السلام عليكم

انا حصلت لي فرصه اني اكون متعاونه بجامعه . لكن محتاره
خصوص انها تبعد عن منطقتي ب 200 كيلو
محتاره اقبل ولا لا وهل يستاهل اني اروح ولا لا
قريت احد يقول حلو ويستاهل واحد يقول لا

هل بيكون مفيد لي مستقبلا ولا لا

حتكون لكي فرصة بإذن الله ، ان الله مع الصابرين

ابي اراء اكثر

سمعت ان بعض الجامعات تعرض ع المتعاونات المعيدية
وتكون الاولويه لهم ب الاعادة
وذي فرصة حلوة
فأسألي عن جامعتك ولو تحصلي متعاونة بجامعتك وتسأليها افضل
عشان تعرفي لهم الافضلية ب الاعادة ولا لا
يسير تقبلي او ترفضي

دعواتك ~

اذا ما عندك فرصه ثانيه افضل منها
فمعناته انتهزيها افضل لك

اولا لان الخبرة راح تكون افضل لك اكاديميا
فلو حابه تقدمين باي جهة ثانية مستقبلا الخبرة تدعمك و تسهل امورك
لانك سبق و عملتي كعضوه اكاديميا
حتى لو كملتي دراستي و طالبتي بانك تكونين محاضرة فالحق لك قبل غير
للاسباب المذكوره

ثانيا اذا رئيسة القسم متعاونة و شافت عطاك
و انك تستحقين راح ترفع باسمك و انهم محتاجين معيدات و انتي عندهم
و عارفينك فيشوفونك اولى من غيرك و بكذا تصيرين رسمية عندهم

بس شوفي انتي استشرتي لا تنسين تستخيرين
و الله يكتب لك الخير

لا تفوتك .. طبعا هي تعب ومعاناه ولكن ثمرتها ممتازة


الثمرة الاولى احتمال كبير يرسمونك على وظيفة معيدة إذا شافوا الجدية بالعمل واثبتي وجودك ..

الثمرة الثانية خبرة اكاديمية تجعل لك الاولوية في اي وظيفة أخرى في حال عدم ترسيمك

رأيي الشخصي ..

وفقك الله

والله يا أختي أنا متعاونه الآن في الجامعة لي ترم

وزيك محتارة =(
لأن وضع الجاعمة فيه احتياج .. لكن ما أدري ليه ما يثبتون !!!

تصدقين فيه حوالي 26 متعاقدة في القسم !!!

وفيه ناس لهم سنتين وثلاث وأربع سنين ولا تثبتوا !!!

هالشيء هذا بصراحة مخليني جدا متحطمه =(

مع ان أنا وبقية المتعاقدات معنا ماجستير وتخصصاتنا مطلوبة !!!

لكن ليه ما فيه تثبيت ما أدري ليه !!

لما نسأل يقولون لنا حسب الاحتياج !!

طيب والاحتياج اللي قدام عيوننا وشهو ؟!!


وش رايكم يا ناس أكمل أو لا بالتعاون في الجامعة ؟؟!!

والله حتى أنا عرضت علي هالوظيفة وبعد المشورة والخيرة قررت أني أروح
خصوصاً إن مافي بديل ثاني
والشي الوحيد اللي خلاني أقتنع بها هي الخبرة
راح تفيدني بالتقاديم الثانية
ونصيحتي لك أستغلي الفرصة خصوصاً إذا كانت المدة قصيرة مثل فصل دراسي
كلها 4 شهور وأقل وأنتي مكتسبة خبرة قوية
بالتوفيق لك

سؤال لأختي عابق الذكرى
كم تحتسب الساعة لوظيفة متعاونة
وهل هي تختلف من جامعة لثانية ؟
ومتى تستلم المتعاونة حقوقها ؟ شهري والا سنوي والا بالترم
وفالك التثبيت يارب

باي جامعه وايش تخصصك لو سمحتي