حي الله الجميع أعضاء وإدارة ومشرفين مراقبين

أحد الأخوان جاني زعلان!!

يقول :- ( أمي كبيرة بالسن ومريضة بالضغط والسكر وعايشة معي في بيتي مع زوجتي ولكني محتار بالخيار - قلت له :- أي خيار ؟
قال بين أمي وزوجتي والرحيل
قلت له : أي رحيل ؟
قال : زوجتي خيرتني بين أمي أو الرحيل !!!

قلت له لحظة قبل تندم وانتظر من القصيد بيتين

واهديته هذي الابيات :-


حبيبتي أن كان لك حق أمي لها حقوق

وان طلبتي فراقي أمي مقدر أخليها

أمي وصيتي بالشرع مكانها عالي فوق

وان كانك غلا أمي ياكثر مغليها

ان بقيتي لك مكانك لك الشوق

وان رحلتي عشرتك تراني ناسيها

وان كانك طبختي رز أمي طبخت مرقوق

أمي في ناظري دنيتي ومافيها

أنا كنت أشوفك وفا وفن وذوق

واليوم تطلبين أمي أجافيها

بنت الاجواد خلت القلب محروق

لو هي أصيلة ماهقوتي تسويها

كل شي اطلبيه روحات وجيات وسوق

إلا (أمي) مستحيل انساها وأخليها


( وعاد إن بقيتي أهلآ هلا بك ** وان رحلتي الله يسهل طريقك


وسامحونا والقاكم بخير

الزوجه تتعوض ، لكن الام ما تتعوض
و كفايه ان الجنه تحت اقدام الامهات

الله يخلي لك امك والعتبه بدالها اعتاب

أمي فداها البيت واصحابها
مافيه وجه للمقارنه نهائي
.
مشكور قصيده معبره
.
ملاحظة الجنة تحت...<~ قول _ ربما البعض يظنه حديث نبوي

حي الله أمي حي الله المرقوق

حي الله اللي شانها عالي فووووووووووق

الزوجه الي ماتبي امي عليها السلام
ومالها مكانه ببيتي ابداً اعيش مع امي لين احصل على الزوجه الي بتحب امي وكثير من الي قلوبهم رحيمه
مو شرط فيه المطلقة والارمله المهم زوجه صالحه الي تسعدني وتسعد امي
لا يقف محتار بين الخيارين يطلقها ويعيش مع امه
وقبل لا يتهور ي بطلاق يوديها عند أهلها تفكر بالموضوع لين تقرر هي ويقولها مافي وجه مقارنه مع الغاليه امي

فديت امي وفديت الارض الي تمشي عليها