السلام عليكم ورحمة الله وبركاته

في البدايه اصبح على الجميع

واحب اقول ان توفيقي بعد الله ثم من هالمنتدى واعضائه المميزين

دائما مطلع على هالمنتدى واقتراحات اعضائه وتوفقت بكثير من المشاريع ولله الحمد

رغم انني كنت عاطل والتجأت بعد الله لهالمنتدى والحمد لله الذي اكرمني

اليوم طليت عليكم وحبيت اخذ بمشورت اخواني الاحباء

كنت دائما ما اتعب من سالفة الايجارات وجشع اصحاب العقارات وبلارحمة بالاخص للشاب السعودي

فقررت اني مافتح اي مشروع الا في ملكي انا مهما يكلفني الامر من مبالغ وقروض


واشتريت ارض تجاريه مساحتها 350م هي صغيره فعلا لكن تنفع لمشروع خاص

وبعد التفكير والدراسه قلت افتح مغسله يدويه كبيره للسيارات لحوالي 14 سيارة في وقت واحد
وابني على كيفي وذوقي ولا اشيل هم ايجارها وراح اقلل من اسعار الغسيل عن باقي السوق
كعروض متفاوته

وش رايكم بهالمشروع

معذرة على التنسيق لاني اكتب من جوال

اخوي تاكد اظن من شروط مغسله السيارات تكون في محيط محطه
اما الامر الثاني بخصوص 14 سياره في وقت واحد العمال البلديه يعطونك 3 عمال على ما اظن
يفيدونك اهل الخبره
ولا تستعجل حتى تعرف كل الشروط

فكرة المشروع ممتازة ، لكن تأكد من كلام الأخ مفخره ..

والله ييسر أمرنا وأمرك وكل مسلم

بالتوفيق وأهم شيء تأكد من الشروط للمكان والمساحة وأيضا حاول تجتهد في اختيار عمال نشيطين علشان تكسب الزبائن، موفق الى كل خير

لاتستطيع الحصول على رخصة مغسلة إلا إذا كانت داخل محطه محروقات
النظام هذا جديد حسب ما قرأت وسمعت ,, فكر بمشروع ثاني ..

الله يجزاكم بالخير :::

انا شاهدت مغاسل بالمنطقة الغربيه وقلت ابي انقل هالثقافه للوسطى
لاني ماشاهدتها في المنطقه اللي ارغب فيها

بالنسبه لرخصه سمعت مثلك وابي احاول قبل لا ابدا لعلى وعسى تيسر معي


اما العمال 3 ظلم وحرام لان المغسله ماهيب مدخلين ولا ثلاث ارض كامله راح تسور
وانا شاهد مغاسل فيها اكثر من 10 عمال كيف طلعت لهم التاشيرت

هل لديك منتج او بضاعه اوملابس اوشغل بيت وحاب احد يوصله لزبائنك انا اتشرف بخدمتك {الدقه والالتزام بالمواعيد باذن الله[ 0505447358

خذ صور للموقع وكروكي وروح للبلدية واسألهم وشوف الاشتراطات الخاصة بالموقع

اذا ماتيسر لك انشاء المغسلة فكر بمشروع ثاني

لاتدري الخير وين

وبالنسبة للعمال تأكد ان اي مشروع ببدايته مستحيل يكون عليه اقبال وزحمة تحتاج فيها لعمال كثير

ليس احباط ولكن تقدر تتأكد من اهل الخبرة

بالتوفيق يارب