انا خريج كلية التقنية تخصص محاسبة تقدير جيد جداً متخرج عام 1429 هـ و إلى الآن لم أحصل على وظيفة حكومية وكل ما أستفسرت من ديوان الخدمة المدنية يقولي رقمكم له أكثر من 3 سنوات ماتحرك

المصيبة ان الشركات أذا وظفتك عطتك راتب ضعيف جداً و مع كذا عدم أمان وظيفي يعني بأي لحظة تنطرد

و وزارة الخدمة المدنية ماهي راضية توظفنا 70% من الخريجين دخلوا قطاع عسكري ( الله يوفقهم )

طيب اللي طوله ماتقبله العسكرية أو مايبغى عسكريه أيش يسوي ؟




نصيحة :-


ياشباب لا أحد يقدم على كلية التقنية و الله العظيم بعض الخريجين منها عاطلين عن العمل و بعضهم سلك طريق الضياع


نصيحة حبيت أقدمها لكم ولازم نشوف لنا حل على الأقل نكتب بالصحافة مشكلتنا ممكن أحد من المسؤولين يشوف لنا حل

حبيبي ولد شيوخ
لا تنتظر الخدمة المدنية
أشتغل في القطاع الخاص وأثبت نفسك وراح تطوّر
حاول تكمل دراسة عن طريق الدراسة عن بعد
خذ لك دورات في المحاسبة والانجليزي
لاتعتمد على غيرك في رزقك
أجتهد بنفسك

أتكلم عن نفسي
أنا خريج كلية تقنية تخصص محاسبة عام 29
أشتغلت موظف استقبال اول ماتخرجت براتب 2500
وبعد سنه رقوني وحطوني مساعد اداري في شؤون الموظفين وزاد راتبي 500 ريال
وخلال هالفتره اخذت دورات في الحاسب الالي واللغة
وبعد ثلاث سنوات كان راتبي 3200 تقريباً
صار عندي خبرة في العمل الإداري
ولغة متوسطه
جاني فرصه في شركة اجنبية براتب 8 الاف وقتها
والان هذي السنة الثالثه واموري فيها طيبه والزيادات مستمره
وباقي لي سنة واخلص بكالوريوس ادارة اعمال عن طريق التعليم عن بعد من جامعة الامام
وللعلم قبل فترة دخلت مسابقة وظيفية في وزارة العدل
وترشحت ومارحت لهم
لأني وجدت إن القطاع الخاص أفضل بمراااااااااااااااااااحل من الحكومه

أسأل الله أن يوفقك ويرزقك
لكن أجتهد ونظم نفسك ووقتك وأنطلق لتحقيق أهدافك
والأرزاق بيد فاطر السموات والأرض
لا بيد وزير ولا ملك

شف انا متفق معاك ان كلية التقنية ( نكببببببببببببه ) !! بس مالنا الا ندور والشكوى لله !

،


عندك فيتآمين ( و ) تمشي كل آمورك مآعندك ربك يعيين ,,~
ومالك إلا الصبر .. والله يرزقك مآ تتمنآه ..

الدبلووم يا اخوان هو اللي صار شي غير مطلوب انا برضو حامل دبلوم من معهد تقني وقبل سنتين اعرف شخص عنده دبلوم بصريات والثاني دبلوم طوارئ كلنا ما لقينا اماكن توظفنا انا لقيت شركات سيارات فقط والراتب ما يتجاوز 3 الاف فلا احد يقول كلية التقنية دماار غيرها كثير دمار انا حامل دبلوم المعهد السعودي الياباني للسيارات ومالقيت جامعة تقبلني اكمل بكالوريوس ولا الابتعاث يقبلني و املي الوحيد الان بكالوريوس التقنية

وزارة الخدمة المدنية لاتعترف بدبلوم الكلية التقنية ابدا
لاتنتظر منهم شي بس اغسل ايدك
انصحك تكمل بكالوريوس او تشتغل قطاع خاص
او اعمال حره المهم تشتغل على نفسك

اتمني يقفلون المعاهد و الكليات التقنيه ... مجرد نصيحه كافي ضحايا

تحطيم ذا المححااسبة و الدبلوم

من جد المفروض يقفلونها مالها اي فايده
صارت اكبر مفرخه للعاطلين بالمملكة
او يقلبونها بكالوريوس بدل الدبلوم