ي خوك العسكريه ماهيب شينه
ورتبت رقيب مو قليله والحرس الوطني زين
قدم في الاحوال المدنيه والله يرزقك

حلوه رقيب وفي الحرس وتقديرك مقبول وصدقني راح تلحق وتعلق ضابط ، والحرس الوطني عمله قريب للمدنية ومريح ولا فيه مرابطات كثيرة زي الجيش ولا فيه مقابلة جمهور وازعاج زي الامن العاااام ، قدم والله يوفقك ـ وصدقني الناس تحلصلها تندق وتتفلسف كل واحد يسولف على مزاجه . قدم والله يوفقك والعمر يركض وتزوج وكون نفسك صدقني ماراح اد ينفعك .

والله اني مثلك محتار الحرس قابليني وكيل رقيب وما ادري اروح ولا لا مع اني سالت ناس كثير
البعض يمدح العسكريه والبعض يسبها ونا عن نفسي محتار اخاف انتظر المدنيه ويروح
العمر وماجت
ووجهت نظري بالعسكريه
السلبيات الي فهمتها من الي سالتهم
1- السن التقاعدي 52 سنه للريس رقباء يعتبر قليل صراحه مقارنه بالمدنيه 60 بس ممكن قرار باي وقت يزودونه
2- عدم وجود تامين طبي بس الحرس مستشفاهم الافظل بين القطاعات
3-الزياده السنويه اشوفها قليله
4- عدم السفر الا بأجازه خارجيه
5- البعض يتضايق من البدله يقول البدله وصخه كذا مدري ليه
6- ماتقدر تفتح محلات
7-اكثر العسكر بالحرس احسهم كارهين العسكريه سوا افراد ولا ضباط ممكن ياثرون عليك . انا قابلني ضابط يوم جيت اقدم يقولي وش تبي بالعسكريه ورسملي مربع يقول هذي العسكريه ماتقدر تطلع منها ومافيها تطوير
الايجابيات
1- تتوظف وظيفه فيها امان وظيفي وترتاح
2- علاجك انت ومن تعولهم بمستشفاء الحرس وهو من افظل المستشفيات << بعيد الشر ان شاء الله
3- الوضع بالحرس فله من ناحية الدوام ورخص ونوم بعكس المدنيه بصمه واستقعاد لو تجيك شغله برا العمل انكبت ونا من الناس الي ماكلها مع البصمه مع اني متعاقد << مليون خط
4- الرواتب لابأس بها
5- عدم وجود تقييم سنوي للموظف عشان ترتاح من بعض النوعيات الحسوده
6- انت رقيب تستطيع اخذ اجازه خارجيه عرضيه خمس ايام او عشر ايام غير الثلاثين يوم تقدر تاخذ 15 يوم 15 يوم خارجيه

ولا تنسا صلاة الاستخاره

متخرج من 4 شهور ؟ ليه ماسجلت ب الامن العام اجل رقيب ؟ افضل ب 1000 مره من الحرس ..

عموما لو اني مكانك بقدم على الحرس،وعلى اي تقديم عسكري يفتح يعطيني رقيب،معدلك مقبول وطولك شوي نازل ، على كلامك .. ترا لو ضمنت لك شي الحين بوس يدك وجه وقفآ ،
كل سنه الشروط تتقعد اكثر واكثر .. ياخوفي يجي بعد 5 ولا4 سنوات يقولون الجامعي ياخذ عريف ،والتقنيه ياخذ جندي !!
ادعس ي صاحبي وبصراحه لو تنتظر شوي الشهرين القادمه بتفتح اغلب التقديمات الي مافكت،وايضا الاستخبارات احتمال تفك خلال الشهور القادمه ،
وقدم على اي قطاع يفتح مثل ماقلت لك
بعض القطاعات تعطي التخصص النظري وكيل رقيب ، اسحب عليها ذي
اي قطاع يعطيك رقيب دز له وانت ماتشوف ،
تخش رقيب،وتكون شغال تمام وملفك نظيف ،انا اضمن لك توصل نقيب واحتمال توصل رائد : )
اعرف واحد من معهد الدراسات ب البحريه تخرج على وكيل رقيب
الحين معلق 3 نجمات ماشاء الله،وبيعلق رائد بعد 7 اشهر ..
بالتوفيق لك

عصوما ،

ترى انت نفس وضعي

انا مثلك بالتمام

وشكلها رقيب ياعمي

الحق اتزوج والحق نفسي وراتب الرقيب دامه يوصل 9 ونص او عشرة اقل شيء

وانت طالب جامعي ب يوصل بالراحة

ف ان شاء الله تلحق على نفسك

انا عمري الحين 23 توني متخرج من الجامعه مثلك



وبالتوفيق لك ولي