السلام عليكم و رحمة الله و بركاته

.

.

.

.

.


عندي أخو توه في السنه التحضيريه في تخصص تقنية معلومات اليوم يقول لي أنه يفكر يفصل من الجامعه و يقدم على الامن العام و قاعد يستشيرني صراحه أخاف أعطيه قرار و أندم ...

أنتم شو رايكم هل تخصص تقنية المعلومات يستاهل أنه يكمل الدراسه عشانه أو أنه يتركه



يا ليت متخرجين تقنية المعلومات يكلمونا عن تخصصهم و دراسته و الوظائف بعد التخرج

انا من وجهة نظري انه يكمل الجامعة وياخذ البكالرويوس افضل بكثير .. وراح تكون فرصة توظيفه بعد توفق الله كبيره سوا كان بالقطاع العسكري او المدني او الشركات الكبيرهه

واذا كان هاوي العسكرية يكمل الجامعة ويشد حيله ويدخل احد الكليات العسكرية ويتخرج باذن الله ضابط (( افضل من الثانوي برتبة جندي ))

بالنسبة تخصص تقنية معلومات من وجهة نظري من افضل التخصصات ومرغوب سوا بالحكومي او الشركات الكبيرهه

والله يوفقه ويكتب له الخير فين ما كان

اذا خلص دراسته الجامعية ؛ بيلقى المجالات واسعة أمامه ..
اما انه يكمل دراسته ويحصل على درجة الماجستير .. وبتكون له فرصة كبيرة في معظم القطاعات
أو يلتحق بكلية الملك فهد الأمنية ؛ مدة الدراسة فيها سنة واحدة لخريجين البكالوريوس
وبإمكانك الاطلاع على موقعهم للتأكد .. وبإذن الله يتخرج برتبة.
أو يحاول يجيب معدل عالي في السنة التحضيرية ويحول للتخصص المطلوب بعد إنهاء السنة التحضيرية. هذا حل آخر.
لكن لو ترك دراسته الآن .. والتحق بالأمن العام ؟ بيندم طول عمره نتيجة للسلبيات اللي بيواجهها
تدني رواتب وضغط دوام غير معقول؛ إلى آخره.
الأفضل والصحيح انه يستمر ويسعى في الحصول على معدل عالي؛ حتى تهيء له كل الفرص الممكنة ان شاء الله. وبالتوفيق

هذا التخصص مطلوب بالمملكههه بالمستقبل ..


تقريبا هو من التخصصات الي ممكن تكون مطلوبهه ف الاحسسن يكمل ويتوكل ع ربي ..

تحول يقظ و قياسيه متشكر لردكم

الافضل له يااخوي انه يكمل
نصيحه انا خريج كلية تقنيه ومجرب العسكريه وانتظر بفارق الصبر الخروج من العسكريه
والتعيين في الاداريه
نصيحه له يكمل ولو عقله هاوي عسكريه بعد التخرج يقدم كليه امنيه
ويتخرج برتبة ملازم او ملازم اول
نصيحه اخويه مني لايقدم عسكريه راتب الجندي اساسي اقل من 3500 شس ظلم كبير انا عندي كليه تقنيه ساوموني بخريج الثانويه والان راتبي الاساسي 4190
نصيحه نصيحه نصيحه لايوقع اخوك في العسكريه
وبعدين يتندم على حاله

والله شوف أنا بتكلم معك بصراحة

الحاسب بشكل عام للبنات أفضل من العيال بكثير

العيال مشكلتهم ان القطاع الخاص يفضلون الأجانب و الهنود خاصة شاطرين بالحاسب على السعوديين

بس في نقطة الحاسب مرغوب في الكلية الأمنية

يعني اخوك لو تخرج تخصص حاسب فأفضل فرصة عنده هي الكلية الأمنية غيره ماااش مو ذاك الزود


تقدر تطلع على معاناة خريجين الحاسب العيال و تشوف المناسب انت و أخوك وبالتوفيق