لخبراء التجارة الالكترونية وتجار وتاجرات الانترنت
السلام عليكم
اول شي شوفوا موضوعي السابق على الرابط التالي https://www.btalah.com/t577706.html واحب اشكر كل اللي تواصلوا معي عن طريق الردود على الموضوع والرسائل الخاصة واللي كلموني على الجوال واللي ارسلوا رسائل اس ام اس واللي راسلوني واتساب . وفيه أشخاص فعلا كانوا مميزين واعطوني افكار حلوة وتواصلوا معي بكل الوسائل احب اشكرهم من القلب . اما الجديد في الموضوع هو ان الفكرة سويتها وخلصت السجل التجاري والختم والاوراق الرسمية وخلصت من السكربت وخلصت من الاستضافة والدومين وخلصت من الناقل ( الشحن ) وتواصلوا معي تجار وتاجرات بيدخلون السوق ببضاعتهم . باقي الحين بس ترتيب اسماء البضائع وباقي شهادة الامان ssl وباقي التوثيق السعودي بعد الرابط ( sa ). مواصفات السوق 1- البيع مجاني بدون رسوم . 2- البيع لجميع البضائع الرقمية والعينية . 3- خيارات الدفع للتاجر ( 1-باي بال 2- الدفع عند التسليم 3- حوالة بنكية مع نموذج مثبت لكل تاجر به بيانات التحويل كاملة ) يعني يختار اللي يناسبة ولو يبي الثلاث خيارات كلهم . 4- الموقع يوجد به فقط 5 بنرات دعائية 3 بخليهم للايجار و2 دعم للتجار الصغار او المتعثرين بالتجارة . 5- الموقع يدعم الدخول عن طريق الفيسبوك وتويتر وانستقرام ويدعم الاعجاب ونشر الروابط . 6- الموقع يعطي التاجر خيارات لعرض بضاعته بمجمل 5 صور وفيديو واحد للبضاعة . 7- يوجد تقييم للتجار والمشترين ويوجد خانة للتعليقات ويوجد ايضا خانة خاصة بين التاجر والمشتري للتفاوض على السعر او الكميات او طريقة الدفع او الشحن . 8- شركة الشحن شركة واحدة تم التفاوض معها على سعر منخفض والعقد ليس حصري يعني يحق لأي تاجر الشحن بأي شركة او وسيلة يختار . 9- نظرا لأن الباي بال مفتوح للجميع فهو مايدعم الريال السعودي ولكنة يدعم عملات من ضمنها الدولار ولان الموقع يقبل تعدد العملات وتحويلها لعملة الشخص حسب اختياره فلذلك اضطريت اني اخلي الدولار هو عملة البيع للتاجر مع تثبيت سعره على 3.75 والمشتري لايظهر له الا الريال السعودي بالموقع ولوجود دول الخليج من ضمن السوق فكل شخص منهم تطلع له عملة بلده طبعا دول الخليج كل واحد يبيع بدولته الا اللي له القدرة على تسويق وشحن بضاعته لدول اخرى . ايضا راح يكون في الموقع صورة لقيمة جميع العملات بالدولار لمساعدة بعض التجار اللي مايعرفون كيف يحسبون الدولا مع ان اغلب التجار شارب الدولار شرب . 10- الموقع فوق ماهو موقع تسويق هو موقع تواصل اجتماعي يحتوي على فلو وانفلو واعجاب بالضاعة واعجاب بالمتاجر ويحتوي على محادثة مستقلة بنفس الموقع ويحتوي على مدونة بنفس الموقع . 11- يوجد محاسب + مبرمج + 2 دعم وتسويق + مدير السوق . وان شاء الله اذا توسع السوق ومشى حالة بيزود طاقم العمل وللمعلومية نصهم يعمل عن بعد وبعقود رسمية ويباشرون العمل ب7 شوال . طبعا مع امكانية فسخ العقد من الطرفين . راح يكون استقبال التجار والتاجرات من 7 شوال ولمدة اسبوع ثم بعده تبدأ خطة شهر الموقع واستقطاب المشترين . عاد اللي عنده ملاحظات واراء ومقترحات لايبخل علي تراني تنورت بمقترحاتكم الاولى واحتاج الثانية أكثر من الاولى . يسدح رده هنا او على الخاص او على الجوال (0530383033 ) مكالمة او sms او واتساب . واللي عنده معارضة او ملاحظات قوية يحاول يجيبها تدريجيا لايجيبها دفعة وحدة ترى قلبي معورني ودافع دم قلبي على المشروع واقسم بالله اني افكر بالنجاح وفتح المجال اكثر من الكسب المالي . انتظركم ياجعلي ماخلى منكم :b |
الله يوفقكم ويسهل امركم امين
|
اقتباس:
|
[align=center]بالتوفيق[/align]
|
شوف اذ با تعتمد مشروعك على افكار الناس مو كويس موقع تسوق بالفيديو والصور الموقع ذا شغال حاليا
اسمه سوق تيوب وهو مخصص للبيع والشراء بالفيديو والصور وحاليا تحت التجربه وسبق صاحب الفكره انه قدم فكرة المشروع هنا في بطاله www.****tube.com وهو الموقع والوحيد والاول في الشرق الاوسط سبق بتقديم خدمة الفيديو لتسويق وتعتبر فكرة الموقع : سوق تيوب |
ما شاء الله عليك الله يبارك لك
فيه نقطة يفترض الانتباه لها وهو تقييم التاجر وسلعته يفترض ألا تتاح إلا لمن اشترى منه فقط حتى لا يظلم التاجر بآراء الفوضوين وحتى المنافسين |
[align=center]
الله يوفقك .. مشروع رائع وجهود اروع ما شاء الله .. اشدد حرصي على حفظ البيانات بأفضل طريقة واخذ احتياطي على الديتابيس يوميا بشكل منفصل وحفظه ستحتاجه حتما لا قدر الله لي ظرف حتى تقوم بارجاع كل المعلومات إلي أخر يوم تمت فيه عملية الـ Backup . الشيء الثاني هي تأمين وسيلة الاتصال بين العميل والسيرفر او قناة الاتصال عن طريق شهادات SSL تكون موثوقة ومن جهة اخرى تكون من شركة مشهورة . حاول تشتري الشهادات لفترات طويلة مثلا ثلاث او خمس سنين . لو قدرت تخلي موقعك تحت sa راح تكون نقطة قوة . مثلا www.btalahsoog.com.sa حتى مستقبلا ممكن تحجز نطاقات اخرى مثلا للبحرين www.btalahsoog.com.bh وللامارات www.btalahsoog.ae الخ كل التفاصيل اللي ذكرتها رائعة جدا وتعبر عن خصوبة فكرك وانك حقا اشتغلت صح ومن القلب . اسأل الله لك التوفيق . [/align] |
السلام عليكم
ما شاء الله تبارك الله ، شغل منظم وراقي ، المهم الموقع لازم يكون سهل وبسيط ، ابتعد عن التعقيدات ، لو الموقع معقد راح تكون عندك نسبة pounce rate اي معدل الخروج من الموقع بسرعة عالية جدا ،، الزبون يحتاج عشر ثوان ليستمر في الموقع او يخرج ، لو شاف فيه تعقيد سيخرج مباشرة. انا اشتغل الان على موقع تجاري الكتروني ، سؤالي الله يوفقك : ماهو نوع النشاط الذي وضعته في السجل وهل واجهت تعقيدات ؟ وما هو المطلوب |
اقتباس:
بس اشوفك مركز على الفيديو كثير من خلال ردين على الموضوع . ترى الشركة الاجنبية الي اخذت منها السكربت متخصصة بالاسواق الالكترونية يعني عندها خدمة التسويق بعرض الصور والفيديو من قبل عام 2000م . |
اقتباس:
فعلا اخي الكريم انا من اولوياتي وقبل افتح السوق اني اسوي خدمة الامان او التشفير ssl وايضا الامتداد السعودي باخر النطاق sa |
اقتباس:
بالنسبة للبساطة فــ ان شاء الله انه ابسط من البسيط من ناحية التسجيل او البيع او الشراء . اما بالنسبة لنوع السجل والتعقيدات فأنا حصل لي تعقيد لانه اول سجل الكتروني من المحافظة اللي انا فيها وماكانوا عارفين الموظفين كيف يتعاملوا مع الموضوع وقالوا تعال بكرة ولما جيتهم من بكرة لقيت الامور عال العال ... واما نوع النشاط ( مؤسسة ***** الرقمية التجارية ) حط مكان النجمات اي اسم تبغى . |
شكرا يا بطل
النشاط مثلا : احط تسويق الكتروني ؟ الله يوفقك |
اقتباس:
تحط : ( تسويق الكتروني) واي نشاط اخر تضيفه ياخذون عليه 100 ريال مثلا النشاط : تسويق الكتروني واستضافة ياخذون عليك زيادة 100 ريال حق الاستضافة . |
معذور ومشكور الله يوفقك
|
الله يوفقك فكره حلوه
|
اقتباس:
جزاك الله خير يازرقاء اليمامة |
اقتباس:
|
اولا كل عام وانت طيب
صراحة ارفع لك القبعة على الطريقه البريطانية واادعي لك ان الله يوفقك وييسير لك وان شاء الله نحتفل معك بالنجاح بعد بره من الزمن ولدينا شويت اقتراحات أولاً لابد ان العميل (الزبون) لا بد ان يحس بالامان كي يثق في التعامل وهذا لابد في اول تعامل وبعد ان يأخذ انطباع حسن راح يكون هو اكبر مسوق بغض النظر عن اي دعائيه ثانياً يكون هناك خط ساخن اتصال +دردشة عن طريق الموقع ثالثاً التواصل معا العميل بعد تأكيد عملية الشراء وبعد وصول الشحنة لكي يحس بالمتابعة والخصوصية مهمه جدا والله يوفقك ويطرح لك البركه كن مع الله يكن معك وراقب الله في كل تعاملاتك |
ششي جميييل يعطيك العافيه
|
اقتباس:
الله يعطيك العافية على الاقتراحات انا راح اخلي المشتري والبائع بأي لحظة يبون الدعم يلقونه وبالطريقة اللي تعجب المشتري والبائع والاسهل لهم وراح اوفر جميع طرق التواصل ان شاء الله . |
ماشاء الله تبارك الرحمن
اسال الله ان ييسر لك امرك ويفتح عليك مشروع وفكره جدا رائعه انا تاجره وان شاء الله يكون لنا متجر بموقعك |
اقتباس:
الله يجزاك خير وحياك الله عند افتتاح السوق وان شاء الله يكون باب رزق للجميع |
ماشالله تبارك الله الله يقويك وااذا محتاااج دعم فني مايردك الا الخاص
|
فكرة المشروع جميلة ومن افضل المشاريع لكن عندي استفسار بسيط وهو مادام البيع مجانا والشراء مجانا فما هو دخلك من هالمشروع غير الاعلانات ؟؟؟
|
اتمنى تكتب موضوع عن الموقع اذا فتح ولا تنسى الجانب القانوني للمشروع شوف لك محامي فاهم
والله يوفقك ويرزقك |
ما شاء الله مشروع ناجح باذن الله اذا تم توفير بعض الشروط الاساسية و اللازمة لخدمة العميل و كسب ثقته وبحكم انني تاجرة و بائعة في سوق كوم فاتمنى ان يكون موقعك منافس و ان تتجنب بقدر المستطاع المشاكل التي تسبب نفور التاجر و العميل و فقدانهم الثقة بالموقع و يشرفني الانضمام الى موقعكم و المساهمة في نجاحه باذن الله
|
السلام عليكم
ما شاء الله
الله يقويك ويباركلك الآن الفكرة أصبحت واقع وخرجت من مخزن الأفكار الضائعة وهذه أولى خطوات النجاح بإذن الله سبق وراسلتك وعرضت عليك التعاون وخبرتي أكثر من 10 سنوات في التجارة الإلكترونية من مجال تعاملي كذلك لدي علاقات مميزة مع تجار وتاجرات وبعضهم في الصين وسأحرص على دعوتهم للاستفادة من الموقع إن شاء الله من أسباب النجاح: اختيار اسم مميز ومختصر ودومين سهل الحفظ والكتابة. وأقترح بحكم تخصصي أن يكون هناك قسم مخصص للوساطة وهي تقديم خدمة الشراء بالتوكيل من المواقع العالمية وكذلك يكون للوسيط تقييم من ناحية الموثوقية والخدمة والمميزات التي يقدمها للعملاء أرجو أن تقبلني عضواً معك في المشروع ولو أحببت المشاركة المادية فلا مانع لدي للتواصل عبر الخاص أو الواتس أب 0017314389119 |
أشكر الجميع على التفاعل والمساعدة .
فعلا الرسائل والاتصالات اللي وصلتني كثيرة والافكار اللي وصلتني اكثر وفيه ناس مميزين جدا واصحاب خبرة واعطوني افكار ماكانت على بالي ومافكرت فيها ابداً وماقدرت اتواصل معهم لاني كنت اخذ الافكار واحاول اسابق الوقت في تحويلها لواقع . وبرضوا انتظر اي رأي او مشورة . انا كنت مقرر انطلاق الموقع في 7 شوال ولكن بعد آراء الاخوان والاخوات بيصير فيه تعديلات على الموقع تخدم المشتري والبائع وتساهم في انجاح الموقع وسوف تستغرق وقت مايقارب الى اسبوعين تنقص او تزيد ولكنها ان شاء الله سوف تكون تعديلات مميزة جدا واشكر كل من تواصل معي . واتمنى من جميع من لم استطع التواصل معه ان يعذرني لنسياني ولكثرة الرسائل . |
اقتباس:
|
سبحان الله وبحمده
|
اقتباس:
|
اقتباس:
|
ماشاء الله تبارك الله
فكرة ممتازة وبداية ممتازه المدير التنفيذي لسوق كوم صديقي لما فتحوا سوق كوم بالسعودية كان يطلع باليوم 3 طلبيات فقط الى 15 طلبيه وماكان عندهم مستودع لعدم وجود بضائع الآن ماشاء الله تبارك الله يومياً اكثر من 3000 طلبيه ومستودعهم اللي بالسلي بمساحة 3000 متر مربع لم يعد يكفي فأستأجروا مستودع ثاني والآن اشتروا مستودع بمساحة 10 آلاف متر مربع طبعا سوق كوم مملوك لمكتوب وصديقي مدير تنفيذي وليس ملك له بالتوفيق اخي الكريم انا مشترك بموقع كوبون كان تعرفه يجيني زباين من عندهم وبإذن الله بشترك معاك بالموقع حقك بس تحدد لنا قسم اكسسوارات وخدمات السيارات لاتنسانا |
ومعليش انا اقترح تاخذ نسبة 1 % من البدايه على كل عملية بيع
وتضع قسم خاص للعروض الموسميه أي تاجر عنده عروض تخفيضات تكون بصفحه مستقله للعروض الخاصة والله يكتب لك الخير ويوفقك وييسر امرك اخر نصيحه اصبر ثم اصبر ثم اصبر فبعد الصبر تفرج من أوسع الأبواب |
اقتباس:
ان شاء الله سوف يكون هناك حسب طلبك قسم خاص لخدمات السيارات من قطع غيار واكسسوارات . |
اقتباس:
الله يعطيك العافية على هالدعوة الطيبة ... والصبر ان شاء الله اني ابصبر لاني حاط ببالي ان فيه الف عقبة وعقبة . اما بخصوص النسبة 1% هذي عاد انا رافضها بتاتا مابي اخذ نسبة على التجار والتاجرات ولو فكرت اخذ نسبة الاولى فيها المؤسسات والشركات والاجانب . مع اني ما احبذها . انا يكفيني لو اطلع رواتب الموظفين من الاعلانات وباقي الاعلانات بخليه دعم للتجار المتعثرين والمبتدئين . مع العلم ان فيه شباب عرضوا علي العمل التطوعي جزاهم الله خير لكن انا مابي اتعب احد بدون مقابل . وخليت العمل التطوعي مقتصر على التسويق والكتابات في المدونة والرقابة على المخالفات الشرعية والقانونية بعد افتتاح السوق . |
ما شاء الله تبارك الله / الله يوفقك ومشتاقين بصراحه نشوووف الموقع
وإن شاء الله بعد فتره تكتب لنا قصة نجاح الموقع هنا :) |
الله يوفقك مشروع جداً ممتاز بالتوفيق ...
|
اقتباس:
ان شاء الله عن قريب بفتح الموقع وان شاء الله يكون باب رزق لي لغيري |
مشاء الله الله يوفقك ويكتب لك الخير والآجر لأن واضح ان نيتك تفيد المجتمع قبل تفيد نفسك
ان شاء الله تكون قدوه لكل التجار الي بالسوق الله يوفقك ونشوف الموقع بأقرب وقت |
الساعة الآن 04:47 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين