السلام عليكم
لو سويت الفحص الطبي بالشرقية عااادي ولا كيف ؟؟؟؟ ، تعييني بنجران

طيب اخوي زهران الزهراني

بسالك هل يخبرونا بعد المقابلة وين تعينت فيه يعني في اي محافظة

أو بعد العيد وكيف اعرف مكان تعييي

وبالنسبة للمقابلة هل يخبرونا في نفس اللحظة أني أجتزت المقابلة

أو أتابعها على موقع تكامل

وجزاك الله خير على مساعدتك لزملائك الجدد

علوم ابتدائي

بالنسبة للفحص الطبي انا عايش بجدة وكنت بسويه
في جدة وخفت يرفضونه وطلعت الباحة وقلت
خليني اسوي احتياط سويته وماطلعت النتايج ورحت
نجران وللامانه تعاملهم في المقابله جداً منظم
وراقي اهم شي خذ معك قلم وبيرسلون لك رسالة
رابط فيه موقع المدرسة علی قوقل ارث اول ماتخش مدرسة
العريسه بحي العريسه هي كبيره بجيك علی يدك اليسار
صالة رياضية كبيره فيها حول الف كرسي وطاولة
علی كل طاولة ملف اخضر فيها اوراق تعبي فيها
البيانات اللي طالبين وترفق فيها صورك ويطعونك دباسه تدبس
ويعطونك خرامه هههههههههه تخرم ي ذيب وتحط صوره من هويتك
وصورة من رقم حسابك عشان راتبك وتعبي باقي بياناتك وطبعاً
فيه يمكن 15 شخص واقف يفر بين الشباب المعلمين
الجدد يساعدونهم وتسالهم اذا احتجت لهم وبعد ماتخلص يقولون معك
الكشف الطبي؟؟ اذا معك ارفقه فالملف مامعك يقولون لك تبي تسوي هنا؟؟
قلت ايه يرسلونك علی مستشفی معين قلت لا يقولون خذ ملفك كامل الأخضر العلاقي
وارفق فيه صورة الكشف الطبي وارسله بالبريد الممتاز واكتب عليه
ادارة التربية والتعليم / شؤون الموظفين / معلم جديد
وخلال يومين يوصل طبعاً انا ارسلته بالبريد الممتاز
بعد مارجعت الباحة .


طبعاً في نفس يوم المقابله بعد مايعطونك الملف يقولون لك
خش الكنترول طابق اوراقك شهادتك وسجلك الاكاديمي
تخش 3 دقايق يطقطون عليك شوي وعلومك ومن وين جاي
ومن هالامور وبعد ماتطابق بياناتك يقلك خش للمقابله
بتخش ساحة المدرسه الداخليه وكل لجنة لمادة تلقاها
في فصل من الفصول وكل فصل فيه اثنين جالسين
علی طاولة طالب وقدامهم كرسيين ويبدأ الضغط
علی حامل الكرة هههههههههههههه يطقطقون عليك شوي
اهم شي شعرك لايكون اطول من الازم وخلك بشوش
وجدي ومتكشخ واذا احد قلك ( ماجور ) الجواب
تلقائي ( الله يعافيك ) ههههههههههه بعد ماتطلع
من اللجنة يعني 10 دقايق ربع ساعه بتلقی النتيجه
تخش علی موقع تكامل وبتلقی مكتوب مجتاز
او غير مجتاز وبتلقی الحضور حاضر او غير حاضر
وبتلقی خانة الكشف الطبي فاضيه لين تسلمهم الكشف
وبعد العيد تلقی المنطقه وين حطوك طبعاً اذا سويت فيها
يعنني وجاوبت علی كل الاسئلة حطوك في ثانوي واذا يعني
تمشي الحال متوسط واذا الله بلخير ابتدائي وخلك الله بلخير
احسن لك ههههههههههههههه طبعاً فيه ناس بتقول انا كتبولي
متوسط انا كتبولي ثانوي ماهو شرط علی حسب الاحتياج
بس وللامانه يعني تعاملهم جميل وجيد وراقي وبالتوفيق للجميع

طبعاً حي العريسة ماهو بعيد عن المطار اللي يبي يجي طيارة عادي يحجز
مطار نجران جداً جميل فيه 3 رحلات يومية
الدمام 3 رحلات
جدة 3 رحلات
الرياض 3 رحلات

واول ماتطلع وان مامعك سيارة قلهم ابي حي
العريسة ويودونك فيه فندق في حي العريسة قريب
من المدرسة اسمه ارمادا نجران فيه واحد مصري
في الاستقبال اسمه محمود ان ماخاب ظني
الفندق نظام فندقي ومريح جداً الغرفة ب 120 ريال لليوم
وفيه بالساعة اظن ب 20 وفيه حلاق اسمه سمير هههههههه
حلاقته ممتازه ومقابل للفندق فرع بنك راجحي
وعلی يسار الفندق فالشارع المقابل بتكون المدرسه بس يبيلها سيارة
ماهي بعيده ولاهي قريبه

أهلا وسهلاً مثل ما قال لك الزهراني لكن خباش والحصينة بعض المدارس فيها حلوة

السلام عليكم في البداية اشكر العضو زهران الزهراني على رحابة صدره وإجاباته لي وللزملائي المرشحين للنجران فشكرا لك ياأخي الزهراني كنت متخوف من المقابلة والله يعطيكم العافية بالنسبة لإحبتي في نجران هذا الترتيب للمناطق نجران وقد أعطانيه شخص من أهل نجران يامي بيض الله وجهه ومن يسمع لكن تعليم نجران لحد الآن لم تعلن شيء حول موعد بالرغم اعلان اغلب مناطق التعليم في المملكة على الإعلان وكل ادارةتعليمية حددت تاريخ 17 رمضان إلى 20 رمضان يعني الأسبوع القادم إلا نجران لم تحدد الموعد والله يوفق الجميع

بدر جنوب وعاكفه نجران تماني يدمه ثار شروره خرخير بس هذه غير مرتبة لكن هي قريبه من بعض والله يوفق الجميع وترى لاأعلم هل مناطق بعيده عن بعض او قريبه الله أعلم لكن هذا ماوصلني وعليكم الإجتهاد أنتم وشكرا

وعليكم السلام ورحمة الله

ينقل للقسم المناسب