السلام عليكم ورحمة الله وبركاته

تقبل الله منا ومنكم صالح الاعمال

افيدونا يا أخوان بخصوص المقابلة الشخصية وطبيعتها وطريقة الاسئلة.. والخ ، اخوكم تخصصه تربيه خاصة "فكري" ومقابلته بعد العيد ان شاء الله .. وجزاكم الله خير

سهالات المقابله , المقابله لقياس شخصيتك وسلامة حواسك فقط

ارفع صوتك وخلك واثق من نفسك و روق ياتشافي ولو حاولوا ينرفزونك عطهم باص عيون

يعني لاتهتم ببالسئله اللي فيها لانها مهب ثابته والغرض منها اساسا قياس الشخصيه وليس الاجابه الصحيحه

الله يوفقك

انا مثل تخصصك بالظبط

ماسألوني في التخصص أبد

بس قالو عرف عن نفسك؟ هل تحترم الوقت؟هل تجيد استخدام الحاسب الالي؟

وسلامتك

وبالتوفيق لك

الله يوفقكم

ادخل المقابله وانت في بالك انك مجتازها
لاتخاف ولا شي تراها عادي جدا يجتمعون عليك ثلاثه او اربعه من حقين التعليم
ويجلسون بالعربيه يطقطون عليك بالاسئله يبون يشوفون مخارج الحروف وثقتك في الكلام من نفسك


انا عني سئلوني متى تاريخ اليوم الوطني !
من هم داعش
وش معنى داعش
وش رايك في داعش
وش هو الكرومسوم المسئول عن المغوليين

وسلامتك

اهتم بمظهرك واكشخ وخلك واثق من نفسك ولا ترتبط
والله يوفقنا يارب

الله يوفقك ومبروك التعيين مقدماً
المقابلة الشخصية إجراء روتيني ، للتأكد من الثقة بالنفس وسلامة الحواس ومخارج الحروف .
المقابلة سهالات ولاتشيل هم أبد ، طبعاً اللي يقابلك واحد او مجموعة على حسب ادارتك
بعطيك بعض النقاط :
1- خليك هادىء جداً ، لأن إحتمال يجيك سؤال ينرفزك ويشوفون انت منفعل وعصبي ، الهدوء مطلب أساسي.
2- الثقه بالنفس ، خليك واثق من نفسك وواثق من إحابتك للسؤال بحدود المعقول وبعيداً عن الفلسفه .
3- الزي الرسمي الكامل ، بالعربي خليك شخصية .
4- خليك مبتسم
5- اذا سألك سؤال وماتعرف اجابته ، خارج نفسك لاتجلس ساكت

وفي الأخير المقابلة شيء روتيني لاتشيل هم والله يوفقك ويسهل عليك