عشان دراسة الجدوى
وقارن اسعار المورد مع اسعار المحلات اذا هامش الربح كبير والشغله مستاهله كمل بالموضوع
وحاول تتقنص وتحط عينك على حي مافيه مواد سباكه وكهرباء بحيث يكون الاجار معقول ومقدور عليه
هذي طريقتي في دراسات الجدوى ولك الحكم
واتمنى لك التوفيق

وبيض الله وجهك يالجهني ووجه من يقرأ والله يرزق الجميع

اول شي حبيت اوضح لكم بعض الاشياء من واقع خبره

البضاعه الموزعين اللي هم المناديب يجوك لباب المحل ويعرض عينه من بضاعته
واللي تبيه يجيبه لك
بالنسبه انك تجيب بضاعه من الصين فهذا غير معقول انت تاجر جمله وﻵتجزئه

والمحل مواد بناء وسباكه وليست سباكه وكهرباء
ابعد عن مواد الكهرباء الا الضروري منها
مثل اﻻفياش والفيوز واﻻقلام
ضروري المحل يكون مساحه كبيره وله فتحتين
ومن الضروري ايضا ان يكون لك مستودع
ﻻنه شخص يبي كميات كبيره لعمارته تئامنها له
يكون في المحل تقريبا مثل العينات الا نماصغرت

ضروري تبحث عن التعامل مع المقاولين فهم اساس نجاح المشروع بمشيئه الله

المهم في المشروع ان تبدا بالكاش وتبعد عن الدين في البدايه
اذا استطعت توفير سياره لنقل بضائع الزبائن فهذا جيد فاذا لم تستطيع في البدايه فﻻباس
واخيرا بالنسبه للمحل ﻻبد من استقدام عامل سباك وكهربائي وافضل العماله الهنديه
تتفق معه بالراتب ونص اﻻعمال اليوميه التي يقوم بها خارج المحل






اي خدمه ثانيه انا حاظر واذا مارديت تواصل معي على الخاص

بالتوفيق

الله يبيض وجيهكم ويرفع قدركم