انا اتصلوا علي شركة فيديكس للشحن الجوي السريع من الرياض لاني راسل لهم السي في عن طريق الايميل الموجود في هذا المنتدى وقالي المدير ان عندي مقابله يوم الاثنين طبعا الاتصال كان يوم السبت وقال لي من وين قلت له الشرقيه قالي مقابلتك في المركز الرئيسي بالخبر وانا راح اجي من الرياض للخبر وبقابلك ، المهم رحت وشفت 4 برضه بسووا مقابله جا دوري ودخلت وشفت المدير السعودي ومعه مدير هندي الظاهر انه اعلى منه منصب لانه هو اللي يسالني دائما كلمني بالانجليزي والحمدلله استرسلت وتكلمت يعني عندي معرفه مبدئيه بالانجليزي وقالي الوظيفه مراسل في البنك قلت له كيف قالي مشروع بينا وبين البنك وانت راح تكون مراسل ودوامك راح يكون في البنك ، قالي الراتب 2300 ويخصم منه تامينات اجتماعيه وتامين طبي قلت له وش يسوي لي هذا الراتب مع هالغلا وانا ماني من مدينة الخبر يعني بستاجر غرفه ومواصلات قالي الود ودي اعطيك عشرة الاف بس ماقدر المهم فيه موظف ثالث كان جالس معنا وهو اللي يدخلنا للمقابله بس مادري وشو بالضبط مادري فراش ولا وشوا قالي بعد ما طلعت هالراتب مايشحن لك بنزين قلت له اي والله وش اسوي . ماطول عليكم انا انفجعت يوم قالي هالراتب لان الشركة عالميه وكبيره بس رواتبها كذا ليه مادري ؟؟؟؟
قالي فكر ورد علينا المهم انا مابفكر لان الراتب بيطلع علي رادي وش ادفع لسكن ولا مواصلات ولا اكل . المهم بسحب عليهم يا انهم يعطوني راتب زي الناس ولا يدوروا لهم اجنبي يعطوه 4000 مع توفير سكن ومواصلات ( مطبوخه الشغله ) لا حسيب ولا رقيب . حسبنا الله ونعم الوكيل . ارجو الرد

انا رحت اليوم نفس الكلام


ياشباب والله العظيم انهم قاموا يعرفون سلم رواتب الخاص للسعوديين ويبون التوفير

ولا فروعهم بالدول الاخرى اكيد ماتقل عن 7000ريال

هذي شركة كبيرة عيب والله عليهم


بس تكفون لاحد يوافق عليهم خل يرفعون رواتبهم بالاول

مشكور

الله يعينكم ويووفقكم بأحلى منهااا


والرزق عند اللي ماتنام عينه


,,


وعسى ان تكرهو شيأ وهو خير لكم

الله يعطيك العافيه عاد الحين انت جربت ما ينفع لو افجر عاد انا متحري الزله عليهم حارس امن راتبة 2700 وهذي عالميه و 2300 والله لو بنقالي اعطووه بس يالله ( بوم شكي واوا )

انا رايي انك تقبل وتمشي حالك احسسن من لا شي واذا ليقت احسن منها اسحب عليهم وقبل لا تسحب عليهم طلع اللي في قلبك عليهم
والله يوفقك