االسﻻم عليكم
اخواني رحلتي بعد ويومين من استراليا الى الصين كوانزو

الهدف من الرحلة استكشاف وكسب خبرة ومعرفه

لني سمعت ان فيه معرض سوف يقام قريبا في كوانزو وقررت اروح قبله بايام لكي اتعرف على البلد واﻻماكن

لكن هذي اول سفرة لصين وﻻ اعرف اي شي سوا اني حجزة التذكرة فقط
وﻻ ادري وش اسوي بعد ما اصال المطار ومحتار الحين كيف احجز فندق ﻻ وصلت وكيف احصل المطاعم
وكيف اسوي واللغله عندي صفر

وحبيت اطرح الموضوع لخواني هنا لمساعدتي لني اعرف عنهم كل طيب من زمان واعرف انهم ماهم بمقصيرين معي باي شي يقدرون عليه
وسبق وان قد ساعدوني في مواضيع كثيرة فلهم مني كل الشكر والتقدير مقدمأ


المطلوب لمن يقدر يساعدني بحجز الفندق او معلومات او احد ثقه هناك يقوم بمساعدني

كالحجز والترجمه واﻻماكن والشراء لني ابي اي شي استوردة بس يكون فيه فائدة اقل شي ترد تكاليف الرحله واﻻقامه

وانا اﻻن ﻻ اعرف شي وﻻ عندي اي فكرة عن اي بضاعه وﻻ عندي اي تخطيط بس ماشي على البركه

وتقبول تحياتي

أسف على بعض اﻻ خطاء

لني اكتب بالجوال

اخوي احجز لك فندق من النت وخذ اسمه وعنوانه ورقمه واذا نزلت للمطار اعطيها التكسي
موفق ان شاء الله

الله يسعدك

بس والله ماعرفت احجز من النت

الاخ من مصر

السلام عليكم

انا رحت للصين قبل فتره ولحالي واللغه يعني مش حالك ..
جلست 7 أيام وتنقلت بين كوانزو وشينزن ومن سوق لآخر بدون مكاتب ولا مرافق.

علما إني قبل اروح ماخليت أحد ما سألته عن المكاتب اللي هناك وعطوني ارقامهم ولكن سبحان الله ما تعاملت معهم أبدا .. وحفظت ارقامهم للحاجه
اتصلت بمكتب واتفقت معه قبل اجي الصين يرسل لي سياره للفندق وهذا تعاملي الوحيد معه الباقي بالجوال اذا توهقت بشي اتصلت فيه.
وفعلا اول ماوصلت حصلت السايق الصيني ووداني للفندق اللي انا حاجزه عن طريق booking

انا كنت رايح كذا فضول واستطلاع يعني ماعندي شي ..

أنت اذا كنت رايح لأجل شي معين أنصحك تشوف لك مكتب عشان مايروح الوقت عليك وانت تفرفر.

ياطويل العمر اول ماتنزل المطار خذ لك شريحه بيانات لأنك تحتاج الانترنت بشكل ضروري جدا
وتحتاج جوال ايفون او جلكسي وتنزل عليه .. برنامج خرائط قوقل + برنامج الترجمة من قوقل
وتقدر تستخدم الجوال بالترجمه من العربي الى الصيني اذا توهقت وماعرفت تشرح لهم وش تبي اكتب من العربي الفصيح طبعا ! وترجم إلى الصيني وحط الجوال بوجهه وهو يقرى ويفهم المطلوب


عندك ياطويل العمر ثلاث اشياء مهمه .. الفنادق .. الاسواق .. المطاعم العربيه

بالنسبه للخرائط تلقى في المنتديات المخصصه بالسفر اسماء المطاعم العربيه واسماء الاسواق واسماء الفنادق بالصيني في كل منطقه ... عليك تبحث بالنت فقط.
أنسخ الاسم الصيني وألصقه في خرائط قوقل ويوديك له

انا انصحك تبحث اولا عن مواقع الاسواق اللي فيها حاجتك وتحفظ اسمائها
بعدها تبحث عن الفنادق والمطاعم العربيه اللي قريبه من الاسواق عشان ماتحتاج التكاسي كثير
طبعا هذا كله عن طريق النت عليك بس تبحث بالنت عن اسماء المناطق واسماء الاسواق واسماء المطاعم
وأمورك طيبه

اذا عندك اي سؤال حاضر راسلني

وبالتوفيق ياخوي

يالله ان ترحم والديك ويسعدك ياخالد العنزي بيض الله وجهك

والله انك ابن اصول وﻻ هوب غريب عليكم الطيب يابن وائل

مشكور على هذي المعلومات الكافيه والوافيه

وانا طال عمرك ماعندي شي معين رحلت استكشاف فقط

انا طالع من استراليا واﻻن في الفلبين ورحلتي بكرة لصين ويعده ان شاءالله لروسيا ثم العودة لستراليا
وسﻻمتك

شوف موقع المسافرون العرب يفيدك كثير من اي ناحية تبيه الله يوفقك يارب