السلام عليكم ورحمة الله .... انا اتصلت الاثنين واستفسرت عن المقبولين قالت خلاص دقينا عليهم كلهم وانتهينا طبعا اللي كلمتها أ.فاتن المسؤلة عن التدريب قلت مااتصلتوا علي قالت اذا ما اتصلنا معناه مو مقبوله استفسرت عن السبب معدلي 4.56 ممتاز مع مرتبة الشرف اختبار الانجلش 63 والمقابلة كانت ممتازة وجاوبت على كل اسألتهم قالت انتي امورك كلها كويسه لكن لسوء الحظ دخلتي على المقابلة وكانت د. سميرة موجوده واهي اللي ارفضتك بصراحه قلت ايش السبب يعني ابي افهم قالت والله ما اعرف حتى في الباك لست اسمك مو موجود لي 3 سنوات وانا اقدم المره الاولى ماعديت الاختبار المره الثانيه عديته بس ماقدرت احضر للمقابله كنت مسافره للخارج ولا عطوني تأجيل المره هذي مانقبلت سبحان الله قلت يمكن خيره انا فعلت كل الأسباب وماقصرت حق نفسي بأي شيء لكن يمكن الله رادني عنها بصراحه اكتأبت وجلست احاول اقنع نفسي ان الخيره فيما اختارها الله ثلاث مرات ولاصارت لي سبحان الله يوم الثلاثاء جاني اتصال من احد الجامعات وقالوا قبلناك معيده ..... سبحان الله الله يسكر باب ويفتح لك باب ثاني الحمدالله الله عوضني خير ... واتمنى التوفيق للجميع والف مبروك للمقبولين وحظ اوفر للبقيه انشالله مع اني الى الآن ما أدري على أي اساس كانت مفاضلتهم طبعا قالت الأفضلية للموظفين بعدين للي تخصصهم مختبرات طبيه بعدين اللي عندهم خبره عمليه وآخر شيء لحقين العلوم اللي ماعندهم خبره .... هذا حسب كلامها بس حرام عليهم يعني من الإعلان الى الحين خمس شهور تقريبا الوقت كان مره طويل

اهلين اختي كهرمان النور..
الصراحة ما ادري ليه هاللخبطة اللي عندهم.. انتِ كلمتيهم الاثنين قالتلك اعلنا اسماء المقبولين كلهم وانا دقيت بعدك يوم الخميس قالتلي للحين نتصل في المقبولين ما خلصناهم.. يعني الواحد ما يدري مين يصدق ولا يدري ياخذ الكلام الأكيد من مين..

انا الخميس رحت للي كلمتني عشان اخذ خطاب القبول وابدا اكمل اوراقي

قالت لي ان ما جاها خطاب تكلم المقبولين الا يوم الاربعاء وهو اليوم اللي كلمتني فيه

وقالت انها للحين (يعني الخميس) ما خلصت اتصال بكل المقبولين

هذا اللي حصل معي وبالنسبة للمفاضله ما اعرف يمكن على المعدلات العاليه والانجلش المرتفع

مع العلم انهم فعلا بيفضلون الموظفين لان جهة عملهم تمولهم ..

وسمعت من احد المقبولين السنه اللي راحت انهم ما كلموها الا قبل ايام من بداية البرنامج

ما تدرون وين الخيرة فيه والله يكتبها من نصيب الجميع يارب ويوفقكم يارب

الناس اللي انقبلوا : فهمتوا وش المفروض نسوي ؟؟ اللي رحت لها قالت انتظري اتصال من التوظيف المحلي
عشان اوراق الفحص والعقد !! قالوا لكم نفس الكلام او ايش؟؟

السلام عليكم

لو سمحتوا عندي كم سؤال بخصوص البرنامج:
هل كل المقبولين موظفين ولهم جهة تمولهم؟ أو في مقبلوين غير موظفين؟
وهل الموظفين ياخدوا تفرغ للبرنامج أو كيف؟ ويقدر أي أحد متوظف يقدم ولا لازم جهة التوظيف تطلب منه دراسة البرنامج؟
شويه متلخبطة

السلام عليكم جميعا

وبحمدالله وفضله جاني اتصال منهم الاربعاء اللي راح والحمدلله بعد طول انتظار صرت من المقبولين

واليوم رحت عشان استلم الخطاب
مادري اذا هم خلصو اتصلات او لا
بس المسؤوله قالت لي ان فيه ناس اعتذرو بعد ماجاهم القبول !!

عموما البرنامج راح يبدا ب 7 سبتمبر ان شاء الله

اللي فهمته انه قسم ثاني مسؤول عن الكشوفات الطبيه بيدقون علينا عشان الفحوصات
طبعا هي (المسؤوله اللي رحت لها) ما تدري متى بالضبط بيدقون بس جالسه تحاول معهاهم انه يستعجلون بالموضوع

لان هذي الكشوفات بس للي ماوراهم شركات تمولهم < الموظفين مسوينها مع شركاتهم من قبل وخالصين

بعد هذا ولما يبدا البرنامج اول يوم ان شاء الله فيه توقيع عقد وإخلا طرف
وبس هذا اللي فهمته منها


عسى ربي يسهل امورنا ويكتب لنا الخير ويوفقنا اجمعين

اتصلت عليهم صباح اليوم والحمد لله اسمي طلع من ضمن المقبولين، وحسب كلامهم بأن فيه باقي كم شخص بيتصلون عليهم ولا أمداهم الأسبوع الماضي لذلك أعتقد بأنهم اليوم وربما بكره كحد أقصى ينهون الاتصال بالمقبولين لذلك أنصح الي ماجاه اتصال يتصل عليهم ويسأل عن وضعه لأن أكيد البعض بيكون ضمن قائمة الاحتياط وكذلك أتوقع أن البعض يعتذر وهذا شي طبيعي لأن الموظفين تلزمهم موافقة من جهات عملهم وهي الي بتمولهم خلال فترة التدريب والاجراءات بتاخذ وقت لذلك ان شاء الله أن الجميع يكون مقبول في البرنامج،

بخصوص وضع المقبولين غير الموظفين مثل وضعي وحسب كلامهم بأن الأوراق انرفعت لمكتب التوظيف وهم الي بيتصلون وينسقون معنا على موعد الكشف الطبي وايضا توقيع العقد لأنهم بيلزمون المتدربين على عدم الانسحاب خلال فترة التدريب وبيكون فيه شروط بالعقد تحميهم وتضمن حقوقهم، أما بالنسبة للموظفين فاجراءاتهم أطول شوي لأن فيه تواصل مع جهات عملهم،

اقتباس:

المشاركة الأصلية كتبت بواسطة أغاثا السلام عليكم لو سمحتوا عندي كم سؤال بخصوص البرنامج: هل كل المقبولين موظفين ولهم جهة تمولهم؟ أو في مقبلوين غير موظفين؟ وهل الموظفين ياخدوا تفرغ للبرنامج أو كيف؟ ويقدر أي أحد متوظف يقدم ولا لازم جهة التوظيف تطلب منه دراسة البرنامج؟ شويه متلخبطة

الأحد اتصلت عليهم اللي هو أمس .. وقالت لي خلاص دقينا على الكل
فلما قلت لها أسمي قالت لي كأنه مر علي أسمك .. شيكت على اسمي
بكل البرامج وماحصلته ..

زعلت كثير لكن قلت بنفسي الحمدلله وان شاء الله تكون خيرة والله يرزقني اللي أفضل منها
درجتي بالأنجليزي ٧٨ ومعدلي 3.71 .. نسيت اسألها شحقه رفضوني لكن اظن إما أنهم
يبون معدلات من ٤ وطالع أو تخصصي احياء دقيقة ونبات مايبونه خير شر ..

مبروك للمقبولين .. والله يوفقكم فيها .. واللي ما انقبلوا ترى فيه برامج بتنفتح خلال كم شهر
بنك دم وسحب دم للمهتمين ..

الحمد لله على كل حال أختي نورما أنتي سعيتي وسويتي الي عليك وعسى أن تكرهوا شيئ وهو خير لكم والله يعوضك ان شاء الله بشيئ أفضل منه،
بالنسبة لسبب الرفض فأشوفه والله أعلم أنه بسبب التخصص أعتقد أنتي والأخت كهرمان ماشاء الله معدلاتكم عالية ودرجة الانجليزي بعد عالية لكنكم تشتركون بالتخصص ويبدو بأنهم استبعدوا بعض التخصصات من البرنامج لأن هيئة التخصصات ما تصنفكم في الوقت الحالي، لكن الصراحة المفروض اذا في متقدم بتخصص ما يرغبون فيه أنهم ما يقبلون أوراقه من الأساس بدل ما يتعب ويختبر ويروح للمقابلة،

مازلت أقول أن وزارة الصحة ممثلة بهيئة التخصصات ووزارة التعليم العالي ممثلة بالجامعات المسؤولين عن وضع طلاب العلوم وعدم تصنيفهم وتقليل فرص الوظائف،
أتابع قروب على الفيس بوك لأخصائيين المختبرات المصريين في السعودية وأشوف أن المظلومين فقط هم السعوديين، في بعض الخريجين من مصر من تخصصات مثل كيمياء حيوية وحيوان في تخصص واحد وهو غير مقبول عندنا، لكن عندهم حل يروحون لأي جامعة تعادل لهم المواد ويدرسون مواد اضافية في فصل أو فصلين وياخذون شهادة في الكيمياء الحيوية لحالها ويجون عندنا وتقبل بدون أي مشاكل، بمعنى أن في حالتك أنتي يا نورما تدرسين في أي جامعة مواد لمدة فصل أو سنة وتاخذين شهادة في الأحياء الدقيقة لحالها،

والشيئ الي من جد ظالم أن خريجين الكيمياء الحيوية والأحياء الدقيقة المصريين يدرسون دبلوم بعد البكالوريوس في التحاليل مدته سنة ويجون السعودية ويتصنفون أخصائيين وهالشيئ متأكد منه 100% في حين أننا السعوديين نتخرج وناخذ تدريب سنة كاملة علشان نتصنف فنيين، ظلم مع أن مدة الدراسة هي نفسها، بمعنى لو أخذنا هذا البرنامج في الحرس يفترض أن كل من ينهي البرنامج يكون أخصائي بس حسب ما قالوا لي أن البرنامج عبارة عن تدريب والهيئة تصنفك فني اذا كان معك بكالوريوس في الكيمياء الحيوية أو الأحياء الدقيقة

عموما الله يكتب الي فيه الخير وان شاء الله يجي وزير صاحي يفهم وضع خريجين العلوم والسبب في أن غالبيتهم ما يشتغل في مجاله

السلام عليكم ورحمة الله..
اخواني ما فيه احد قالوله نفس الكلام اللي قالوه لي انو حاطين اسمه تبع جامعة الأميرة نورة وممكن هي اللي تموله..بس للحين مو اكيد ومستنين ردهم او شي زي كذا
انا من بعد ما دقيت وقالتلي هالكلام ماجاني منهم اي اتصال وللحين ما اعرف وش وضعي بصراحة..يعني هل انامقبولة ولا ولا..ادق عليهم ما يردون..فيه احد نفس وضعي؟