11-09-2014, 12:12 AM
|
عضو جديد
|
|
تاريخ التسجيل: Aug 2014
المشاركات: 16
معدل تقييم المستوى: 20
|
|
الهمّ ضيّق خاطري ولا جداي الا الغنا
حتى الغنا لك الله انه يزيد ضيقي والحزن
واللي تعنا واجتهد يبغا الجنا وين الجنا ؟!
خمسة غروس اسقيتها بيدي ولكن ما أثمرن
ما غير اناظرها عسَى تثمر وتجلب لي الهنا
تعبت عيوني وابطت غروسي وانا بشكي لمن ؟
ياموطني يالموطن اللي ماعرف مجدك فنا
خيرك وصَل اقصى البلاد العالميه والمدن ،
ياموطني انا هنا ، انا هنا ، انا هنا ,
شبحِك لما بعد الحظن ينسيك مِن وسط الحظن ،
يَ موطني ظلم علي الوقت .. وأتحرّا السنا
ويروح مِن عمري زمن ويزيد في عمري زمن
ابغى ارضي الشيبان وارضي خاطري بشوف الظنا
لكن ما بِ اليد حيله ، آه يَ شين الغبن !
طقيت باب الرزق لكن مافتح والله لنا
كنه يقول : السير يافهمان لازم يندهن !
طقيت باب الرزق لكن مافتح والله لنا
كنه يقول : افلح وجب لك واسطه ولا استكن ،
قلت اشهد ان لي واسطه والواسطه يابو جنا
حب الوطن والروح في حب الوطن تِدفع ثمن ،
افديه وآقف درع قدام الهنادي والقنا
ولو تركني فالمحن ،/ فلا تركته فالمحن
فقير ماشفت الغنا مَاني من عيال الغنا
لكن اذا صاح الوطن ؟ اتسلف ريال الكفن !
أثور من دونه وانا سعودي وانا طيّب جنا
من هو يشكك في ولائي فالسريره والعلن
ياموطني .. هذا عتاب أحباب .. جعل اللي شنا ؟
يلقى البليه والمصيبه والمهونه والوهن ،
خمس سنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن
نِلت الشهاده والفرح برقه سبق رعد العنا
هَذي الشهاده يَ وطن ، وين الوظيفه يَ وطن ؟
هَذي الشهاده يَ وطن ، وين الوظيفه يَ وطن ؟
هَذي الشهاده يَ وطن ، وين الوظيفه يَ وطن ؟
|
العرض العادي
