اخواني وش رايكم بشراء السيارات المستعملة وبيعها راس المال40000. ولو تكرمتم لو فيه احد مجرب يقول لنا كيف الطريقة

بالتوفيق

[align=center]الطريقه أنك تقول بسم الله الرحمن الرحيم وتبدأ تنزل التشاليح ومراكز بيع السيارات المصدومه

وتفر الورش وتفر الحراج أيام الحراج وتفر قطع الغيار

تسعر القطع وتسعر السيارات وتعرف قيامها وتعرف أوقات البيع وأوقات الشراء ..

السيارات فيها خير وركز على السيارات الجديده موديلات 11 وأنت طالع .

انتبه طبعا من السيارات اللي مصدومه وجهيه لأن بعضها تتعبك في التصليح وفي البيع ..

طبعا شف حاجة الزباين وأسالتهم في الحراج مثل ( مصدومه ؟ مرشوش ؟ الإيرباغ وش وضعه طالع ؟ )

طبعا أهم شيء المكينه والشاص والقير . بعض المناطق زي الرياض هذا أهم شي عندهم وبعض المناطق أهم شيء عندده البودي يكون سليم وهكذا ..

شف حاجة الزباين وكرر زياراتك للحراج بشكل مستمر وراح تعرف المطلوب في السوق إن شاء الله

شد حيلك في ذا الشموس والله جربتها والحمد لله على كل حال

ونصيحتي أهم شيء الصبر وحاول توفر مبلغ احتياطي [/align]

الله يجزاكم خير

سبحان الله وبحمده

فيها تعب كثير والمردود المادي قليل انصحك تبعد عنها

اعرف لي واحد يشتري سيارات من التشليح ويصلحها في شهر والمكسب ما يتعدي 1000 ريال

السلام عليكم

اخوى في الوقت الحالي معد فيه مكسب طيب للسياره السليمه (يعني المكسب اقل من 1000) وازود على ذلك تجلس معك السياره اسابيع وبعضها يتعدى الشهر مابعت


اما بالنسبة للمصدوم على حسب خبرتك والورشه اللى تشتغل فيهاا وانتبه من الصدمه القويه في مقدمة السياره. بالنسبة للاسعار لازم تعرف قيمة السليمه وهل هى فل كامل ام سياحي ام نص فل وتقارن في الاسعار وانصحك في المصدوم اذا حصلت لك سيارة سعارها رخيص وتقدر قيمة التكلفه (يعني تقدر مدخولك وخراجك)


والدنيا حظوظ وتوافيق. مره لك ومره عليك وانصحك انك تبتعد عن مجال السيارات نصيحه لاني شفة وجع الراس وفيه فئه معينه وان شاء الله انك منت منهم اللي مايخاف الله غش وكذب علشان يكسب كم الف.


اخر سياره شريتها دينا والله العلي العظيم جلست شهر كامل من تشليح وصناعيه وقطع غيار ومن الصبح اللين 8 مساء ومع ذالك بعتها مكسب 500 ريال . يعنى تعبك شهر كامل راح هباء منثور.


والله يرزقك ويرزق كل مسلم

الله يجزاكم خير