السلام عليكم ورحمة الله وبركاته

اطرح لكم مشكلتي التي لم اجد الرد المناسب من ادارة حافز
ولم يتم حل المشكلة

السالفة :

اني مؤهلة في حافز
ووالدي يستلم راتب تقاعد >> الوالد متوفي الله يرحمه
وليس لدي اي مصدر دخل اخر


اول شهر نزل لي حافز شهر 3
ولقيتهم خاصمين 365 ريال بسبب الدخل الثابت

وبعد الاتصال بهم جاء الرد انه خصم بسبب المؤسسة العامة للتقاعد


سكت وماتقبلت السبب
فراتب والدي من حق الاسرة جميعا
وحافز حق خاص فيني

الشهر الثاني شهر 4
خصموا 486 ريال
لنفس السبب

الشهر الثالث شهر 5
خصموا 608 ريال لنفس السبب

الشهر الرابع شهر 6
خصموا 729 ريال

الشهر هدا شهر 7
خصموا 851 ريال




وجميع الشكاوي والبلاغات ياتيني الرد نفسه
خصم من المؤسسة العامة




مافهمت الحين ليش كل شهر يزيد الخصم

ابي سبب مقنع

راتب ابوي الله يرحمه نفسه مايتغير
وانا دخلي الثابت يتغير


ما اقول الا حسبي الله ونعم الوكيل



اللي ابوها حي يرزق الله يخليها لها ماينخصم من حافز
واللي ابوها متوفي الله يرحمه ينخصم منها رغم انها بحاجه اليه اكثر

ليييييه؟؟؟

عطوني سبب
هذي صورة للتوضيح

ما اقول إلا الله يعينك ويعيننا على تعقيدات حافز

مهزلة !


انا نفس الشي الشهر الثاني زاد الخصم كان 72 وصار 144 كل شهر يتضاعف المبلغ 72+72 =144

قدمي شكوى لخالد التويجري شوفي حسابه بالتويتر .. إن شاءالله يساعدك
ان سكتي بيضيع حقك .. لاتسكتين

او موقع تواصل تبع الديوان الملكي

حسبي الله عليهم

ربي ياخذ حقكك منهم ويرزقك من حيث لا تعلمين