28-07-2008, 02:33 AM
|
|
عضو نشيط
|
|
تاريخ التسجيل: Jul 2008
المشاركات: 133
معدل تقييم المستوى: 32
|
|
أمن منشآت ... معلومات عن يوم الأحد 24/7 الفحص 1
صباحكم عسل ياشباب
أنا بعطيكم نبذه عن اللي صار لي يوم الاحد في الكلية واتمنى انه يفيدكم
دخلنا مع بوابة الكلية الشرقية ودخلونا صالة وقعدنا الى الساعة7 بالتمام بعدين شالونا في باصات للصالة الرياضية وخلونا في المدرجات وبعدين دخلونا دفعات على الطول والوزن
// الطـــــــــــــــول والــــوزن//
كنا مجموعة تقريبا 70 شخص وقال لنا العريف المسؤول كل واحد ينزل ملابسه ومايخلي عليه إلا البنطلون ودخلونا لقياس الوزن والطول بعد التبصيم والقروشه
والحمدلله عدينا الطول والوزن وكتبو لنا لائـــق <<<<يوم شفتها ماصدقت
بصراحه ياشباب ابنصحكم تراهم متشددين جدا جدا في الطول والوزن واحد قدامي ناقص طوله 3ملي وطلعوه والله قهر
...............................................
بعدين رحنا للتدقيق في الاجراءات ورحنا للفحص الطبي1
//الفـــحص الطــــــبي 1//
أول شي العيون وتراهم متشددين كمان في النظر انا شفت واحد طلع نظره كان ضعيف
وبعد كذا الانف والاذن والحنجرة فيه دكتور باكستاني الله لايوفقه مستقعد للعالم وخصوصا موضوع الاذن يعني روح اقرب مستوصف سو تنظيف علشان مايردك
<<<<مايدري كيف عدا
بعد كذا فيه الاسنان فيها واحد سعودي الله يوفقه في الدنيا والآخره مايرد أحد ومشانا كلنا
بعد كذا فيه النبض وبعده فيه فحص الدم والبول
دخل الآن وقت صلاة الظهر ...وصلينا
نزلنا في الصالة الرياضية وخلونا نسجل بيانات وعطونا استمارات نعبيها
وبعدين رحنا لقسم الأشعة بالباص وقعدنا ساعتين بعد الطلايب خلصونا فيها واحد أخلاقه زفت ويتكلم من طرف خشمه ....يعني عطه أشكل ولانسأله لأنه ماراح يرد عليك
بعدين طلعنا بعد ماخلصنا إجراءات اليوم الأول وغدا لنا لقاء
/// مـــلاحـــــظــــــــــــــــــــــــــــــات مهـــــــــــــمه///
1- اريحلك تجي باللبس الرياضي وتكون لابس شبشب أو نعال مو لازم بوت. فيه ناس لابسين ثياب وتوهقو نزل وإلبس.
2.الحضور بدري واحرص تكون دايم بأول الصف عشان تخلص بدري.
3.استقبال الضباط والأفراد للمتقدمين كان قمة في التعامل الراقي.
4.الطول والوزن مهمين جداا ..اللي وزنه وطوله غير متناسقين .. أحسنله يريح ويرتاح .. والله شفت ناس جايين من جده والشرقيه والجنوب وردوهم في الطول والوزن.
5.اتمنى من كل من قرأ موضوعي الدعاء لي بالتوفيق .
والله من وراء القصد
|