السلام عليكم ورحمة الله وبركاته

اخواني

هنا تجمع للي راح يتقدمون لوظائف هيئة الهلال الاحمر السعودي - اللي راح يبدأ بتاريخ: 2/4/1435هـ ..

إستفسارات / أستشارة / طرق الأختبارات / اللي ناويين يتقدمون

ادعولي انهم يقبلوني

صباح الخير

موقع الهيئة حيل مضغوط .. يالله قدمت وقدمت للشباب كمان

الله وفقني ووفق جميع المسلمين

دعواتكم بالتوفيق ياخواني

اللهم وفقنا فوق كل ارض وتحت كل سماء يارب العالمين

السلام عليكم

اخواني انا سجلت بالموقع بس باقي وثيقة التخرج ماحطيتها لأن تخلص بعد اسبوعيين اجراءات الهيئة

وحطيت صورة بطاقة الهيئة

هل الطلب يقبل او يرفض

تكفووون افيدوني

اتوقع والله أعلم بما انك حطيت صورة بطاقة الهيئه امور كويسه بأذن الله

وبتوفق لنا يارب انا

اتمنى من الاخوان المتقدمين على الوظيفه يتفاعلون معنا في هذا الموضوع

يعني الي عنده فكره عن الاختبار او نماذج عن الاساله او طريقته فكرة الاختبار


نبغى نتساعد .. والله يوفق الجميع يارب

ترى مش ضروري تحمل اي صور بعدين يطابقون الاوراق

أسأل الله ان يوفقكم جميعا للي مقدمين على الهلال الاحمر

الصراحه يبيلكم نفس طويل في تقديم وظيفة على الهلال الاحمر

راح اشرح لكم معاناتنا معهم العام

سلمكم الله انا واخوياي قدمنا العام على الهلال الاحمر نفس هذا الوقت
وبعد شهرين نزلو اعلان اللي مقدمين على الهلال يراجعون افرع الادارات بمناطقهم لمطابقة البيانات

وبعد ما طابقنا البيانات نززلو الاسماء اللي بيدخلون الاختبار طبعا راح ينزلون كل الاسماء لاتخافون
وبعد ما نزلو الاسماء بعد طول انتظار حددو موعد اختبار كان وقتها الاختبار 16 رمضان


وخلصنا اختبار وقالو لنا النتائج بعد العيد

وخلص عيد الفطر
وخلص عيد الاضحى
وبدت السنه الجديده

وتقريبا بنهاية شهر واحد هجري أعلنو اسماء فني اسعاف وطوارى

وبعدها بشهر ونص اعلنو باقي التخصصات

الصدمه ان توقعنا ياخذون عدد كبير اخذو عدد قليل جدا

وهذا اللي قهرنا فوق ما حنا متعنين لرياض وبرمضان وتعب واختبرنا الا انهم ما اخذو الا كم شخص

وللأمانه انا كنت متواصل مع واحد في تويتر قال لي اسمع انا بقول لك بالعربي تراها واسطه

وانا اسمي راح يطلع من ظمن القائمه الاساسيه وفعلا أسمه طلع

واسطته كانت نائب رئيس هيىة الهلال الاحمر ( اللهم لا حسد والله يوفقه )

هذا اللي حبيته اقوله لكم عن تقديم الهلال الاحمر
ما أبي أحطمكم بس حبيت اعلمكم بكل شي بتفصيل والله يوفقكم

وبالنسبه لأختبارهم 100 سؤال اختيارات تلوين نفس القدرات

بالتوفيق لكم جميعا والله يعينكم على اللطعه منهم

ما قصرت اخوي دسمال والله يكتب الي فيه الخير لنا ولكم ان شاء الله

الواسطه الكبرى عند الله سبحانه وتعالى وليست عند فلان وعلان

اذا ربي كاتب رزق لعبده راح ينال ما يكتبه الله له

انا سمعت في التقديم هذا راح يستقبلون جميع من قدم وراح يختبرونهم اختبار مباشر وبعد الاختبارر

سوف يكون هناك تعيين مباشر لهم لحاجة الهلال الاحمر للكادر الاسعافي

وفي النهايه

الله يوفقنا يارب