بكرا بطلع لي الرياض بسالكم التجنيد الحرس الوطني فاتح علما ان معي كلية تقنيه اسال الله كل من يرد عليه الوظيفه ابي العلم الوكاد



انا من الجوف ما ابي اعني على الفاضي

شف ي اخوي
رح لهم وبيضبطونك
بس بالاحساء
الموضوع بدون رسائل بدون شي رح ويزبطونك ان شاء الله

شف بما انهم مارسلو لك رساله
ولا حددو لك مقابله قبل لا تجي ل ادارة التجنيد
بيعطونك عريف وبالاحساء هذا بشكل عام
بس ممكن لا حاولت معهم يعطونك وكيل رقيب بتخصص ثاني غير تخصصك حسب المتوفر بكثره والله واعلم


واول ماتروح الاجرائات بتقعد عندهم من الساعه 6 الصبح لين 12 وحاول بقدر الامكان تبكر

اول شي بتعطيهم ملفك بالاستقبال وتنتظر لين ينادون بسمك .....
بعدين توقع وتبصم على اوراق
بعدين يقولون اجلس بعدين
ينادونك من جديد وابدا توقيع وبياناتك وبعض المعلومات وتكتب خطاب وتبصم عليه وتوقع
اخر شي الخطاب طبعا

ويعطونك بعدها اوراق المواعيد كلها
الاختبار البدني ..
الكشف الطبي ..
الادله الجنائيه ..
ودفتر تسجل معلوماتك وتوقيع شيخ القبيله
ولما تخذهم
تروح للدريشه الي يمين اول ماتدخل البوابه حقت مبنى ادراة التجنيد
على دريشة الكشف الطبي والبصمات تعطيهم كرت الكشف الطبي ويعطونك الموعد ..
والرتبه العسكريه ترى تكتب على كرت الكشف الطبي فوق
وبيكتبون لك وين بيحولونك ل اي كتيبة اسالهم الكتيبه هذي وين موقعها ,<< انا الان ابي اعرف وين كتيبتي مااحد يعرف هع
الله يعين ويسهل عليك يارب


جب معك كل شي
شهاداتك خبراتك نفس مجال تخصصك الدراسي فقط غيره لا تذكره نصيحة
لانه ان جيت بالمقابله الشخصيه المقدم بيطقطق عليك اول كلمة انت شكلك مو كفو حتى مالقيت وظيفة على تخصصك الدراسي اول جواب مافي وظائف بحثنا ولا لقينا او رغبتنا بالعسكريه طال عمرك وهي اول الرغبات واخرها
وشهادة التطبيق التعاوني ... واذا عندك برنامج اللغه الانجليزية المكثف التابع للكلية التقنيه ترى مفيدة مره مره مره
اي شي يعود لك جبه وترى ماتدري وش الي يرفع من رتبتك


واسف على التاخير
اتمنى افدناك