السلام عليكم ورحمة الله وبركاته وبعد

زي ماهو موضح في العنوان عندي راس المال مليون ونص

ومحتار بين محطة بنزين فئة)(أ) اكبر محطة

ومطعم فخم زي >>تشليز ابلز والمطاعم الراقية

المدينه حائل وش افضل و دورت دراسة جدوئ ما لقيت

اسال الله العلي القدير ان يرزقك ويدلك لما فيه الخير
راس مال ممتاز ماشاء الله تبارك الله
لك عندي نصائح عامة :
١. قبل تنفيذ اي قرار تتخذه في حياتك بشكل عام عليك ان تستشير من تثق به وبعد ان تتخذ القرار النهائي لا تنفذه الا بعد ان تصلي صلاة الاستخارة فضلها عظيم .
٢. اكتب الافكار المتوفرة لديك في دفتر صغير وسجل الايجابيات والسلبيات لكل فكرة والعوائق المتوقع حصوله اثناء العمل .
٣. لا تستثمر ريال واحد الا في عمل تحبه وتفهم تفاصيله الدقيقة .
٤. حاول ان لا تحصر تفكيرك في موضوعين فقط اعمل دراسة لمنطقتك ماذا تحتاج من خدمات واعمل على تنفيذها .
٥. حاول ان لا تضع راس مالك كامل في مشروع واحد ما تعرف ماذا يحصل غداً مثلاً في حالتك ابدأ بمشروع بمليون ريال واترك الباقي احتياط وفي حال نجاح النشروع من ارباحه تفتح فرع جديد او تطوره للافضل في المستقبل .
٦. عليك بالصدقة للفقراء والمساكين فهم الاستثمار المضمون ١٠٠٪ وتذكر حديث الرسول صلى الله عليه وسلم ( ما نقص مال من صدقة).
هذا ما عندي واعتذر عن التقصير
وتقبل تحياتي

الراس مال ممتاز جدا اخي الكريم طيح في الوكالات الوكالات الوكلات

مثلا حاول تشوف منتج امريكي ماشي في امريكا وجيبة للسعودية او ماركة مكياج مشهورة وسعرها مناسب والجودة بطلة بتمشي

شوف انا بديت بمنتج تخسيس مصرح في امريكا يباع بشكل علني المشكلة في السعودية ماله وكيل

تعرف كم بعت خلال سنتين 2700 علبة انا لوحدي ترا حسبت مبيعاتي 350 الاف ريال تخيل لو عندي توزيع رسمي او وكيل للشركة كم صيدلية كم مستشفي

https://www.btalah.com/showthread.php?t=571828

في مشروع اخر في امريكا عجبني مغسلة اكترونية اخي الكريم تغسل السيارة اكتروني ذهب وخاصة في حائل تمشي ركض لان يحبو الفضول ودهم يغسلو في المغسلة

بما انك من اهل حايل


فيه مشاريع عندكم فتحت بيوت واغنت ناس
وراس المال متحرك وسيوله بيدك

وبما انك من اهل حايل يعني الوصول للمصادر سهل بالنسبه لك

بس يمكن مالك بذا المشاريع ...
راسلني خاص

فكرة المحطه حلوه بس يبغالها موقع فيه حركه

ومافيه زي العقار لو تقدر تبني دبلوكسات وتبيعها ( ع حسب نشاط اهل حائل وهم يحبون يشترون بيوت جاهزه او شقق تمليك )
لان في جده الشغل ماشي

لما تطلع راس مال اكبر وتبدأ بمشاريعك

بالتوفيق

ما شاء الله لا قوة الا بالله
الله يبارك لك فيها ويرزقك اضعافها

اشوف ان مشروع المحطة جداً جميل خصوصاً اذا كبيرة وفيها محلات كثيرة

وراح افيدك بخبرتي البسيطة

تريلة بنزين (95) فيها (33000) لتر سعرها بـ (18500) ريال وسعر بيع اللتر بـ (64 هلله )
السعر كامل بعد البيع بـ (21120) ريال ...... الربح في كل تريلة ( 2620) ريال

تريلة بنزين (91) فيها (33000) لتر سعرها بـ (13290)ريال وسعر بيع اللتر بـ ( 49 هلله )
السعر كامل بعد البيع بـ (16170) ريال ...... الربح في كل تريلة (2880) ريال

تريلة ديزل فيها ( 33000) لتر سعرها بـ (8500) ريال وسعر بيع اللتر بـ (32 هلله )
السعر كامل بعد البيع بـ (10560 ) ريال ....والربح في كل تريلة (2060) ريال


بالمناسبة
طريق حائل - الجوف .. مافيه إلا محطة واحدة وتعتبر قليلة الخدمات واكيد انك تعرفها
وهو يعتبر طريق دولي وعليه حركة كثيرة .

آتمنى اني افدك ، وما ابي منك إلا دعوه بظهر الغيب


لك ودي

لو واحد منها ضروري راح اختار لك مطعم فخم في جدة او الرياض او الشرقية

و 500 الف تسوي لك مطعم جديد ومختلف

بعد عشر سنوات بيكون عندك سلسلة مطاعم وقيمتها السوقية تتجاوز 10 مليون
طبعا في حالة نجاح الفكرة وكونها مختلفة ومميزة فكرة المطعم

الله يبارك لك في مالك


المأكولات والمشروبات استهلاكها عالي جدا في المملكة


الملبوسات النسائية كذلك

موفق يارب
ملاحظه الرجال محتار بمشروعين وطلب مشوره ماطلب تعطوه مشاريع ههههه الله يهديكم
انا اشوف تستخير اول
ماخاب من استشار وماندم من استخار

بعدين تبدا تدور موقع للمشروعين وتفكر بالعمالة وترتب المشروع اللي تحس انه متسهل
وتقدر توفر كل احتياجاته هو مشروعك