هل فيها نصب ولا لا ؟؟

سعد شكشوكه · #1 (**permalink**) 11-06-2014, 02:06 AM

سلام عليكم ورحمة الله وبركاته . .

شباب جاني واحد وقالي بفتح محل وابي اخلي كل شي باسمك واعطيك كل شهر 3000 ريال من قيمة المحل والباقي لي .. ومتكفل من والى هو يجب البضاعه وهو يسوي كل شي .. لانه ما يقدر يحط المحل باسمه موظف حكومي ..

وش رايكم .. هل اوافق ولا فيها نصب ... تكفون عطوني الحل

reeem22 · #2 (**permalink**) 11-06-2014, 02:31 AM

البضاعه يجيبها بإسمها ويوقع الفواتير بإسمه ؟ او بإسمك انت اللي المحل بإسمك ؟

alwafyee · #3 (**permalink**) 11-06-2014, 02:46 AM

هل الشخص تعرفه
قريبك صاحبك انت اولا بمعرفته مننا
ثانيا اذا ماتعرفه ابعد عن المشاكل
بعدينهو بيعطيك3000 الاف ويسجلك بالتامينات
انت عارف لوحصلت وظيفه لابد تخرج نفسك من عنده من التامينات
النصبه تصير كالتالي
اولا اش نوع النشاط لاجل نعرف هل هو النشاط قابل للنصب

وثق تماما العمال حيكونون باسمك لمحله

نص عين · #4 (**permalink**) 11-06-2014, 02:55 AM

السلام عليكم , اخوي انتبه ..

لا يجي يشتري بضاعة بالاجل بكمية كبيرة بإسمك ويبيعها في نفس الوقت ويستلم فلوسها ولا تشوف رقعة وجهه .. وتجي اخر شي تتطالب بالتسديد ... وعاد وقتها دور عليه اذا لقيته D:

الا لو تقوله البضاعه بإسمك تتسجل والمحل بإسمي ... ولا تعطيه توكيل شراء ... والله أعلم

الحارث بن همام · #5 (**permalink**) 11-06-2014, 02:56 AM

يحمل المحل بضاعة بالدين بخمس مية الف

ويدخلك السجن

وبس

السلاطيـن · #6 (**permalink**) 11-06-2014, 03:04 AM

اهلا اخي

اذا كان موظف فنصيحتي ابعد عنه مثل ماقالوا الاخوان
اتمنى لك التوفيق

قصة انثى · #7 (**permalink**) 11-06-2014, 03:08 AM

هالشغله بعظهم نصابين وبعظهم صادقين حسب الشخص اللي يبي يفتح المحل انت وشطارتك والبضاعه ماله دخل باسمك كل الموضوع انه يفتح محل باسمك وسجل تجاري عشان يقدر يشتغل اللي اعرفه انها للاجانب اللي يبون يفتحون محلات ومايقدرون
زوج بنت جيرانا معين خير من هالطريقة فاتح محلات واجد ليمنيين وياخذ كل نهاية شهر مبلغ من كل محل حسب المدخول
انا قبل جتني وحده تبي تفتح مشغل نسائي باسمي في الطايف وتعطيني كل شهر 5 الاف
بس الشهاده لله خفت لان مشاكل المشاغل واجد وثانيا في الطايف

reeem22 · #8 (**permalink**) 11-06-2014, 05:54 AM

الشغل هذا مثل أي شغل اذا مافيها عقود واثباتات وكل شي نظامي يعرف وش له ووش عليه وانت تعرف وش لك ووش عليك الحقوق تضيع فيه

الاتفاق بينكم مو بس افتح محل بإسمك وانا اشتغل فيه واعطيك اخر الشهر مبلغ وقدره
بل يترتب عليه امور اخرى يجب الاتفاق عليها

احيانا الموظفين رواتبهم ماتكفي ومايقدرون يتركونه وبنفس الوقت يبغون يشتغلون بالتجارة
ومع الانظمة اللي ماتسمح للموظف بفتح محل او مؤسسة يستعينون بمعارفهم يساعدونهم والفائدة للطرفين
واحيانا يسجلونها بإسم الام او الاخت او الزوجة او احد الاقارب