السلام عليكم

مساكم الله بالخير

انا عندي استفسار ..

جاني عرض وظيفي من شركة وقعت عليه وارسلته وذكرت ان بداية دوامي تكون بعد شهر.

وفي نفس اليوم قدمت الاستقالة من عملي الحالي وذكرت ان اخر يوم دوام لي بعد شهر

(شهر الانذار)

الان السؤال ..

لو مثلا الشركة اللي وافقت على عرضهم اتصلوا علي وقالو نحتاجك اليومين هذي وانا مرتبط بشهر انذار .. ايش الحل ؟؟

هل اقدر اترك الشركة الحالية وامشي ؟

مع العلم اني بعد ما اطلع من الشركة الحالية ماراح يكون لي حقوق لآني ما كملت سنتين ..

طبعا الموقف هذا لسا ما حصل .. بس عندي احساس انه راح يصير

ف ايش النظرة القانونية في هذا الموضوع ؟

اخي الغالي

بما انك قدمت استقالة فهناك حلين اولا ياتدوام شهر الانذار وتاخذ راتب الشهر هذا كامل
او تقدم استقاله موضحا فيها اخر يوم عمل وبدون شهر الانذار وتدفع انت قيمه الراتب للشركة كامل او يخصم من رصيد مستحقاتك

وبالنسبة انه ليس لديك مكافاه نهاية خدمه فهذا صحيح ولكن لديك تعويض عن ايام الاجازات المتبيقة لك رصيد

واي استفسار جاهزين

اخوك خبرة استقالات
5 شركات

هلا والله

وانا بعد هذي خامس شركة استقيل منها نفس وضعك ههههههههه

كيف انا ادفع راتب شهر للشركة ما فهمتك !!!!

طيب اذا ما داومت شهر الإنذار مراح تاخذ راتب ولا راح تخصم من حقوقك .
أشوف الافضل لو استدعوك عملك الجديد باشر، وبالنسبة للعمل السابق لاتداوم ولاتلغي شهر الإنذار.
لازم تتأكد اكثر من اللائحة، بالتوفيق .

والله اعلم , راح يخصم عليك ما تبقى من شهر الانذار

شي اكيد انه راح يخصم وما يهمني الشي ذا

بس الكلام هل راح يعطوني اخلاء طرف ؟؟

لآن الشركة الجديدة غالبا راح تطلبني اخلاء طرف !!

^

غالبا بيعطونك اخلاء طرف وخبرة

عموما اخلاء الطرف مو مهم بالنسبة للشركة الجديدة

صح الشركة الجديدة اهم شي عندها يكون اسمك خارج التأمينات او غير نشط .

انا احس انكم تقرون الردود وتردون على المووضوع

اقراو الموضوع ياجماعة

انا ما اسال عن وش بيعطوني الخبرة واخلاء الطرف من حقي باخذها

بس لو طلبوني الشركة الجديدة وانا ما خلصت شهر الانذار ايش الحل !!

الحل انك تماطل

لانه معروف اجراءات التوظيف قد تصل إلى ثلاثة اشهر