06-01-2014, 03:07 AM
|
عضو سوبر
|
|
تاريخ التسجيل: Sep 2013
المشاركات: 398
معدل تقييم المستوى: 43056
|
|
اقتباس:
المشاركة الأصلية كتبت بواسطة خريجة إم أي إس
الله يسعدك
إذا على مسألة العدل المثالي اللي وصلنا لدرجة هذي انتساب و هذي انتظام
ماينفع حبيبتي
أنا تقديري جيد بس أقسم لك أنا أحسن من كثير أحسن مني معدل و تقدير ممتاز و جيدجداً لأنهن أخذوها بالغش و البراشيم 
هذا الشي بالذات بين الوحده وربها والله كل وحده تاخذ درجات بالغش انها بتلقاها في وجههااا ماتتوفق
يعني الناس لها الظاهر امامها ممتاز جيدجدا جيد على اساسها نعرف مستوى الطالبه مانقدر نقول غاشه او مجتهده
بأقولك ع شيء أنا ما إكتشفته إلا لما طبقت في مدرسة حكومية على نظام نور
شفت في المدرسة جميع المؤهلات و جميع التقديرات من المقبول للممتاز و الإنتساب و الإنتظام
هم يرسمون في بالنا بالشائعات و الجامعات إن الممتازة صاحبة البكالوريوس إنتظام هي اللي تستحق الوظيفة التعليمية وغيرها لأ !
هذا كله كلام مثالي و خرط فاضي
في فترة مرت على التعليم ناس يخافون الله حطوا سلم للتعليم و مازال جاري للآن
المستوى الأول : تعاقد
المستوى الثاني . معهد معلمات + ثانوي
المستوى الثالث : دبلوم
المستوى الرابع : بكالوريوس غير تربوي ( إنتساب و إنتظام )
المستوى الخامس : بكالوريوس تربوي ( إنتساب و إنتظام )
المستوى السادس : ماجستير + دكتوراة
الجميع كان له فرصة و ياخذ درجته المستحقة و راتبه المستحق
كلام معدلات و مقبول و انتساب و انتظام هذا ما كان موجود
لين جو شلة فاسدين خربانين سرقوا ميزانيات التعليم و قللوا التوظيف بحجة الإكتفاء مع إنهم كذابين بوسط وجيههم
فيه ناس ظروف صحية , موت , إستقالة , تقاعد رسمي , تقاعد مبكر , تحويل إداري , تحويل لوزارات أخرى , فصل
قاموا روجوا هالكلام هذي انتساب و الله حرام ما تتساوى مع الإنتظام
عشان يضحكون علينا و نتهاوش بيننا و الميزانيات في كروشهم جعلها الفقع
و سلامتك أنا كنت مثلك سابقاً لين إكتشفت الوضع الحقيقي و السلم التعليمي
السلم التعليمي ذا له اكثر من اربعين سنهوتطور او خلينا نقول تعقد حسب ماتحتاجه البلد والمواطنين
يعني والله اتكلم من واقع حولي
قريب لي عمره الان في 70 وهو مدير مدرسه متقاعد بشهادة الثانويه (ليه ؟؟ لأن على ايامهم ماكان فيه كليات او جامعات او حتى معاهد) فكانت افضل شهاده هي الثانويه
قريب لي عمره الان 53 معلم متقاعد وشهادته معهد معلمين ويحكيني يقول :ايامها كنا نتخرج ونتعين على طول وكانوا اكثر المدرسين في المدارس مصريين وسودانيين وغيره ايامهم كان فيه احتياااااااااج العالم وقتها ماكان الكل يدرس كثير منهم امي لايقرا ولايكتب
قارني بزمننا هذا
في كل مدينه ومحافظه جامعه والمحافظات الصغيره فيها كليات مافيه محافظه مافيها كليه
والكل قاعد يدرس خصوص البنات اكثر من الشباب
لاتقولين مافيه تكدس لاتقولين ان اعداد الخريجين مو هاااااااائله
بالمناسبه السلم غير مدرج فيه الانتساب والللي شفتيهم بتطبيقك ذولا كملو البكالوريوس بعد التعيين ونفعهم الانتساب
..
الزبدة إن دولتنا دولة ثرية تسبح في بحار النفط
ما بيكلف عليها توظفنا كلنا
بس هم ما يشتهون شافوا شعب ساكت عن حقوقه و يتهاوشون بينهم
السيسي في مصر أعطوه مليار دولار في يوم واحد له هو شخصياً
و آخر تبرعاتهم للجيش اللبناني 11 مليار ريال سعودي في ليلة و ضحاها
أنتم في دولة ما تبي تصرف عليكم و السلام هذي الزبدة
و الكل يطالب بحقوقه لاحد يسكت عن حقه
طبعاً كلامي ماهو تحريض لكن اللي له حق لازم ياخذه الساكت عن الحق شيطان أخرس
أنا شفت العجز و العجز أصلاً لا يخفى على أحد هذه نقطة 1
النقطة 2 الدولة غنييييييييييييييييييييييية مو فقيرة
|
انا معك ان الدوله فيها فساااااد لاكن والله العظيم الرزق عند الله مؤمنه. ان العطايا من الله مو من حد غيره ولو جريت جري الوحوش غير رزقك ماتحوش
ماادري اش اللي وصلنا لهالنقطه لاكن مساواة الانتساب بالانتظام هذا ظلم ولايمكن يصيربعدين مااحلانا بين الشعوب العالم تتطور وحنا نتخلف نظام الانتساب ماباقي دوله في العالم تدرسه
وحنا يبون مساواه
التعديل الأخير تم بواسطة رفعة دين ; 06-01-2014 الساعة 03:14 AM
|
العرض العادي
