السلام عليكم

يا جماعة الخير انا خريج من المعهد الثانوي التجاري وتاريخ تخرجي 3/30/1423 <<< مميز التاريخ تراه للبيع

المهم يا اخوان هل فرصتي بالحصول على وظيفه في المفاضله قويه او ابلط البحر والبر

حطيت رغباتي المكانيه في كل مكان جنوب وغرب شمال وشرق

الرجاء من عنده علم ينورني

دمتم بود

هلا و غلا اخوي

وش يمنع ما تكون فرصتك قويه !??

انا مثلك خريج المعهد الثانوي التجاري بس عام 1428
وقدمت على 10 رغبات المرتبه الخامسه والله يوفقنا وياك وجميع اللي قدموا

هلا فيك حزين ولكن

لانه وانا خوك متعقد من الخدمة المدنية كل سنه اقدم عليهم ويعطوني كرت احمر صرت وياهم عشرت عمر
في التقديم على المفاضلات الي راحت ههههههههه

الله يوفقك وتجي لك وظيفه الي تسعدك

الله يسلمك يالغالي ويسمع منك

لاتيئس اخوي انا قدمت على مفاضله من عام 1431 وكل شوي تطلع اسماء و مازال الانتظار

والحمدلله حاليا موظف عسكري وطالب جامعي انتساب المستوى السادس

والواحد ما ينتظر يحاول يشغل نفسه بوظيفه او دراسه عشان يستفيد مستقبلا

وبالتوفيق لك وللجميع ان شاء الله

الله يوفقك ويسهل امورك

انا موظف قطاع خاص

والله يكتب لنا واياك الوظيفه الي تسعدنا