السلام عليكم ياشباب

انا نفسي ادخل السلك العسكري وبتحديد الطورائ الخاصه

او اي سلك عسكري غير ذلك ..

لكن تواجهني مشكله اني ارتدي نظاره لأن لدي قصر نظر ..

بمعلوماتكم اي سلك عسكري يقبل ذلك ؟


ولكم مني جزيل الشكر والتقدير

وعليكم السلام


اولاً كل شي قسمة ونصيب

ثانياً على حسب شهادتك شنو


اي تقديم عسكري روح قدم وفحص النظر البس عدسات ولا تقولهم انك لابس عدسات وبس خلاص

او اعمل عملية تشطيب وانتهاء الموضوع

او تكلم لك واسطة في المستشفى



غير الثلاث حلول هذول مافيه للعسكرية

وعلى فكرة الان فيه تسجيل للحرس الوطني في الرياض يأخذون جامعات وكلية تقنية او اي شهادة فوق الثانوية او اي كلية عادي ويأخذون ثانوي بس يبيلك تجلس تكلم الضباط في التسجيل لمن يقبلونك

يعني بالمختصر تجلس تحن فوق راٍسهم

التوظيف في الاحساء والرياض

واذا توظفت تقدر تنقل بعدين من هالمنطقتين اذا ماتبيهم وطبعاً النقل يعتمد توفيق من الله و واسطة وعلى حسب الامكانية والشواغر او تقدر تشوف لك دقيش

يعني تشوف واحد من المنطقة الفلانية يبي ينقل وتنقل


وباقي تسجيلات العسكرية راح تجي هذي السنه لو ماتبي الحرس الوطني

بالتوفيق

الله يوفقك بَ النسبه للسؤالك بخصوص قصر النظر ..اغلب القطاعات تدقق لكن الطوارى مايدققون بشكل قوي
وقوات الأمن الخاصه ايضاً مايدققون لأن واحد من اخوياي نفس طريقتك بس مو لابس نظارات
خلص الفحص الطبي في قوات الامن الخاصه وحالياً بالدوره مشت اموره
والطواري انا بنفسي سويت كشف طبي بس الحمدالله سليم
مير مايدققون كثير .. اذا تقدر تطلع النظارات وتروح لهم يكون احسن
وفي النهايه ياصاحبي الأرزاق في يد رب العالمين لكن ابذل جهدك ولاتيأس


تحياتي لك

الله يجزاكم الجنه

بأذن الله بجرب حظي .. للعلم شهاده ثانويه

.. لكن عندي بعض من الاسئله :

فيه ظباط اعلى مني ؟ وكيف اصير ظابط ؟ اذا احد تخرج من الكليات التقنيه هل يقبلونه ؟ واذا يقبلوه بأي رتبه ؟؟ وهل فيه كليه عسكريه متخصصه للتدريب جنود الطوارئ ليصبحوا ظباط ؟

وماهي الدورات اللي في الطوارئ وهل هي الزامي ؟


اسئلتي غبيه اانا عارف سامحوني شباب لأني ما اعرف عنها شي ابد ^.^