بسم الله الرحمن الرحيم ..

إليكم بعد التحية :

بالمختصر من يفيدني في إشكالات همت علي وضروريه إجابتها ..

أولاً : والدي لديه مؤسسة ومسجلني عليها ع اني موظف سعودي فيها لان شرط في المؤسسات والمحلات السعوده ..

المهم سجلني قبل سنه وللآن مسجل في التأمينات الإجتماعية لدى المؤسسة .. سؤالي لكم .. :

وقبل السؤال / أنا حالياً آخر ترم بالجامعة .. قريب أتخرج بإذن الله نهاية الترم ..

ودي ألتحق بنظام جدارة .. وسؤالي كالتالي :

أثناء التسجيل بجدارة سؤال يأتي هل أنت على رأس العمل أو تعمل حالياً /

ما الإجابة التي اختارها / نعم أم لا ؟ بوجهة نظري ( نعم ) .. طيب !!

هل في الوقت الحالي أحذف نفسي من التأمينات الإجتماعية أحسن لي ؟

أو أترك نفسي وهذا المفيد لي ؟ أثناء التسجيل بجدارة !!

أرجوا الإجابة يا أخوان ..

--------

السؤال الثاني : من زود الهوس والتفكير لم أستطيع التفكير !!

وهو .. ماهي المجالات الوظيفية لخريج بكالوريس ( شريعة ) ؟؟

ولكم مني كل التقدير ..

تحياتي ..

أخوكم .. عبدالعزيز

إضافة يا أخوان /

كثير من الأشخاص قالوا لي ..

تحسب لك خدمة !!

اذا كنت موظف ومسجل في التأمينات او منت موظف هذا الشي مايفرق في حصولك على الوظيفه
اثناء تسجيلك في جدارة يطلب منك اسم الجهة الي انت موظف فيها ومسمى الوظيفه
بالنسبة للمجالات الوظيفيه هناك تعليمي بشرط تجتاز اختبار المعلمين ( قياس ) او وظائف ادارية

بالنسبه لسؤالك الاول تقدر تقدم على جداره وتكتب انك على رأس العمل هالشي مايأثر لانك موظف في قطاع خاص وسنوات الخبره تقدر تضيفها للخدمه بس لازم يكون وقت الاضافه خلال السنتين الاولى من تعيينك
اما الوظائف المناسبه لتخصصك طبعا اذا تبي تعليمي لازم اول ماتتخرج تختبر اختبار كفايات المعلمين
بالنسبه للوظائف الاداريه هذا دليل التصنيف تبع الخدمه المدنيه .. بس ادخل تخصصك يطلع لك كل الوظائف اللي تناسبه
https://eservices.mcs.gov.sa/rmcs/Co...ew.aspx?cmd=p8


موووفق

أخوي إذا أنت هامم بالموضوع وتوك خريج؟ وش رأيك باللي خريج من كم سنة ويبحث عن وظائف وفرصة بالمؤسسات والشركات قليلة أو معدومة لأن المؤسسات تمشي بنظام سعودة اسجل سعودي وهو قاعد في بيته. بينما ممكن شخص محتاج إنه يداوم ويشتغل وياخذ راتب بعرق جبينه .. ومب محصل.


أتمنى تدرك إن اللي قاعد يحصل (خطأ) ممكن والدك ماعنده خلفية أو هذا نظام السوق زي ماهو يعرف. لكن أنت وين دورك في الرفض؟ وتحويل مكانك لشخص آخر (مُنتج) ومحتاج؟


+

الأفضل تنزل من التأمينات وتستعد لأن تكون رجلًا يبحث عن مصدر رزق لكي يعمل وينتج.

كل الشكر لمن ساهم بالرد ع اسئلتي ..

بالنسبة للرد الثالث : حطمتني من جهة التوظيف .. وبما ان الرزق ع رب العالمين .. فمتفائل خير .. وانت ايضا تفائل خير ..

بالنسبه لوجود اسمي بالتامينات والسعوده ونايم ومدري وش ..

انا اصلا كنت رافض .. ولا زلت رافض هالشي .. لكن مجبور بحكم انه والدي ..

وما ابي اتناقش بذا الموضوع لانه ما راح يخلص ..

عموما وفقكم الله ..