السلام عليكم ورحمة الله وبركاته

انا شاب طموح عندي مشروع جداً ممتاز لكن ينقصني شريك وابغى شريك شقردي ومتفرغ تماماً


طبعاً المشروع يختص بالتمور


والمشروع كالاتي لكي تعم الفايده للجميع


نشتري كميه من التمور ونوزعها على علب بلاستيكيه صغيره وبعدها نطبع كروت شخصيه لنا ونوزعها لفاعلين الخير اهل مشروع إفطار صائم ونوفرها له بسعر ممتاز


علماً انا من سكان مدينة رسول الله اللهم صلي وسلم عليه " يعني لابد الشريك يكون من المدينه المنوره "


ملاحظه :- من يرغب في المشاركه عليه وضع رقمه وانا اتصل عليه


والله يوفق كل من بحث عن الرزق الحلال

قبل لاتشتري الكمية تكلم مع المطاعم والمشرفين على مشاريع إفطار صائم اذا فيه طلبات اشتري الكمية وابدأ في التعليب قبل لاتشتري وتتورط لان غالبا يكونون متعاقدين مع المصانع الكبيره ياخذون بالجملة

او اعمل علب عينات وافتح حساب بالانستغرام او تويتر والمنتدى وعند الاقارب واهل الحي وبيع للأفراد بحيث يكون التوزيع عليك هم يدفعون لك قيمة التمر وانت توزعها في المساجد او الاحياء المحتاجة عند الاشارات وفي الشركات للموظفين والعمال اللي يعملون وقت الإفطار منها طلب للرزق ومنها عمل خير

وتقدر تتفق مع الاخوات اللي يطبخون من المنزل يشاركونك بعمل صنف او اثنين مثلا في اليوم 50 الى 100 وجبة + التمر +الماء وجبة إفطار صائم تبيعونها للأفراد اللي يدفع قيمة خمس وجبات واللي يدفع قيمة عشر وجبات واللي يدفع قيمة وجبة واحده وهكذا

سوي اعلانات واطبعها ووزعها . ولو فيه متطوعين يقومون بالتوزيع ممتاز وتقدر تكافئهم في الاخير لو نجح المشروع
الفكرة تحتاج راس مال ومجهود لكن انوي بها الخير والله يوفقك . ولاتبالغ بالاسعار

وعشان ربي يبارك لك برزقك خصوصا انه في شهر فضيل تقدر تخصص من دخل المشروع نسبة معينة تكون صدقه مثلا تعطيها اسر محتاجة أو وقف وغيره باب عمل الخير واسع