السلام عليكم ورحمة الله وبركاته

الله يجزاكم خير انا قدمت في جدارة قبل فترة وارفقت الشهادة العلمية بالصيغة اللي يبونها

وبعد التدقيق ارسلوا لي يقولون نامل ارفاق الشهادة مرة أخرى

ورحت لم محل ثاني وسويت شهادة برضو بالصيغة نفسها وارفقتها وانتظرت ..

واليوم ارسلوا لي رسالة بالجوال والبريد وهذي صيغة الرسالة

( الرجاء إعادة إرسال المؤهل العلمي مع ارفاق الدبلوم التربوي )

صراحة ماادري وش يقصدون

أنا تخصصي شريعة بكالوريوس منتظم وتربوي

ولا معي دبلوم أو أي شهادة ثانية

وش المشكلة الله يثيبكم ويرزقكم بالي تحبون

_هم يطلبوا ارفاق المؤهل مع الدبلوم التربوي إذا كانت وثيقتك غير تربوية .
_أما بالنسبة لك وأنت تربوي ارسلوا لك كذا أكيد خطأ منهم.
_ارفق الوثيقة والسجل الاكاديمي (كشف الدرجات ) وإن شاء الله تضبط هالمرة.

طيب اخوي الله يجزاك خير ، الدرجة العلمية ، أختار الجامعية التربوية وغير التربوية ؟

وعليكم السلام ورحمة الله وبركاته

بخصوص الدرجة العلمية:
إذا كنت من كلية إعداد المعلمين= تختار إعداد المعلمين
إذا كنت من كليات اخرى او جامعه= تختار جامعية تربويه وغير تربويه
وفي نوع الدرجة العلميه: تختار حسب شهادتك إذا تربوي أو غير تربوي.

بخصوص الشهادة ماهي واضحه:
ترى بعض الشهادات تكون واضحه لما تصورها لكن لما تحولها للصيغة المطلوبه وهي pdf يقل وضوحها فالحل انك لما تصورها تدخلها برنامج الفوتوشوب وتعدل وضوحها وبعدها تحولها pdf وتأكد من وضوحها إذا تمام ارفعها على جدارة.

بخصوص طلبهم منك إضافة الدبلوم التربوي وانت شهادة تخرجك اصلا تربويه :
اتوقع هذا بسبب انضمام اغلب الكليات للجامعات فصار فيه اشكاليه على وزارة الخدمة المدنيه بهذا الموضوع والحل انك :

- تدرج الوثيقة والسجل الاكاديمي في مستند وورد واحد وبعدين اكتب على السجل الاكاديمي في الوورد بخط ولون واضح: شهادتي تربويه والسجل الاكاديمي يثبت ذلك ، وبعدين احفظها بصيغة pdf وارفعها على جدارة.

- وإذا ماقبلوا السجل الاكاديمي كإثبات : راجع المؤسسة التعليمية التي تخرجت منها واطلب منهم يعملوا لك إفادة معتمدة منهم تثبت ان شهادتك تربويه وإذا اخذت الافادة ادرجها مع وثيقة التخرج في مستند وورد واحفظها pdf وارفعها لهم.
للتوضيح: قبل لاتراجع مؤسستك التعليميه فيه بعض الكليات والجامعات حاطين خدمات الكترونية للمتخرجين شوف الموقع الالكتروني لكليتك او جامعتك هل موجود فيه هذي الخدمة ؟ وإذا موجوده ادخل وشوف إذا فيه إفادة الكترونيه معتمدة اطبعها واضيفها مع الوثيقة وإذا مافيه وقتها راجع كليتك او جامعتك وخذ الافاده منهم.

- اخر حل ومجرب بس في الاغلب يطول التعديل: راجع مؤسستك التعليميه وخذ - معك الوثيقة الاصل وصور منها والهوية وصور منها وشهادة حسن السيرة وصور منها وممكن يطلبون منك اوراق ثانية فادخل على موقعهم وشوف الاوراق المطلوبة لاستخراج بدل تالف - واطلب منهم يعدلون وثيقتك ويضيفون على مسمى التخصص جملة مع إعداد تربوي يعني يكتبون لك: بكالوريوس شريعة مع إعداد تربوي، ووضح لهم انه هذا طلب الخدمة المدنية،
بعض الكليات والجامعات صارت تضيف هذي الجمله في وثايق التخرج كإثبات ان الشهادة تربوية بس مادري إذا جامعتك او كليتك يضيفونها لكم او لا بس حاول فيهم وإذا عدلوها لك واضافوا الإعداد التربوي خذ منهم مشهد-إفادة-بتاريخ التخرج الفعلي، وإذا اخذتها ادرج الوثيقة بعد التعديل وافادة تاريخ التخرج في مستند وورد واحفظها pdf وارفعها على جدارة.

طولت عليك بس حبيت اوضح لك الحلول كلها بالتفصيل عشان إذا مامشي معك الحل الاول تكون عارف باقي الحلول

دعواتك لي
والله يوفقك ويسهل امرك

الله يوفقك ويرزقك ويسهل امورك

ويزوجك المزيونة الطاهرة العفيفة التقية النقية اللي تحبك وتتمناها ، قل آمين

ابنسخ الشهادة من جديد ومعها السجل الاكاديمي بحول الله وقوتة

وعندي ورقة النقاط والمفاضلة ماخذها من الخدمة المدنية ، ومكتوب فيها إني تربوي ، وشرايك أضيفها مع الاوراق؟

امين وياك

والورقة اللي اخذتها من الخدمة المدنية دام مكتوب فيها انك تربوي اضيفها ممكن تفيدك

موفق