السلام عليكم ورحمة الله وبركاته

الكتاب واضح من عنوانه

انا عندي ددسن غمارتين جديده الحمد لله واكد عليها توصيل عمال وسمعت عن بيع الجح وجاتني افكار كثيره اللي يقول اشتر من المزارع وبيع مزاد بالسوق واللي يقول بيع على محلات الخضره واللي يقول سافر للمدن الكبيره وابسط بها

الموضوع حيرني من ناحيه الافضل وماعندي خبره كافيه


قلت ما استغني عن خبراتكم وافكاركم ونصايحكم

أسأل الله لك التوفيق وان يفتح لك ابواب رزقه

افضل فكره انك تشتري من المزارع وتبيع على محلات الخظره تتفق مع محل او اكثر انك توفرله الكميه الي تناسبه او مزاد بالسوق الخظره
وباقي اليوم تشتغل كالعاده توصيل عمال
اما انك تبسط بها على الطريق احسها تاخذ منك وقت كثير ويمكن يصيب الجح ضربة شمس وتغرب وماخلصت بيع هذا رايي وبس ماعندي خبره ابد

نعم مثل ماتفضلو الاخوان ممكن تتعامل مع اصحاب المزارع وتاخذ منهم بسعر الجمله وتبيع قطاعي في الاماكن اللي عليها زحمه مثل وسط حراج سيارات والا عند المساجد الكبيره بعد صلاة الجمعه بالذات يعني حاول تختار اماكن مزدحمه,, وفيه شي ثاني ممكن تسوي اعلان لنقل الاثاث وتسوي لك كرت صغير مايكلف شي تحط رقمك وتوزعه على محلات اصحاب الاثاث المستخدم وغيره من المحلات او نقل المواشي من منطقه لمنطقه تقدر تسوي اعلان بعد في موقع اغنام وناس كثير تحتاج نقل اعلافهم ومواشي وغيره من هالامور وتقدر تروح موقع تو زو لقسم بيع وشراء الطيور وتسوي اعلان توصيل الطيور من مكان لمكان وتحط رقمك وان شاء الله الله بيرزقك وبتحصل خير,, اتمنى لك كل التوفيق