ليش حزين ومتضايق وانت لك شهر بس
وسع صدرك ورزقك بيجيك
بس انت حاول تبحث عن الوظيفة بنفسك
اطبع سيرتك الذاتيه كم نسخه وحطها بملف شفاف
ووزعها على بعض الشركات المحترمه وروح مثل ماقالوا مركز طاقات

عادي اصبر ي بيجيك الرزق ان شاء الله انا جلست سنه ونص اقدم واقدم واقدم وفجئه جاتنى شركات مقدم عليها من فتره يعني من سنه ورحت سويت مقابلات لين تيسرت اموري الحمد لله الرزق بيجيك ان شاء الله توكل على الله

والي رفع سبع سماوات لي اكثر من 9 أشهر عندي خبره 12 سنه بين حكومي وخاص
ما خليت اميل وارسلت له وكذلك عندي سيارة لفيت الرياض لف عندي كرتون حاط فيه150cv الف الرياض لف اوزع على الشركات شفت الي اعرفه والي ما اعرفه حست كل مكان
في الاخير مريت احد المستشفيات المرموقه في الرياض وقفت عن الحارس الامن قلت وين الموارد البشرية قل ليش قلت ابي وظيفه قال عندك واسطه قلت واسطه الله قال ما سمعت داود الشريان يقول الوظيفه ما تجي غير بالواسطه قلت ما علينا وين مكانهم قال نهاية الشارع يمين لكن الانجليزي كانت سبب بسيط لان الشركات بتغى شخص جاهز مثل الامريكي يتكلم إذا تبغى بدون واسطه وكذلك عندك طاقات عليهم وظايف مثل وجيههم كل شي قدمت عليه وفي الاخير تدق عليه بنت منسقة توظيف وتسالك بعض الأسئلة وتقول تبغى هل وظيفه مثل خدمة عملاء تقول نعم وبعدها ما احد دق علي من شهر ونصف
لكن حطها بين عيونك
النجاح هو انت تمر بفشل وراء فشل دون أن تفقد حماستك

انا زيك معتمد على إعلانات المنتدى ارسل لهم السي في مايجيني اتصال عدا شركة وحدة اتصلو علي وقابلوني وقالو بنوظفك وكذبو علي

صار لي عام بالضبط مآ توظفت

عندك حاله وحده لو تطبقها تتوظف على طول
لو انت من سكان الرياض وقلت ابغى وظيفه خارج الرياض على طول تتوظف
هذا الشي تم ملاحظته مع اغلب منسقين التوظيف

انا لي سنتين ما ارسلي غير وظيفه وحده والوظيفه بالغرب وانا بالشرق لكن الحين ما ارسل ايميل ولا شي اذا لقيت رقم جوال او هاتف الشركه اتصل عليهم اما بس ايميل ما اتعب نفسي