وظيفه محتاره فيها

لولو الشمال · #1 (**permalink**) 03-02-2014, 07:43 PM

السلام عليكم ورحمه الله وبركاته
اخواني واخواتي انا جاتني وظيفه استقبال بمستشفى ووظيفه مفتشه بمستشفى خاص ماادري محتاره وش اسوي محتاجه للراتب مره الراتب ثلاث الاف
معايا جامعه محتاره اختلاط وضغط عمل ماادري اللي يعرف شي عن طبيعه العمل بالوظايف هاي بالقطاع الخاص كيف وكيف الاجازات وش رايكم لو بمكاني تاخذونها تكفووووووووووون ردو بكره اعطيهم رايي

فاتنه · #2 (**permalink**) 03-02-2014, 08:51 PM

وعليكم السلام
وظيفة مفتشه في مستشفى؟؟؟
اول مره اسمع عنها
اختي الشغل مو عيب اشتغلي استقبال اذا ماكان من شروطهم كشف الوجه
واذا على التعب كل الوظايف القطاع الخاص فيها كرف اهم شئ الخبره
خذي خبره لاتقل عن 6 شهور وحتى ان طلعتي بخبرتكي تطلعين على راتب اعلى
الله يكتبلك اللي فيه خير

محمد البلادي · #3 (**permalink**) 04-02-2014, 12:43 AM

اقتباس:

المشاركة الأصلية كتبت بواسطة فاتنه

وعليكم السلام
وظيفة مفتشه في مستشفى؟؟؟
اول مره اسمع عنها
اختي الشغل مو عيب اشتغلي استقبال اذا ماكان من شروطهم كشف الوجه
واذا على التعب كل الوظايف القطاع الخاص فيها كرف اهم شئ الخبره
خذي خبره لاتقل عن 6 شهور وحتى ان طلعتي بخبرتكي تطلعين على راتب اعلى
الله يكتبلك اللي فيه خير

وعليكم السلام
انا اختلف مع فاتنه مع احترامي لوجهة نظرها صحيح الشغل مو عيب لكننا نحن نرى بأعيننا مايحدث لاخواتنا وخاصة بالاستقبال معاكسات وقلة حيا من شباب وزملاء ارى لو اعطوك 15000لاتقبلي ممكن وظيفه مكتبيه لابأس بها بعيده عن اعين بعض الجراثيم ومن ترك شيئاً لله عوضه الله خيراً منه كما جاء بالحديث

EL.GENERAL · #4 (**permalink**) 04-02-2014, 09:42 AM

ينقل للقسم المناسب !

ماءالسما · #5 (**permalink**) 04-02-2014, 11:11 AM

انا اقول مش كل الشركات سوا ,
صحيح في شركات فيها الاستقبال قلة ادب , بس بعد في شركات محترمه جدا جدا , الشركة اللي اشتغل فيها اللي بالاستقبال صار لها سنتين ولا عمرها حصلت مضايقات من أحد ,
ف انا انصحك توكلي على الله اذا مالقيتي الا هذي الوظيفه