السلام عليكم ،،

ي اخواني ، ابغى اسأل عن كيفية الحياه والنظام اليومي والروتين
ب الكليات العسكرية لخريجين الثانوي وليس الجامعه ..
لانه نظام الت 9 اشهر بكلية الملك فهد الامنيه يختلف 100% عن النظام بالكليه الحربيه او الملك خالد لخريجين الثانوي



بعد الـ 45 يوم ،

كيف النظام ؟

من الصبح لـ العشاء ، مالعمل والروتين اليومي .؟

دراسه من متى لمتى وباقي الوقت كيف ؟
هل صحيح الطالب الي اقدم منك بسنه يكون عليك ضابط ويطلع حرته فيك ؟

ياليت ي شباب الي عنده معلومات كافيه ووافيه يكتب الي يعرفه
والي يعرف معلومات بسيطه يكتب الي يعرفه ايضآً لاني محتاج المعلومات هذي جديآ
ولله يوفقكم يارب ^ـ^ ويحقق لكل واحد الشي الي بباله

:"( ..

يجي من يفيدك

نظامهم جدا بسيط وسهل ويعتمد على النفسيه وليس الجسديه لكن كلية الظباط بالجامعه مب بالثانويه لكن انا بتكلم لك عن الدورات العسكريه
بشكل عام : اهم شي تكون نفسيتك كويسه ولا عليك في احد
خلاص دخلت الدوره فكر ماقدر اسوي اي شي الابعد التخرج
حط التخرج قدامك : وبالنسبه لروتين الصباح بعد الفجر هروله لين الساعه ٧
بعدها ينزلونكم ل الميز وبعد الميز تدريباات الى الساعه ٩ او ١٠
وبعدها يدخلونكم ل السكن الى الظهر تصلون الظهر وترجع للميدان تكميل
التكميل تقريبأ للساعه ٢ وبعدها يدخلونكم للميز " للغداء" وبعد الغداء يرجعونكم للسكن
واذا كنت مبزوط وعليك جزاء تتجزاء في الظهر في القايله لكن ماعليك شي تجلس بالسكن للعصر
وبعد العصر تاخذون حصه مسائيه الى المغرب .. وتصلون المغرب وبعد حصه ثانيه الى العشأء تصلون العشاء وعلى الميدان
" تكميل " طبعا التكميل يتأخر شوي وبعد التكميل على الميز " العشاء" وبعد الميز على السكن تنامون للصبح هذا اذا ماعليك جزء
بخصوص تقولي طالب اقدم منك : ماتوقع بس انت لا تستغرب اي شي لان العسكريه ملعنة جد


أتمنى وصلت لك الروتين بشكل صحيح

الله يعطيك العافيه تسلم اناملك ..

صحيح تاكدت من المعلومه من عميد شغال ب الكلية الحربيه ،

انت توك جديد اول سنه ، الطالب الي قبلك بسنه يجي يتلمعن فيك ب الظهر والتمارين والطقه : )

وانت ثاني سنه تقدر تسوي نفس الشي وتمرن الجدد .. في وقت معين فقط

الله يعين يارب ، وييسر الامور

بالتوفيق لكم واشكرك ي غالي من كل قلبي على ردك الوافي والرائع