30-06-2014, 06:40 PM
|
عضو نشيط
|
|
تاريخ التسجيل: Nov 2013
المشاركات: 144
معدل تقييم المستوى: 22
|
|
المشروع ممتاز لكن يحتاج جهد وتعب في البدايه
انا اعمل في شركة وكل فترة نستأجر شيول وفوركلفت 7 طن لكن نبهذل راعي المعدات كل شوي نتصل عليه تعال شفها خربت ويجي ويجيب سطحه ويشيلها ويصلحها خلال هالفتره ندور غيره ونستأجر عند غيره
لما يرجع يقول صلحتها نحاسبه حق اليومين ونقول توكل على الله لقينا غيرك
اضف ان الشركات راس مالها هو الوقت والوقت والوقت انا لو تعطل عندي الانتاج علشان شيول وتصليحه ياخذ 25 يوم بستأجر واحد اليوميه تقريبا 1500 او 1600
لكن استاجر منك شيول ويخرب بعد يومين او 3 بحطك بالبلاك لست لان وقتي من ذهب ماراح اعطل انتاجي علشانك
الشئ الثاني كل اصحاب المعدات يجون يحطون ارقامهم عندنا ولا نتصل الا على 3 مؤسسات
اللي معداتهم جديده واللي يجيبون المعدات بسرعه متى ما احتجتها واللي عندهم معدات متنوعه
الصيانه انت بتدفع مبلغ صيانه وانا مستأجر المعده منك هل عندك سيوله لهالشئ او لا ؟؟؟؟
لازم تشد حيلك وتلف المصانع بالصناعيه الاولى والثانيه بطريق الخرج وتنشر بروشورات وعرض اسعار على الشركات
اللي بيحتاجك بيتصل
وبالنهاية لازم يكون عندك علاقات وتعرف تكسب اصحاب المصالح علشان يفكرون فيك ويتصلون عليك مباشرة
اذا ماعندك علاقات لاتتعب عمرك
نصيحه اخيره انتبه من الشركات التأجير اللي يقولك اشتر شركتي وعقدها مع شركة فلان مدة سنة ب 150 الف وباقي عليها 5 شهور ويجددون
ترا ماتعاملوا معه الا انهم يعرفونه ولو باع الشركة اول ما يخلص العقد يصرفونك مباشرة
وهذا حصل معانا بالشركة قحطاني دخله شهريا من شركتنا فقط 117 الف شهريا
باع المؤسسة على شخص ثاني مباشرة وقفنا عنه ودورنا غيره مادري ليه بس احياننا الموضوع نفسيا
|
العرض العادي
