السلام عليكم ورحمة الله وبركاته ..

ياجماعة الخير ,, انا جاني حدود الـ 50 الف ريال ..
المهم فكرت وفكرت ابي استغلها في مشروع ..
فكرت في مشروع غسيل السيارات بالبخار ..
مشروع حلو وفكرته جديدة نوعا ما وعلى حسب ماقريت اذا عمالك جاهزين فأنت بتمشي امورك بالسليم ..

انا الحين متورط بشيئين وطالبكم ابي ردود استفيد منها تكفون ياتاج راسي

الأول ,, ابي الاجراءات اللي اسويها لمن افتح المحل ,, بالترتيب ووش الاوراق المطلوبه ,, ووش الشروط ,,

وللمجربين ابي نصائحكم وارائكم واقتراحاتكم ,,

الثاني ,, ابي محلات الجملة حقت التلميع والعطورات والمناشف والأشياء هاذي ..

المحل مكانه جيد جدا ,, والمكاين طلبت من مصر من شخص اعرفه شخصيا بتكلفة اجمالية اقل من 20 الف ريال صيدة قوية .. المكاين غسيل بخار وتعقيم وتنظيف وتلميع فوق 5 مكاين تقريبا ..
كل وحدة ضمان سنة ..

اللي ابيه وناقصني الاغراض اللي اشغلبها مكاين البخار من علب تلميع وابي بالجملة وعلب موية بالجملة ومناشف جيدة للرطوبة ومن هالأشياء ,,

تكفون لا تقصرون معاي ..
واللي مجرب وعنده دراسة جدوى مفيدة انتظره بالخاص ..

والله يوفق ويرزق من يساعدني ورحم الله والديكم ..

أبوو فهد ..

وينكم ياشباب ..؟؟

والله ماحطيت موضوعي هنا الا لثقتي فيكم وبأنكم ماراح تخلوني كذا !!

تكفون نخيتكم لا تقصرون ..

ابو فهد

يجي من يفيدك..والله يوفقك بمشرووووعك

ها شباب مافيه احد ؟؟

اللي أعرفه أنه تم منع فتح مغاسل السيارات إلا في المحطات
تأكد من هالنقطة

اهلا اخي

مثل ماقال الاخ AL Shemali تم منع المغاسل المستقلة ومسموح فقط لمن لديهم التراخيص القديمة
ومسموح لك فقط في المحطات والورش الصناعية

ونصيحة لاتستورد شئ حتى تروح البلدية وتأخذ منهم الشروط وتجهز الموقع

اتمنى لك التوفيق

مثل ماقال الأخ المشرف
اللي سبق وطلعوا رخص وتصاريح مايشملهم القرار
الحين ممنوع
طيب أبحث عن مغسلة للبيع يمكن تنفع معك
موفق