انا خريج جامعة سلمان بن عبد العزيز بالخرج بكالريوس فيزياء نجحت بالقياس ولله الحمد ورحت للخدمة المدنية استفسر عن مؤهلي وقالوا لي بناءاً على تصنيف التعليم العالي انت تربوي وقدمت على جدارة وطلع اسمي من المرشحين للوظايف وطابقت المطابقة النهائيه وطلع تعييني بالمجمعه رحت للمقابلة واموري سليمه بعد المقابلة بيوم اتصلوا علي التربية بالمجمعه قالوا ارسل الدبلوم التربوي قلت مؤهلي تربوي قالوا خلاص وبعدها بيوم حصلتهم كاتبين لي بموقع تكامل ب خانة مطابقة البيانات ( لا ) جيتهم اليوم ولاحصلت المدير ولانائبه مداومين ولايردون على جوالاتهم وبعد صلاة المغرب اتصل علي نائب المدير وقالي انك غير تربوي رح هات سجل اكاديمي فيه مواد تربويه وتدريب ميداني قلت ان الشهادة مصنفة من التعليم العالي ومدققين الخدمة المدنية وقالوا اني تربوي قال رح للوزارة وقل لهم الكلام هذا. علماً بأن زملائي الي تخرجوا العام الماضي يحملون نفس المؤهل تعينوا تربوي
واذا كنت غير تربوي مايمديني اقدم على المرحلة الثانية لانه انتهى امس

طيب جيب لهم السجل الاكاديمي موضح فيه المواد التربوية والتدريب الميداني

وكلمهم ثاني قول انا الخدمة المدنية رشحتني ودققت في اوراقي مرتين ويعرفون ان مؤهلي تربوي

و الله يسر امورك

أولاً: صعب تقارن وضعك بزملائك لأن الوزارة كل سنة لها قرارات وشروط جديدة
ثانياً: هل طبقت في مدرسة تدريب ميداني كمتطلب تربوي قبل التخرج ودرست مواد ترمز ب ( ترب ) ؟
إذا كان نعم ، ليش ماتقدم السجل الاكاديمي لنفس الإدارة أو النائب اللي كلمته ويحل المشكلة بدل مراجعة الوزارة وتضييع الفرصة بالتساؤلات.

الله ييسر أمرك ويفرجها عليك

طيب جيب لهم سجلك الأكاديمي. إذا عندك نسخة منه صورة وارسل لهم على الفاكس أو نسخة الكترونية على ايميلاتهم.


الله يوفقك.

جامعة سلمان تخرج فيزياء من كلية العلوم وكلية العلوم غير تربوية وكلية التربية لا يوجد بها تخصص فيزياء

جب لهم السجل المدني ولاتسكت عن حقك
واشتكيهم لان هذا استبعاد بدون حق
وانت مطابق من الخدمه المدنيه هو وش دخله

الله يعينك حاول تثبت لهم وربي يوفقك

هل سجلك الاكاديمي فيه مواد تربويه ؟
هل تدربت ميداني بالمدارس وموجود بسجلك الاكاديمي ماده تربيه ميدانيه ؟
اذا كانت هذي المواد موجوده في سجلك ف انت تربوي
.....

طيب لو اﻷشياء هذي مش موجودة بسجله اﻷكاديمي يبقى الغلط مو غلطك
غلط اللي صنف شهادتك انها تربوية وغلط اللي طابق البيانات

ارجع لهم وخذ منهم اوراق تثبت وتقر ان الوزارة راضية فيك كتربوي
واساسا المفروض اللي في المجمعة ما عليهم من امور المطابقة عليهم من المقابلة بس
الله ييسر امرك ويكتب لك الخيرة