السلام عليكم ... انا يا اخواني اتوظفت في شركة بمنصب مساعد اداري كملت شهر و عشرة ايام
معهم لكن في الواقع معظم وقتي اللي اقضيه في الشركة بدون شغل ما غير اقعد اراجع في
في شغلي اللي اعطوني هو حق اول اسبوع اتوظفت فيه ما غير اجلس اراجع واشيك عليه كل يوم
على نفس الحال وانا كلمت الادارة وقالو دور على كل الموظفين وخذ منهم بعض الاشغال و كل
ما اكلم واحد يصرفني ولا احد يبي يعلمني او يعطيني شغله فاطر ارجع لمكتبي واجلس بدون شغل
والله مليت من هذا الحال كل يوم اقضي 9 ساعات في الدوام بدون شغل و اجازة يوم الجمعة فقط
وبهذا الوضع ما راح اتطور ولا اظهر تميزي وانا الى الآن ما عرفت وش مهام شغلتي بالضبت لأني ما
مارستها وقتي كله يضيع بجلستي في المكتب >> لا يغركم الاسم والله شيئ لا يحسد عليه
وانا في فترة تجربة مدري كيف تكون تجربة وهم ما شافو انجازاتي ... اتمنى تساعدوني وتعطوني
حلول اقدر استفيد منها و اكسر هذا الروتين الملل , وابيكم توضحولي ما هي
مهام المساعد الاداري وهل هي وظيفة جيدة ولها ترقيات ؟ تكفون افيدوني واللي يرحم والديكم

اللي اعرفه انك لاتحط أملك في هذه الشركة ,
مساعد اداري مادري وش يسوون لكن
وإنت تشتغل فيها أرسل سيرتك الذاتية الي اكثر من شركات ثانيه ,,
يمكن تلقي غير أفضل ولا تنتظر احتمالية تحسنك في هذه الوظيفة ,
جربت الطريقه هذه تداوم بدون عمل وانت بفترة تجربة بالفعل شي جدا ممل
الله يوفقك ..

أخوي ،، انت مساعد اداري ، طيب مديركـ اجلس له ، اجلس معه في كل شي ،، اسأله هذا ايش هذا ليش ،، حاول تكرهه في الشغل لحد ماتلاحظ عليه ،، واذا شفت منه اي ردود فعل تظركـ .. لحد ماتتعلم ،، وافهم الشغل وبعدين اثبت وجودكـ ، ممكن تثبت وجودك بسبب مشكله من عميل انت تحلها او من اي شي بسيط انت ماتحس به .
وبخصوص الفتره التجريبيه الثلاث الاشهر ، هي فقط على حضورك وانصرافكك .. وسلوكك مع الموظفين ، ولا تعطي احد وجه من الموظفين إلا مديرك . او الي موظف معك في نفس القسم فقط

احفظ قرآن بارك الله فيك

حبه حبه اخي لاتستعجل

اذا الراتب زين خليك تستفيد خبره مع مرور الوقت ولكن اذا الراتب من جنبها حاول تجلس فيها الين تلقى غيرها

استغل وقت فراغك في القراءة

شوف ي كبتن
انا اول ما اشتغل في الشركة كنت مساعد اداري زيك كنت احتك ف الموظفين كاني اعرفهم من زمان
اسال وش هذا؟ و من وين جاء؟ وهذا وين يروح ؟ كنت نشبه ب العربي حتى مديري كنت باكب عليه المويه من كثر حركتي

تحرك احتك في مديرك اكثر واسال وشوف حاول ترضيه بقدر المستطاع هذا هو القطاع الخاص لازم تثبت وجوك

موفق