للأسف في ديرتنا ماتقدرر تحمي منتجك لكن اذا تبي نصيحتي اضرب ضربه قويه اذا كنت واثق من منتجك بعدها لاتستورد الابحسب الطلب وتكون ضمنت مقدم علشان ماتتورط ببضاعتك

اعرف شخص لديه محلات اواني منزليه وهو من خبراء الصين جاب فكره اللي هي اواني منزليه على شكل غضار الشعبيه ومعروف عندنا اقبال الناس على اباريق الغضار لأنها شعبيه ولايوجد في السوق الا اباريق في ذاك الوقت
راح لمصنع في الصين وعطاهم عينه وقال ابغى مثله فناجيل وبيالات وتمريات وطفريات وطلب كميه خرافيه 30 حاويه لكنه واثق من حب الناس لها بعد وصولها للسعوديه باعها بارباح خياليه وماطلب كميات جديده لانه عارف ان فكرته بتسرق لامحاله لأن مصانع الصين تصنع لك اللي مايتصنع بس جب صوره او عينه

بعد شهرين فقط امتلأت اسواق الاواني وغصت بمثل منتجه واللي كانو يبيعونه ب 100 صار يباع ب50 ولو أن الشحن من الصين لايستغرق 45 يوم كان حصل نفس بضاعته بعد اسبوعين

فنصيحتي لك اذا تثق في فكرتك ومنتجك اضرب ضربتك واذا كان ماعندك راس مالي فيه ناس تدعمك وانا اولهم

وفيه طريقه انك تسوي علامه تجاريه بريطانيه عن طريق النت ب 12 الف ريال في السنه وتسجله وبإذن الله محد يقدر يدخل مثل منتجك واذا ادخله تقدر تقاضيه

اقتراح يمكن يساعدك بما انك ما تملك رأس المال

قسم المشروع الى اسهم مثلا

انت صاحب فكره شخص اخر تخصصة تسويق واخر مستودع .. مكتب تخليص وشحن ... الخ

الكل يخش معاك مساهم بتخصصه بكذا تقدر تحصل جزء كبير بما انك صاحب الفكره يقسم الربح بنسبة يتفق عليها بين الاطراف


اتمنى اني افدتك ولو بجزء بيسط يمكن يكون لك فكره اخرى افضل

واي خدمة انا حاضر