السلام عليكم ورحمة الله وبركاته
اخواني اللي له خبره وخلفيه كامله عن اجراءات الفصل والعقوبه العسكريه ياليت يفيدني
موضوعي- هو اني دخلت العسكريه بالجيش -الصيانه- في1-8-1433 والله ماكتب لي اكمل معهم لظروف والدي الصحيه ولدي مايثبت واللي اجبرتني على ترك العمل كوني العائل الوحيد لاسرتي بعد الله وانقطعت عن العمل غياب في15-9-1433 يعني دوامي شهر ونص وما اخذت دورة فرد اساسي ولاهم يحزنون والى تاريخ اليوم 10-7-1435 ماجيتهم ولا سلمت العهده------وانا الحين ناوي اروح اخلص موضوعي معهم عشان افتك منهم نهائيآ ولا ادري بالاجراءات العسكريه عشان يعطوني اخلاء طرف واعدل المهنه واخلص منهم وهل بيعفوني من ال45 يوم سجن صعبه اترك اهلي بالطائف ماعندهم احد وامشي الشرقيه خاصه وان الوالد معاق وحالته الصحيه سيئه ----ارجو من اللي عنده خلفيه بالوضع العسكري واجرائاته يفيدني ويساعدني...وله خالص الدعاء
وانا والله لوعندي معرفه بالاحوال المدنيه كان عدلت مهنتي عنده وريحت نفسي حتى لو بفلوس ولو كنت عارف ان الوالد بيتعب ما وهقت نفسي وادخل العسكريه .......تكفون ياشباب المساعده تروني طول هالفتره اضرب اخماس باسدس الله يخارجنا بس .... ودمتم بالف خير...........

لو سمحت شوف لازم تتأكد من الاحوال انك متسبب او طالب يعني المهنه مو عسكري هذا اهم شي

اذا انت متسبب او طالب لا تروح لهم ولا تاخذ اخلاء طرف الا اذا ودك تقدم اعاده بس تروح لهم وتسوي اخلاء طرف
وتسلم العهده هذا اذا كان ودك تقدم اعاده اما السجن غير اذا رجعت من جديد وداومت ثاني مره
تختار بين التوقيف او خصم من راتبك حدود 3 الاف اظن بس يعني اذا وافقت يخصمون من راتبك مافي توقيف

وانصحك اذا ما تبي عسكريه لا تروح ولا شي اعتبر نفسك لسى متسبب بس تاكد من الاحوال
اذا كنت عسكري عادي تروح تسوي اخلاء طرف من عملك وذي تخلصها بسرعه وبعدها تتابع الاجراءات بالرياض
تشوف متى ينزلون اسمك من عسكري الى متسبب اجراءات عاديه

مشكور اخوي ساري على تجاوبك
بالنسبه للمهنه مسجل فيها عسكري وهذا اللي موقف اموري كلها
ولا ادري كم يستغرق تعديل المهنه ,,,,لو عندك خلفيه ياليت تفيدني مشكور
ولك فائق الاحترام..

على حسب اخوياك بالعمل تسلم العهده وتاخذ اخلاء طرف وبعدها تتابع المعامله من مكان عملك الين توصل الوزاره ويسقطون اسمك من هناك بالتوفيق يارب روح لهم وخلص اوراقك خلص بسرعه انت وهي تمشي من عندهم

اخوي الحقيقه الصعبه ،، السلام عليكم

لاتشيل هم تعديل المهنه لان تعديلها وانت واقف مايحتاج مواعيد او تأخير
لان انا زي حالتك بالضبط عدلتها من برا
وثانياً وشهي العهدة اوراق وتوقيعات وكذا
لان حسب كلامك انك ماكملت معهم شعر ونص يعني ماستلمت سلاح وحاجات تخص الدولة
فلذلك لاتتعب نفس وان بغيت ترجع ترا الامور سهالات ولله الحمد حنا في بلد يقدر المحتاج واهل خير
والارزاق عند رب العالمين ثم بالاسباب ، انت شفلك وظيفة مدنية عند اهلك يمكن تكون خيره لك



تقبل تحياتي ومروري مع اني مبطي مادخلت المنتدى

اصبر انت ما معك فرد اساسي وشهي العهده اللي معك