هلا بالجميع




بدون مقدمات الي دفعني انزل هالموضوع جلسه جلستها مع الشباب قبل يومين



شباب من عمري بعقول شخص يبلغ من العمر 50 عام !
جلست اسمع قصصهم وخبراتهم تجاربهم الين غسلنا الصحون بعد العشاء بالعاده اسولف واهذري لاكن هالمره كنت مثل طالب يسمع دكاتره ( كلام كبييير اوي اوي ) ههههه

لاكن كالعاده شباب يحكون قصص فشل مشاريعهم باسباب
والاسباب الاهم توفر راس المال وعدم الاستقرار (ظغوطات المجتمع الفاشل) وتجي بعدها معاملات حكوميه نظره مجتمع وعيب وفشلتنا الخ
والله حرام شباب وش حلاتهم راعين دين وصلاه مرتبين محترمين حتى الدخان على قوله الشيبان
( تتن) مايعرفونه مع ذالك ضايعين بهادنيا!!

وكملت فيني اليوم وانضميت للشباب بفشل اخر اخر اخر محاوله لي في تحقيق حلم حياتي وتوفير ابسط اساسيات الحياه لي

الخلاصه من هالموضوع وهو هدفي من هالكلام رساله للشباب لاني اشوف معنويات طاحت بالارض ونفوس تكسرت وامال انتهت وحياه ظاعت صحيح ياشباب هذا الحاصل وهذا ماكتبه الله لنا لاكن ماتدرون يمكن مابينك وبين تحقيق احلامك الا يومين
ماتدري يمكن مابينك وبين المشروع الناجح او الوظيفه والبيت الملك والزوجه المزه هههه والسياره الي من يومك بزر تحلم به الا ايام معدوده
والي فات من مشاريع خاسره وتجارب فاشله ماهي الا تجارب وهذا الي يخلي شباب اعمارهم 23 24 25 بعقول 40 50
يعني مامن خساره بنهايه الله فوق لاتعلقون قلوبكم الا بالله وحده سبحانه وكما قال الشاعر مابين غمضه عين وانفتاحه يغير الله من حال الى حال
ابذل السبب والباقي على الله
موفقين

فعلا هذا كلام الصح كلام جميل يشجع الله يجزاك خير

أجمل وأمتع مافي الفشل هو التجربة , صدقوني لها طعم ومكانة في النفس.