ماذا بعد تسجيل في جداره..؟ أفيدوني

دحدوح العتيبي · #1 (**permalink**) 09-07-2014, 06:45 PM

السلام عليكم

كل عام والجميع بخير

أخواني / أخواتي

انا جديد في برنامج جداره ..سويت الخطوات وسجلت فيه

الحين فيه أشياء أسويها ولا خلاص سويت اللي على..؟
أنتظر يرسلون لي ع جوال أو أيميلي
ولا أدخل موقعهم وأشيك
وش سوات.....؟

في راسي استفسارات كثيره و ياليت تفيدوني ي جماعه

دحدوح العتيبي · #2 (**permalink**) 09-07-2014, 08:01 PM

....؟؟؟؟

احمد الجهيني · #3 (**permalink**) 09-07-2014, 10:22 PM

ياهلا بالغالي ابشر بالي يسعدك

ان شاء الله اقدر افيدك

شوف يالغالي
مادام انت سجلت في جدارة بس تاكد بان المعلومات صحيحة ومطابقة
وتاكد ان المعلومات مطابقة الوثيقة تاكد ياخوي اذا في غلط تحرم من الوظيفة

طيب اذا معلوماتك صحيحة

وخلصت تسجيل انتظر حتى يدققوا بياناتك
وسوف يرسلون لك على الايميل

وادخل جدارة وشوف اذا مكتوب
تم الانتهاء من اجراءات التدقيق و التوثيق

اوك خلاص تمام

وانتظر حتى يعلنوا ظائف

بس عندي سؤال هل اجتزت القياس

اذا كانت الاجابة نعم

ادخل جدارة لان في تسجيل للوظائف التعليمية

وقدم

لكن لا ادري وش تخصصك
لانهم طالبين تخصصات محدودة

انت ادخل جدارة وانزل تحت
تجد خانة ارغب بالتقديم على الوظائف التعليمية
اختارها
اذا ظهرت لك وظائف حلو
انت رتب الرغبات واختر الي يناسبك

بس نصيحة يالغالي اختر جميع الرغبات
حتى تظمن تتوظف

واذا خلصت اطلع من جدارة
بس اهم شيء عدل في وقت الاعلان

واذا خلص موعد الاعلان لاتعدل اي شيء

وانتظر ينزلوا الاسماء

وانت تابع المنتدى وان شاء الله يفيدوك الاخوة و الاخوات باي استفسار

اما اذا انت راسب بالقياس

انتظر شهر 11 يبدأ التقديم على الوظائف الادارية
يعلنوا عنها في يوم 10 شهر 11

ولكن يوجد اختبار مهني لبعض التخصصات
والخدمة المدنية تنزل اسماء من راح يختبر
فاذا اسمك معاهم يلزمك تختبر
واذا اسمك مانزل لا يلزمك اي اختبار

بالتوفيق عزيزي
اذا اردت شيء ابشر يالغالي

دعوة بظهر الغيب تكفيني
ودعواتك لي بالوظيفة

دحدوح العتيبي · #4 (**permalink**) 10-07-2014, 04:05 AM

^^

الله يسعدك أخوي ويرزقكك الوظيفة ويرزقنا ي رب

توني دخلت جداره
طلع لي حاله غير مكتمل
[ نسخة الدرجة العلمية غير مقبولة يجب اعادة ارفاق نسخة جديدة ( الرجاء إعادة إرسال المؤهل العلمي و ما يثبت تاريخ التخرج) ]

طريقتي أصور الوثيقة والبطاقة هويه مع بعض عن طريقة الجوال وأحطها في لاب توب وأرسلها ..!

شكلها غلط صح..؟

ولسى م أختبرت القياس وأيش هي الوظائف شهادتي دبلوم [ كلية تقنيه ]

وش سوات مع أرفاق الوثيقة ..؟

ابن الاديب · #5 (**permalink**) 10-07-2014, 05:31 AM

^^

الموقع يبيها تسوي للوثيقة سكآن عن طريق السكنر و تخلي صيغة الوثيقة pdf و يكون حجمها أقل من 400 كيلو بآيت , إذا مآتعرف للطريقة روح للمكتبة يسويها لك .

و يوجد هنآ بالمنتدي طريقة عن طريق الجوآل تلاقيها في المواضيع المثبته , بس آنا افضٌل إنك تروح للمكتبة .

تنبية : في الموقع مكتوب إذا تم الرفض بعد التدقيق يجب عليك تعديل الطلب في مدة اقصاها 48 ساعة .

الله يوفقك , آتمنى آكون افدتك .

نمر السروات · #6 (**permalink**) 10-07-2014, 06:45 AM

السلام عليكم ورحمة الله وبركاتة

الآن انا اضفت الرغبات وتم التقديم
هل استطيع الدخول مرة أخرى وزيادة الرغبات أم لا يمكن؟

عاطل مصفر · #7 (**permalink**) 10-07-2014, 09:21 AM

الله يوفق الجميع. .

لا إله إلا أنت سبحانك إني كنت من الظالمين

احمد الجهيني · #8 (**permalink**) 10-07-2014, 05:37 PM

دحدوح

ماقصر ابن الاديب

الله يوفقه ويسعده اعطاك الطريقة

الله يسعدك ويسعده

بالتوفيق

احمد الجهيني · #9 (**permalink**) 10-07-2014, 05:43 PM

نمر السروات

اكيد يالغالي تستطيع الدخول وزيادة الرغبات

لكن يسمح لك زيادة الرغبات في وقت التسجيل
في التاريخ المحدد الذي حددته وزارة الخدمة المدنية

لكن اذا انتهى التاريخ المحدد لايسمح لك التعديل
لانك اذا عدلت بعد انقضاء التاريخ المحدد يمكن تحرم من الوظيفة

دمت بود يالغالي