حافز والخصم،،تجمع المخصوم عليهم
 

السلام عليكم
حافز صعوبة الحصول على عمل لسى مانصرف لاكن مكتوب ف خانة الدفع انهم خاصمين علي نص المبلغ عارفين ايش السبب لاننا نستلم راتب تقاعد الوالد
ماقول الا حسبي الله ونعم الوكيل ابويا متوفي ويعلم الله اني ف حاجتها صحيح اني كنت عايشه من دونها وهذا من فضل الله تعالى بس يأخواتي فيه غيري ابواتهم عايشين ربي يحفظهم لهم ويستلمون رواتب ليه ماخصمو عليهم ليه هالمقارنات البطاله ليه هالظلم ،،،، من حافز الاؤل وانا كله خصم مره لان امي تستلم ضمان ومره لان عندنا راتب تقاعدي حسبي الله ونعم الوكيل حسبي الله ع كل ظالم
الله ينصرنا وياخذ حقنا ،،، بنات خلونا نتحد وندق ع الموقع ونقدم شكوى طبعاً يحق لنا هالشيء وهذا رقم المركز

9200115599

انا مثلك بالضبط مخصوم علي بسبب الضمان وبسبب راتب التقاعد للوالد الله يرحمه.. ظلم والله والمشكله ماأستلم شي حتى الضمان باسم أمي

اخصمو بسبب الضمان وهو باسم ابوي راسلو بعد سبق

انا بعد مخصوم علي بسبب دخل ثابت وانا مو مسجله بالضمان ومو موظفه وماعندي دخل وش السبب ما ادري ؟؟؟؟

من اللي صار معه كذا :(

مممم
١ مو كل بنات الي عندهم ابوهاتهم يصرفو عليهم هذاني انا ابوي مايصرف علي وعايشهه وصح كنت مع ابوي في ضمان وحافز١ مانقص علي ٢٠٠٠ الحممدلله هذيك الفتره ربي سسخرهم لي ولما خلص حافز رحت قدمت ع ضمان ونزلت اسسسمي من ضممان ابوي وحطيت اسمي مع ضممان امي. رغم ضمان حقي ٢٥٠ ريال فقط حامده ربي احسن من اكون تحت اسم ابوي ومااخذ ولافرنك
وفي بنات كثير مثل حالتي وبطلو شسسمه هذا حسسد هذي ارزاق

وانتم عندكم راتب تقاعد لانو اسسمكم فيه شي طبيعي واحمدو ربكم غيركم يتمنى يسد جوعه
احممممدو ربكم واشكروه حتى لو مبلغ ماعجبكم حالكم افضل من الي ماتاهلو
للمعلومه انا مومتاهله :) جاني ولا ماجاني راضيه بضمان ٢٥٠ ريال :)

حبيبتي هذا حقنا وظلم ان حنا ماناخذ كامل حالنا حال غيرنا وش دخل الحسد في الموضوع الحين اللي يدافع عن حقه صار حسود...اذا انتي راضيه وسعيده ان حقك يروح هذي مشكلتك لاتطالبينا نكون مثلك وبعدين راتب التقاعد يصرف على البيت لأن اصلا راتب ابوي المتوفي....

بس انتي قلتي الي عندهم ابوهم ومدري ايش بعض بنات اباهتهم مايصرفو عليهم
ووانا قلت اشكروالله حتى لو نقص لمعلومه انتو نقصو عشان راتب تقاعد في غيركم يتمنو الاهليه حتى لونقص عليهم
رجعو ذاكرتكم لورا لما خلص حافز١ مو كنتو تتمنو حافز يرجع حتى لو ينقص. اقتنعو بلي عندكم ولحد يطمع وهذا رزقكم

لا أنا ماقلت اللي عندهم ابوهم ولا جبت طاري هالشي يمكن تقصدي صاحبة الموضوع مادري...
المهم أهنيك على قناعتك بس لما أشوف حقي يروح ماراح أكون مقتنعه بهالشي ومستحيل أقتنع
القناعه حلوه بس مو في كل شي..ومو في كل وقت
أدري تفلسفت واجد:p:)

بجد من الظلم انهم يخصموا بعدين كلها 1500 من المفترض تنزل كامله للكل
اسماءنا مع ابهاتنا واحنا ما نأخذ شيء منها تصرف على البيت
لا نسكت عن حقنا خلونا نطالب سبق يتنزل موضوع بهذي المشكله
لو سكتنا ما راح يبقى لنا شيء بالاخر راح نستلم 300 ريال
مشكلتهم مستمر النقص كل شهر مو ثابت
انا بحافز الاول كل شهر ينقصوا مره 95 ومره 75 واخر دفعه استلمتها 900
لا تنسون بعد اربع اشهر بتصير 1250 مو 1500 وكمان مع النقص وش راح يبقى
خلونا كلنا نتكاتف ونشكي لسبق

"P "P "P

مو كل الي ابواتهم عايشين يصرفون عليهم ولاكل من عندها راتب تقاعدي تاخذه لها اظن فيه متطلبات ف الحياه تحتاج هالراتب احمدي ربك.ان ابوك عايش اقلها قايم بإحتياجاتكم ف بيتكم ،،بعدين هذا مو حسد هذا حقنا وبنطالب فيه واذا كلامي ماعجبك ماله داعي اصلا تدخلين موضوعي وتردين ،، وتري كلن يشوف الناس بعين طبعه ياًاً





بنات ماعليكم من كلام احد اهم شي احنا مقتنعين انه حقنا والمفروض انه ينصرف لنا كامل زينا زي غيرنا ارفعو الموضوع وتكاتفو معاي نتصل ونقدم الشكوى والي يقدر يوصل للصحف لايقصر الله يسعدكم يااارب

لكل يرسل لا احد يعتمد على الثاني ترى يد وحده ما تصفق اذا شافونا مجموعه بينظرونا بوضعنا
اما وحده تتكلم والباقي ينتظر ما ينفع
راسلوا سبق وكمان راسلوا خبير حافز له حساب بالتويتر
هذا حسابه
KhabeerHafiz

كيف نراسل سبق؟؟؟؟

توفيقه ياخراشي لافض فاك وبارك الله فيك كلامك عين العقل واساس المنطق ،

لوحدي مع الايام صادقه لازم نتحد علشان كذا اقولكم خلونا نتصل عليهم نقدم تظلم هذي اول خطوه
الي تتصل تخبرنا وعني بتصل اليوم باذن الله وبقدم تظلم ولابسكت
وبعدها يجي دور سبق والصحف بدور رقمهم ار اي وسيلة تواصل واكلمهم

http://sabq.org/ContactUs
لمراسلة سبق لقيت هذي الصفحه

بنات دوبي راسلت سبق بس ماضفت رقمي بس ايميلي والشكوى والله ينصرنا

الله.ينصرنا

جزاك الله خير ،، هذا التفاعل الي نبغاه والله لو كل من دخلت هنا تكاتفت معانا وشكت وتظلمت ان مشكلتنا لتنحل بعون الله

من جد حسبي الله ونعم الوكيل فيهم
انا باقي مانزلت على طوول خصم
من 1500
يعني ينزل لي 696
الموهم ماينقصون لا للراتب او ضمان يعطونها كاملا
بس هاالشيء مستحييل لانه يمكن هم الى يدفعون لنا من جيوبهم
المشكلة اعرف ناسس مانقصو لهم يخذونهه كاملةة مااقول الا حسبي الله ونعم الوكيل فيهم
نار في بطونهم ي رب

المفروض اصلا نستلمها كامله هذي اعانه من الملك لنا مو من جيوبهم حسبي الله فيهم ونعم الوكيل

راسلت سبق بخصوص خصم الضمان

راسلوا. خالد التو يجري. حسابه بالتويتر.

كل واحد يرسل. ،، ونطالب ،،. خاصة بالتويتر

الكلام هنا والتحسب والشكوى ما يفيد. ،، ياجماعة مابيفيد

فيه ناس انظلمواتبع مساهمة ... ورجع لهم حقهم. لأنهم ما سكتوا.

أو نسوي هاشتاق. حافز ظالم ،، لازم صوتنا يوصل للملك.

ياحلوين دقيت حافز قالوا مو من حقك تقديمي تظلم لانك مظافة قلتلها ليه قالت راح يكملك المبلغ
تجمعوا وراسلوا الصحف وانا معكم حلو يعني بعد 4 شهور كم بنستلم

أنا حسبتها بعد اربع شهور راح استلم 300 وآخر اربع شهور راح استلم 100 فقط لاغير خخخخخ

حياكم الله جميعا
حتى لو قالو مو من حقكم لاتسكتون قولو لهم طيب وش الفرق بين اب متقاعد او ع راس العمل وعايش واخر متوفي كلهم يستلمون رواتب ليه الخصم ع عيال المتفاعد المتوفي وليه الخصم ع ابناء المسجلين بالضمان هذا حقهم ليه التفرقه والظلم



زهر انا فتحت الموضوع علشان الكل يتحد ويقدم تظلم ونرفع صوتنا للمسؤلين ،،، وفكرتك حلوه اذا تقدري افتحيها واحنا معاك لاني بصراحه ماني خبره ف تويتر

مراحب انا ارسلت لسبق وﻻزم كلنا نرسل ومانتكل على احد مثل اول مانزل حافز خصموا ومع كثر الشكاوي نزلوها كامله

انا راسلت سبق بس لازم توضحون انهم يخصمون على اللي اباءهم مسجلين بالضمان
واللي متوفين اباءهم ويستلمون تقاعد وانو اسماءنا مو مع اهالينا عشان يخصمون
لازم توضحون هذي النقطه لا تقولوا خصم وتسكتوا
وفين بتروح الفلوس اللي يخصمونها منا

اكثر فئه محتاجه لحافز كامل هم من يتم الخصم منهم
اصلا كيف مايستحون على انفسهم وهم يخصمون ٢٨٥ ريال من حافز يتيمه
مايخافون الله
والا لانهم فئه ضعيفه صوتها بالمطالبات مايوصل
لكن سهام الليل لا تخطيء باذن الله الله يحرمهم مثل ماحرمونااا
حسبي الله ونعم الوكيل
والحمد لله على كل حال

حسبي الله ونعم الوكيل

الله يكون في عونكم أضم صوتي لكم

رغم ان ماعندي خصم بس انتم احوج

........ ........ ........

بجد الناس الي ماتفهم احنا ماحسدنا وﻻ عيبنا بالي يستلمونها كامل للي ابوها عايش بس احنا نتكلم ونعيب على الي ماعنده عقل ايتام وماعندهم دخل احوج من غيرهم ايه كم شهر بس من حقنا نستلمها كامله مثل غيرنا

انا كمان خصمو مني حسبي الله ونعم الوكيل ليه هالظلم هذا كله ليه وربي اني محتاجه للمبلغ اللي خصموه مني
تم ارسال رساله الى سبق

بارك الله فيكم وقواكم يااارب

جد مالهم داااااااااااااااااااعي يخصمو

وعليكم السلام ورحمة الله وبركاته
تم الارسال لسبق :w

انا استلم 200 فقط ..حسبي الله ونعم الوكيل ..ودي صوتنا يوصل للملك ..بالله تقاعد 2000 ويش يسوي ايجار والى مقاضي البيت عشان يخصمون علينا