بسم الله الرحمن الرحيم
مشكلتي ياشباب اني والحمد لله لقيت وظيفة في منطقت الرياض بعد 4 سنوات من العطالة وانا من المنطقة الجنوبية قرب مدينة ابها طبعا عجزت القا وظيفة ثابتة تناسبني في منطقتي وانتقلت الى الرياض من اكثر من 5 اشهر عملت في اجنحة فندقية موظف استقبال لمدة شهرين ونصف ولاكن كانت الادارة سيئة من تاخر في الرواتب لمدة اكثر من نص شهر
في الشهر الاول والثاني وتسليم الرواتب باليد وانا توي بادي حياتي في الرياض فتعرفون الوضع اجار ومصاريف والخ
وكلمتهم قالو ممكن تنحل المشكلة بعد 6 شهور قصدهم تاخر الرواتب وتحويل الرواتب على حساباتنا وبحثت عن وظيفة ولقيت وظيفة في مؤسسة في الرياض سبق ان عملت معها في مشروع حكومي عرضو علي وظيفة في شؤون الموظفين براتب4000 وبعد 3 اشهر 5000 ووافق وقدمت استقالتي من الاجنحة الفندقية وذهبت للعمل معهم ولاكن المؤسسة شغتلني مندوب ومعقب وفي شؤون الموظفين طبعا كل وقتي ادور في الرياض وما وفرو لي مكتب وكمبيوتر بل انهم خلوني اداوم في مستودع الشركة وصراحة نفسيتي ضربت معد طقت الوظيفة وابي اتركها لاكن ما اقدر بسبب علي ديون اكثر من 7000 ريال بسبب الانتقال ومستاجر شقة 6 شهور قبل شهرين تقريبا وأثثتها وفواتير
ابغا رأيكم ايش اسوي بالعلم اني مانفذت طلبهم مرة وخصمو علي في الراتب انا كنت ابغا وظيفة
قريبة من منطقتي بس ماكتب الله والحين يقول مديري الشهر الجاي ببدأ احاسبك اذا ما ضبط امور الموظفين في القسم طبعا المؤسسة لها عدة فروع واقسام والقسم الي انا فية مافية احد في شؤون الموظفين الا انا حتى الموظفين مالهم ملفات يبغاني انا اسويلهم ملفات صراحة تعبت نفسيا ابغا مساعدكم هل تنصحوني اترك الوظيفة حتي السيارة امشيها 10 الاف في الشهر من كثر مشاويرهم حتى النوم ما انام تمام وهم ممكن في اي وقت يدقون علي عشان شغلة وانا للحين ماني لاقي وظيفة غيرهم بنفس راتبهم اعرف طولت عليكم بس لو طلعت الي بقلبي ماكفت السطور

كان الله في عونك


اخي الكريم

في مثل هذه الامور عليك التحلي بالصبر

ومثل ما قلت انك في بداية تكوين نفسك


اما سالفة انة الشركة وعدتك بشيء وعطتك شغلة ثانية


لابد للكل اذا جاء يوقع العقد يقرأ شنهو طبيعة عملة من خلال العقد



الله يوفقك وتلاقي شغلة ثانية

شيك على منتدي الوظائف في الرياض

راح تلاقي على وظائف كثيرة قدم عليها


والله يكتب الينا ولك كل خير

الله يسعدكم انا قاري العقد تمام ووظيفتي الوحيدة شؤون الموظفين بس المشكلة انهم ما اعطوني فرصة اقوم بعملي الاصلي واضبط امور الموظفين والحين يبغون يحاسبوني عليها طيب خلوني اتفرغ لها بس مامعنا الا الصبر وش عاد نسوي على كلام اخوي حفرآوي آتكيت وبالنسبة للوظايف المعروضة في المنتدى ما يرد لي الا اقل من واحد في المية ويعطوني كلام غير الي مذكور في المنتدى وش عاد نعمل امرنا لله واخاف اشكيهم فيستقعدون لي يكفي الي انا فية الله يرزقنا وإياكم الجنة ويرزقنا بالوظيفة الطيبة