[align=center]السلام عليكم ورحمة الله وبركاته


اشكر كل القائمين على هذا المنتدى الجميل

اخواني جزاكم الله كل خير في الدنيا والاخره احتاج مساعدتكم والاجابه على اسألتي

امي مستفيده من الضمان الاجتماعي

1/ هل فيه خدمه عند الضمان للاجهزه المهم في البيت مثل المكيف - الغساله - بتوجاز - مغاسل - باب



لان احنا الآن درجة الحراره عندنا 8 وامس 2- يعني تحت الصفر ومع هذا كله تخيلوا
امي تقوم الصبح وتغسل الملابس والغساله متكسره ورايح ورايح عمرها والنشافه مافيييه نشافه
يعني تجدد الملابس بيدينها بهالبرد وتروح للحوش اكثر من 5 مرات يعني معرضه لدخول البرد لجسمها
يارب تحرم يدينها عن النآر

والغاز ااه بس من عرفت اهلي وهو موجود عندهم لازم تطقه لمن تتعب علشان يعقل ويشتغل زي الناس

ومكيفات نتهاوش علشان كل وحده تبي تجي صوبه ماينفخ الا على اللي قدامه بعد نفخ هواء مو براد

والمغاسل متكسره وتجرح اليد


2/ البيت مره تعبان تعبان عندنا الحوش مو بلاط لا صبه عاديه يعني سمنت فقط
ومع الوقت يرتفع الاسمنت ويطلع علينا التراب وتروح امي وتحط سمنت بنفسها

وعندنا المقلط وغرفة العيال اوووف ماتقدر تفتح الباب منها الارض مرتفعه علينا جت امي وهدت الاسمنت
وحطت سمنت جديد بالغرفتين والان فقط موجود سمنت

امي هي اللي بنت البيت وهذا اللي قدرت تدفعه وطبعا غشونا في البنايه
كل يومين يخرب شي يطيح شي حتى الجدار بقسم الثاني طايح على الباب الخارجي ولا نقدر نفتحه
واحنا ماعندنا دور ثاني ولما تروح للدرج فوق تتجمد من البرد ليش لان فوق مو مسكر محطوط فقط
شينكو والحنفيه حاطينها على السطح مباشره
وغير البرد انواع الرعب مع الهواء يطلع صوت واذا جاء غبار يطلع له صوت


3/ التسبيك في البيت ابدا مو زين كل شوي تطفي علينا لمبه
والمقلط فيه إلتماس لو تشبك توصيله طفاء عليك ثم شغل
والآن غرفة البنات خربان النور فيها وقسم الدرج خربان نوره ندخل في الكشاف


الحمدلله على كل حال
الحمدلله على كل حال




بتقولون ليش اكتب هالشي والله منها افضفض ومنها احد يرحم حالنا ويوجهني ويعلمني ايش حقوقنا الحقيقيه( انا مو من الرياض)

والناس اللي هنا ماقول الا حسبنا الله ونعم الوكيل فيهم
يأكلون مال اليتيم بدون ذمه وضمير وبدون خوف من الله عز وجل

فيه فترات جت فلوس من الملك الله يحميه ويطول بعمره والله كل وحده تتصل في امي
وتقول جاها 3000 ريال وامي تنتظر وتنتظر وللاسف لما اتصلت يقولون مالك شي
مع ان جارات امي جاتهم الفلوس وهم اقل منها اولاد وفيه ثنتين ماعندهم اولاد وماشاء الله جاهم
من الفلوس الله يبارك لهم

وعمتي تقول فرشنا البيت كله منهم وكل سنتين لكم تجدوون الفرش مادري هالشي حقيقي او اشاعات





انا بروح شخصيا وبنفسي واترك الكل لان دايم اقول لامي واقول لاخواني احنا لنا حقوق
والكل فاقد الامل والبعض يضحك
انا اعذرهم لان من اللي نشوفه لو جاء شي سبحان الله يعطونه اللي يبون لاقرب ناس لهم ويتركونا




انتظركم تقولون لي ايش اسوي ولو رحت وقالوا مالكم شي وش ارد عليهم
هل يحق لي اطلب الاوراق اللي تثبت حقوقنا

لان فيه ناس يقولون راح نجي نشوف البيت ويكتبون كل شي ويطلعون نسال ثاني يقولون مايشملكم
مستجيل مايشملنا مابي اظلم احد لكن ممكن اصرفوها لهم وقالوا انا استلمنا


تحملوني شوي بس بجد انا تعبت من نفسية امي والله شايل حمل ربي يغفل لها ويرحمها
وصايره عصبيه حيل وحتى الكهرب تقول لاتشغلون المكيفات بس واحد اخاف يقطعونه علينا
مع انه هم اللي يسددون ودايم اقنعها يايمه ماهو محدد لنا كم نصرف بالشهر ومع ذالك خايفه
منهم وماتأمن لهم [/align]

سبحان الله العظيم ~ سبحان الله وبحمده

هلا اختي
ايوه فيه برنامج في الضماان اسمه ترميم المنازل قدموا عليه ويجي بعد موافقتهم واحد من عندهم يشوف بيتكم ومدى حاجتكم ويرفع لكم تقرير وانشالله يجيكم
ايووه يصرفون مكيفات وغاز وغساله وفرش واشياء كثيررره
والله يكتب لكم الخير يااارب

في انتظار البقيه والله كنت متأمله الاقي حماس ع الموضوع ):

حبيبتي
الله يسهل لكم كل اموركم ويرزقكم ويفتح لكم ابواب من الرزق
انا بعلمك باللي اعرفه
اول شي الراتب الشهري الي مايوكل عيش في هالوقت
وثاني شي فيه المقطوعة السنوية قدموا عليها وتنزل لكم بعد ٣ شهور ماتقل عن ١٠ ألف والتقديم عليها سنوي
وكمان عندكم دورات ومنح تعليمية لمستفيدي الضمان تقدرون تدرسون فيها وبعدها تتوظفون
وبالنسبة للترميم ماعندي خلفية لو تروحين لهم يفيدونك
وفيه كمان فاتورة الكهرباء يدفعون لكم جزء منها
وامك اذا أرملة خليها تقدم على قرض من الصندوق الخيري
اذا افدتك بشي ادعيلي
والله يسهل اموركم ان شاءالله

انا اشك بما قالت الاخت بيوتي انتي فين عايشة وثاني شي اذا لك حق بتاخذنية غصب عنهم ثالث شي اذا الله بلاكم بالفقر فترى 70%بالمية من الشعب السعودي وعوائلة فقراء ونحمدالله على كل حال اما بخصوص ترميم البيت مايحتاج تروحون للضمان تقدرون تاخذون من البلدية التابعة في محافظتكم قروض ترميم بقيمة 45 الف ريال سعودي اذا كان البيت ملك لكم دورو كفيل بعد ماتنزل الفلوس قدمو على وزارة المالية باسقاط قرض الترميم مع شرح الحالة ماياخذ الا 6 شهور انا متزوج ولي 3 سنوات وماخذ قرض زواج ولحد الان ماياخذة مني ولا ريال ولا طالبني اتمني اني افدتك بالشي هذا

تروح للضمان والبرنامج اسمه ترميم منازل اخوي وهم يدرسون حالتكم وباقرب وقت بيجيكم واحد منهم ولا تخااف اللي عند الله مايضيع مو معقول يشوف ماعندكم شي جديد كله قديم ومكسر ويسكت لأ بيكتب تقرير عن الشي اللي شافه وبأقرب وقت انشالله ربي يرزقكم
وثانيا قدموا على المقطوعه السنويه خذ كرت العائله وتوكل على ربك
ودعواااتك لنا