سلام عليكم

انا طالبه بالجامعه

مشكلتي ماقدر ادفع رسوم الجامعه يعني حالتي الماديه شوي صعبه الحمدلله كثير

دورت وظايف كثير بس كلهم يقولون مفاضله لان عندي خبره بالحاسب والسكرتاريه و دورات انجليزي وكذا ولا احد يتصل

الحين ببداية الدراسه فكرت اشتغل بالبيت وبكذا مشروع لكن فكرت اني اكون مدرسة خصوصيه لاني احب الاطفال واحب ادرسهم ونفس الوقت اشيل نفسي ومصروفي واساعد اهلي شوي

بس والمنااهج اعتبرها تقريبا سهله مواد الدين واللغه العربيه والانجليزي بس متخوفه من الرياضيات والعلوم ودي اكون معلمه متابعه للمرحله الابتدائيه

ومااعرف كيف ادرس السلبيات والايجابيات وكم اخذ على كل كتاب ماعندي خبره وكم يوم ادرسهم بالاسبوع و خايفه يكون في تعارض بوقت اختباراتي ووقت تدريسي لهم

اهلي عادي ماعندهم مشكله اني ادرس بالبيت لكن ماحد يناقشني وكلهم يقولون كيفك

محتاجه احد يوجهني

دعيت ربي ان اذا كان خير لي واستخرت واحس اني متحمسه للموضوع واني بكون قد المسؤوليه

نصيحة مني تدورين على دوام جزئي من صباح الى ظهر افضل
ورسوم الجامعه تقدرين عليها من خلال تدريسك لي الأطفال
اما المواد الدين واللغه العربيه والانجليزي تقدرين تاخدين عليها رسوم 500 على واحد

مدام انهم يقولون مفاضلة لازم واسطة على كدا

السلام عليكم ورحمة الله وبركاته
وبعد اسأل لكي اختي العزيزة التوفيق والسداد
واسأل الله ان ييسر لك ويفتح لك ابواب فضله انه على ذلك قدير
اولا حبيت ان اقول لك ان فكرتك جدا ممتازة ما دام انك لك رغبة في التدريس خصوصا ان اهلك ماعندهم مشكلة في انك تدرسين بالبيت .
ثانيا العلوم والرياضيات للصفوف الابتدائية ماهي صعبة وتقدرين عليها ان شاء الله مع المحاولة وبتقدرين تلقين حلولها من الانترنت
ثالثا من وجهة نظري انك تدرسينهم 3 ايام او يومين في الاسبوع ولا يمنع انك تزيدين الايام مع قرب الاختبارات .
لكن اهم شي انتبهي لدراستك ولا تخلين شي يؤثر عليها

وعليكم السلام

شكرا على الرد

لكن مالقيت وظيفه بدوام جزئي حتى لو لقيت بمدينه ثانيه تبعد من 20 الى45 دقيقه والسواق بياخذ مني 60 ريال رايحه و60 جايه يعني 3600 ريال بالشهر و الراتب اساسا 2500

الله يفتحها عليك يارب
اما فكرة التدريس هي جيدة وبنفس الوقت استعدي للمناهج عن طريق الانترنت
لـ الرياضيات والعلوم , وإن شاء الله تنجحي بدراستك وتدريسك .