السلام عليكم ,و شهر خير للكل .

حبايب قلبي , قبل فترة طرحت موضوع عن مشكلتي , والحين مشكلتي ي ااخوان جهة العمل اللي فصلوني منها طالبين مني مبلغ وقدره عشان يعطوني اخلاء طرف , علماا اانا طالب جامعي ادرس الحين , بس ظروفي ماتسمح ادرس شيء يقهر ي نااس عشان اوضح لكم مشكلتي ؟



جهة العمل فصلوني عشان حاجة ماتسوى يوم جيت ابي اخلاء طرف قالو رجع فلوسنا (رواتبنا ) لكن الغريب ي ناس ذلوني ذل ,صح اللي انا فيه شيء كبير لكن ذلوني طلعو عللي كلام عند جهة عملي كل الموظفين يدرون بمشكلتي , الغريب اانهم بعد ماذلوني وانطقيت بالبيت وتحطمت معنوياتي وتركت اختبارات الجامعة الترم اللي راح قالو لي في امل نرجعك لكن تجيب اثبات وادلة ليش غبت 22 يوم مع تقديم الأسباب


اهلي يقولون ارجع , لها وانا ي ناس كرهتها مو معقولة اعيش حياتي ب وظيفة سمعتي فيها تعبانة من كل ناحية ( شوهو سمعتي بالدوام بشكل ما تصدقونه )


ونرجع لمشكلة ثانية لما قلت ل اهلي ادفعو رواتبهم وانا بتوظف وبكمل جامعة قالو ما نقدر , شيء يقهر ي ناس حلمي ادرس واتعلم ودرجاتي ومعدلي عالي ولله الحمد بس ليش التحطيم كل حلمي اللي بنيته يضيع انا كملت اربع سنوات بالجامعة مو معقولة اجلس بالبيت



اللي ابيه ي نااس شلون احل مشكلتي لي اكثر من ست شهور بالبيت , اللي يعرف وظيفة بدون تامينات يدلني تكفون ,




اذا فيه احد كبير وفاهم اكلمه جوال يعلمني وش اسوي كيف احل مشكلتي , والله وصلت مرحلة معرف افكر , جلست البيت شينة ي ناس وشلون اقنع اهلي يوظفوني اابوي شايل يده ولا يكلمن ولا يبيني ااتوظف شيء يقهر والله : (

عليكم السلام ورحمه الله وبركاته


اخوي عندك عقد الشركة؟؟ وشي بنوده ؟؟

كون انك ما التزمت بالعقد مو معناتها انهم يعلقونك بالتأمينات ، لا ، فقط خيارهم انهم ما يعطونك شهادة الخبره.

روح لتأمينات وشيلهم من رقم سجلك المدني

دقيقة

شالسالفة تراك ما وضحت شي

انت موظف ويوم جيت تستقيل قالولك ادفع رواتبنا اللي اعطيناك ؟؟

يعني يبونك الفترة اللي راحت يكون شغلك بلاش !!!!

لا ياحبيبي مو على كيفهم والبلد فيها نظام ماهي سايبة

بس ياليت تذكرلنا تفاصيل عشان نقدر نفهم ايش موضووعك

لا لا موب كيذا السالفة ,معليش ماوضحت المشكلة بالضبط

عشان تعرفون وتعلموني وش حقوقي او ااي شيء

انا درست جامعة عن طريق جهة العمل ( وهي حكومية ما احب اذكرها )يعني قدمت اوراقي وقبلوني وهمن درسوني 4 سنوات وصارت لي ظروف شينة وتغيبت 22 يوم رفعو اوراقي الجامعة اللي انا فيها للجهة اللي تدرسني ( طبعا يسمى ابتعاث داخليا وتعتبر موظف وهي جهة حكومية ) بس يعاملوني على اني موظف بالحياة حتى اسمي بالجامعة موظف


عندي مشكلة بايصال المعلومة لكن ي ناااس والله اني منطق بالبيت ومعلق طول حياتي لا اقدر اشتغل ولا ادرس ولا شيئ كل هذا عشان لازم اشيل اسمي منهم ولازم خطاب منهم عشان اشيل اسمي وما اقدر الا لما ادفع رواتبهم


والبلا ي ناس باقي شهر على الجامعة ومسجليني موظف وما اقدر احذف ترم راح يطيح معدلي االلي تعبت فيه
اقسم بالله ما اتوقع مشكلتي في احد زيهاا عجزت ااشوف لها حل


لدرجة اهلي مايبون اتوظف يقولون خايفين عليك وش ذا عشان خوف ااني ااطلع وروح واجي م اشتغل ,انا اللي فيه موب مصدقه وربي

رح لوزاره العمل وادلب مقابله مع المستشار القانوني عندهم

لما تروح خذ نسخه من العقد

ما عندي عقد ي نااس وغير كيذا ، والله ما اعرف ايش وزارة العمل ): مشكورين على مروركم بنتاظر اي احد يفيدني

روحي التامينات الاجتماعيه وخليهم يلغون اسمك من التامينآآت

روح لهم خلهم يلغون اسمك من التامينآآت وريح راسك

ولاتعطيهم شـي انت اشتغلت عندهم ماعطوك راتب وانت جالس بالبيت علشان ترده لهم

ولا روح مكتب العمل واشتك عليهم بالي صاار معك رآح تاخذ حقك غصصصبن عنهم