السلام عليكم ورحمة الله وبركاته

أنا طالب ثالث ثانوي وما بقى شيء وأقدم على الجامعة

وأبي آرائكم بخصوص هالتخصصات من ناحية سهولتها

المطلوب حسب ما سمعته تختار 10 تخصصات وهم يختارون التخصص بالأولية وعلى حسب النسبة طبعا

اللي ابيه منكم بس تذكرون الـ 10 اتخصصات بالترتيب من ناحية سهولتها

لا أحد يقولي كلها واحد

يعني مستحيل الطب = علوم شريعة !!

وإن شاء الله ما تقصرون معي


قي إنتظار ردودكم يا حلوين

ابدالك من الاسهل
1 - تربيه خاصه
2 - اسلاميات
3 - شريعه وقانون
هذا الي اعرفه
وشوف وش نسبتك والي تقدر عليه
لاتسمع كلام الشيبان هم الي يضيعونك
اسال واحدن ضاع قبلك يعني اسال مجرب ولاتسال خخبير وهيك
ماقصدر ان الشيبان مايعرفون وكذا , اغلب الشيبان يقارنونك ب ولد خالك او ولد جارك
او ولد فلان وفلان وعلان , ووانت دجه ويالله يالله ناجح , يحطك ب كيمياء او فيزياء او انجليزي
وانت تعال توسدها لا تعرف لا انجليزي ولا معادلات هههههههه
قلبي الصغير مايقدر يكمل من الم والقهر ههههههه

و عليكم السلام ورحمة ربي وبركاته

شوف حبيبي انا بكل صراحة استغربت موضوعك "تخصص سهل"؟

اول شي هالتخصصات هي ميول ،، فكل شخص له ميوله الخاص .. لو اقولك روح اتخصص انجليزي يمكن يجي شخص ثاني يقول وش يبغى فيه!

شوف انت وش تبدع فيه اكثر شي وش تحب من المواد اللي انت تدرسها الحين !

ولا تحط ببالك اسهل و اصعب ... دراسة الجامعة يبغالها شدة حيل و تعب شوي سواء سهل او صعب
و انصحك نصيحة اخ يبغالك الخير ،، لو انت مو قد الدراسة بالجامعة لا تدخلها لانك بتضيع سنين عمرك ع الفاضي .. صحيح بتشيل نفسك بهالمكافآة فترة لكن بعدين تندم ،، و ع كل انا انصحك انك تشوف لك تخصص كويس و وظائفة ماشيه و موجودة بكل مكان علشان تقدر تمشي امور وتعيش مستقبلا و تفتح بيت ولا تحوج نفسك لاحد

لكن مثل ما قلتلك شوف ميولك بالاول ثم حدد ،، التخصصات الادارية (محاسبة- مالية-ادارة اعمال-سكرتاريه) مطلوبة بكل مكان و مافي جهة عمل الا فيها هالشي

عموما اتمنى لك التوفيق و ان شاء الله تصير دكتور و ترفع راس اهلك و ابويك قبل كل الناس

هل فيه تخصص سكرتاريه ؟ او يجي مع ادارة الاعمال

ما أزيد على كلام الأخ قلوري
وشوف رغبتك وميولك واستعدادك لأي تخصص
ولا تنزل عند رغبات أي أحد حتى لو كانوا من المقربين لك !
لأنك لو درست تخصص ما انت راغبه يمكن تحول ويمكن ماتواصل
ويمكن تحمل مواد ويمكن تتأخر ومشاكل لها أول وما لها آخر ..

لا أزيد على كلام الأخوهـ

لكن من تجربـة تخصص ((إعلام وعلاقات عامة ))

المناهج ممتعة كقراءة او مذاكرة

للأحاطة هذا تخصصي وادرسة أنتساب

لأنني تحت وطأهـ العسكرية

هل فيه تخصص سكرتاريه ؟ او يجي مع ادارة الاعمال

يالغاليين نسبتي فوق التسعين العام والترم الاول (علمي)

والقدارات فوق الثمانين ((ما شاء الله تبارك الرحمن))

بس أنا ميولي للعسكرية تحديدا كلية الملك فهد الامنية للضباط الجامعيين

وودي أدخل اي تخصص تسليكي الين اتخرج واقدم على الكلية

وصراحة هذا طموحي وميولي منذ الصغر

ف بالله عليكم يا اخوان ابي نصايحكم وتجاربكم

فردودكم راح يكون لها اثر ايجابي ان شاء الله في مستقبلي فلا تحرموني منها... وشكرا

الردود يا جماعة الخير..

أسأل الله لك التوفيق والله إنه وضع صعب ومصيري ومريت بالوضع هذا وانا اجني ثمرته الحين