السلام عليكم .. كيفكم ياعاطلين وعاطلات ..هااه يااخواتي كيفكم بعد ماطلعت أسماء المعينات الجدد .. عسى لقيتوا أسماءكم معهن واللي مالقت اسمها بالله كيف النفسية << مثل حالتها الضعيفه
بالله ياعالم بقولكم حكايتي وابي رد من كل من يمر على الموضوع ..
تخرجت قبل خمس سنوات من جامعة الملك سعود قسم أدب انجليزي ... ايه انــجــلــيــزي ... تقديري جيد مرتفع وعندي دورة حاسب ثلاث شهور ... وكل من درى عن تخصصي قال ياحظك ماشاء الله تخصصك مطلوووب .. اي مطلوب ياعم واسمي ماطلع من ضمن الاسماء اللي اعلن عنها الديوان <<< اكيد لو طلع ماراح تكتبين الموضوع هذا خخخ ... ياربي لا تبلانا ....
اقوووول بلا شماته
ترا التشمت موب زين عشانكم بعدين تصيرون عاطلين مثلي
<<< انجزي ترا موب وقت تنكيت
طبعا كل امالي وطموحاتي تحطمت
في مستوى التخرج كنت اقول اكيد بتوظف احسن وظيفه وكنت احسب ان كل مجال ينتظرني لكن للأسف الوااقع غير غير والحظ اغبر مايساعد ياحسره
قلت بدل القعده خل اصبر نفسي بوظيفة الين اتعين حكومي وصرت اتنقل مابين المدارس الاهليه ومعاهد اللغات الله يقطعهم ويقطع نظامهم الله يغنينا عنهم يارب
والله اني صرت اشرح بدون لااحضر ولا افتح الكتاب
اقولكم هذي خمس سنين تدريس ثالث ثانوي موووب لعبه :o
وحده من الزميلات قالت لي " انتي لو تدري عنك الوزارة كان تشريك شراء " خخخ بالله ضحكتيني .. الشئ الوحيد اللي تدري عنه الوزارة انه ماعندي وااااسطه
المضحك المبكي انها هي طلع اسماء من ضمن التعيين الجديد .. الله يعطيها خير هالوظيفة ويكفيها شرها ...
هاه وش رايكم فيه نحس اكثر من كذا
ورجاءاً لااحد يقول ليش ماتجربين مجال ثاني غير التدريس لأن قلبي ماطاوعني على اي مجال فيه اختلاط
.. اما الوظائف النسائية الثانية ارسل السي في حقي ولااحد يتصل ... هههههه وربي لااحد ينقد علي ترا شر البلية مايضحك ...
هي ماجت على ذي انا كل مااطقها عوجاااا
... بالله وش رايكم في حكايتي !!! وكل من يقرأ هالموضوع الله يخليه يدعي اسمي يطلع من ضمن هالالف والسبعه والعشرين اللي كلن معلق امله عليها . آآآه بس ترا النفسية مرررررررره رايحه وطي الله يرزقني وياكم جميعاااا