السلام عليكم ..

صراحه رايي اللي تخصصه حاسب فما له الا الحكومه او العسكرية لأن القطاع الخاص ما يعطي خريجين الحاسب رواتب عاليه ..

مثل خريجين كلية الهندسة ..

والشي الثاني المهندس عنده فرصه ثانيه غير الحكومه والعسكرية وهذا الشي اللي مخليني اتردد في دخول العسكرية لان اذا دخلت عسكرية تحرمني من هالشيء للأسف وهو :
انك تقدر تفتح مكتب هندسي وتشتغل لنفسك مو عند احد وارباحه خياليه بوضع البلد الحالي من مشاريع كبيره

مابه مهندسين بالحرس يتحفونا شوي :-(
نستفسر ونأخذ منهم رأي والرأي منهم مهم
مممن يشيلون كثير من التردد والخوف..وممكن العكس..

المهندسين لاهنتم اتحفونا.
او لم تعرفوا اي حد عطوني رقمه بالخاص لاهنتم
ولكم خالص دعواتي

تحليلات سليمة

الله يوفقكم يارب ويجعل المهندسين ينبقبلون ويتوفقون

ويرزقنا واياكم صالح الاعمال ويجعل من نصيبنا الحرس او الدفاع او الامنيه

صدقت لازم خبره لفتح مكتب هندسي وهي ٤ سنين وليس خمس سنين ..

لكن اذا جيت تفتحه لازم تفصل ما تكون موظف والعسكريه حسب ما سمعت اذا فصلت قبل خدمه ٨ سنين يقومون بسجنك فتره محدده وث يتم الموافقة على استقالتك ..

اللي أعرفه أن المهندس في الحرس غالباً لا يمارس كل ما تعلمه في الهندسة أنا تدربت في الحرس وأشوف عملهم إشراف ومناقصات وصيانة للمباني ولكن على كلام أحد الضباط المهندسين يقول اللي يبغى يتعلم ويمارس الهندسة لا يعمل في وظيفة مكتبية مثل الحرس وهذا ليس عيب في الحرس بقدر أنه يعتمد على الشخص وش يبغى يشتغل

ياخوفي هالفترة الواسطات تلعب

الله يوفق الجميع

هذي ما فيها شك ومتاكد منها ١٠٠٪ خصوصا بالحرس للاسف

السلام عليكم ورحمتة الله وبركاتة

انا خريج حاسب الي تخصص (نظم المعلومات)

قدمت على كلية الملك فهد الامنية والحرس الوطني

بالنسبة للحرس الوطني كلموني سلاح الاشارة (الحرب الالكترونية) وسويت اختبار ومقابلة شخصية وبعدها طلعت مبدئي وسويت الفحص الطبي واللياقة وان شاء الله اموري زينة عندي استفسارين.
1:مالافضل الحرس الوطني او كلية الملك فهد الامنية.
2:ابي مميزات بعد التخرج من الدورة العسكرية من كلية الملك خالد العسكرية.
3:انا خطة دراستي اربع سنوات ونص هل استحق ملازم اقديمة سنه او ملازم اول.
4:هل يوجد فيها دورات واكمال الدراسة بقطاع الحرب الالكترونية.

شاكر لكم اتمنى افادتي يارجال الخير ..